#فراقد حسن علي.......
#ألحلقة الخامسة .........
#بنات سهر..................
÷÷÷÷÷÷÷÷÷÷÷÷÷÷÷÷÷
مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟
يــــــلوموني لأن ربـّيــــــت حزنــــــي ويــــــاي
المفــــــارگ محــــــب متگلــّـــي شـــــــيربّي .؟
صـــح تعـّبــني كلــش .. صــح سهــرت ويـــاه
بـــــس والله أصيــــــل و مـــا نكــــر تعـــــــبي !!!!
================================
للصبح بعد ما غسلنا وطلعنا رحنا للمطبخ
لكينا بس خالتي بالمطبخ
حسيت وجهه مو طبيعي
اكو شي مكدر خاطرها !!!
أتريكنا اني وخواتي وياها على الواهس
أساور سألتها / خاله شبيج شو مو طبيعيه
خو ما مريضة ؟؟
هي هنا بسرعة بجت وكالت / كون مرض منتصر
يندار بيه ولا أشوفه طايح كبالي
منتصر مو بس ابني
هو سندي وتجيتي بهاي الدنيا
سوار بسرعة كالتلها / اسم الله خاله شبي عمو منتصر
خالتي هي تبجي حجت وكالت / بعد الطبيب
ما مشخص حالته زين ،
البارحه الطبيب المشى عليه
يكله عندك تليف بالرئة
وكلبك تعبان
وحيدر ابن عمه يكله / هذا الطبيب زمال حشى كدرجن
تشخيصه غلط ،
تحاليلك والاشعه والأيكو
يوضحن عندك التهاب بالرئة
وتضخم بعضله القلب أكيد بسبب ارتفاع الضغط عندك
وهذني الهن علاج شغلتهن سهلة لا تخاف
وبعد اليوم يروح يراجع غير طبيب
وحيدر يمشي وياه ،،
يمه فدوة أدعله بالصحة والعافية
هنا دخلت للمطبخ بت منتصر السمينه
شو هجمت علينا وكامت اتشمر بديها
وتصيح /كومن اطلعن بره
بابا راح يموت من وراجن
كلبه تعبان راح تموتنا غربان البين
وتقدمت عليه وكامت اتعتعت بيه من هدومي
وتصيح بصوت عالي وتبجي/ اطلعن بره
وخالتي كامتلها استلمتها كفخات
وتصيح عليها / شبيج كعدتي مجلوبه من الصبح
وهي استلمتني ضرب وتفال وشتم وغلط
ودفع بيه بكل حيلها
والله اني استحيت من خالتي
اضربها لو اسويلها شي
والصراحه ما متعلمة اعارك واغلط وافشر
من دفعتني بقوتها عثرت بطرف أسلاميتي
ووكعت على وجهي
صدك أنهضمت وبجيت بقهر على حالنا
زعطوطة تبهذلنا وتذلنا
كلت الخواتي الواكفات يتباجن امشن جيبن
جنطة هدومنا واغراضنا نروح نرجع البيتنه
اساور هي الركضت وجابت الجنطة
وسوار اجت وكفت يمي برة باب المطبخ
وهاي السمينه متخوصرة واكفة باب المطبخ من داخل
وخالتي دخلت جوة واسمع صوتها تصيح /
همام ،، لمى ،، منتصر
يمعودين و ينكم الحكو
بيتي أحترك من وره الخايسه تبارك
YOU ARE READING
بنات سهر
ChickLitألبنات نعمةٌ من نعم الجنَّة ،، ورداءُ رحمة للحياة ،، ونسمة رقيقة تلامس الرُّوح ،، فَـ هنيئًا لمن رُزق بالبنات ،،
