بنات سهر

ح ٧

#فراقد-حسن-علي ........

#ألحلقة-السابعة ...........

#بنات-سهر ..................
÷÷÷÷÷÷÷÷÷÷÷÷÷÷÷÷÷÷÷÷÷

چنك عايش أبغابه ~ حاطت بيك الذيابه
مدري الخلل عد الناس ~ مدري الدنيه چذابه
البظهرك يطعنونك ~ بالملاگة يشبگونك
ما چني وياهم عشت .... هجمو عليه كتاله
=====================

سوار كامت تبجي بصوت عالي متوجعة
وتفرك رجل برجل
وتحاجيني بصوت مبحوح /
تعاي وديني للحمام
بالكوة كومتها وكفت على طولها
مشت خطوه وكامت تعيط متوجعة

أجى عمنا حاتم
أمبدل هدومة لابس دشداشة بيضه
يلمع من الترتيب والنظافة
ومرته تركض وراه
من شافوا سوار تبجي وتعيط
عمنا كام يغلط على طارق ويسب بي
مرته بقت تشجع بسوار ومشيناها بالكوة للحمام
وهو عمنا يمشي ويه خطوتنا
ومستمر يغلط على طارق ....

سوار / اخير شي أتذكرة
من كلت الخالتي/ خاله وديني لماما،،،،
وفقدت احساسي عن الدنيا
ماحسيت غير اني بمكان غريب
ومن فتحت عيوني زين شفت دكتوره وبنيه يمي
فد خجلت واستحيت من الموقف الأني بي
الله يستر على كل البنات ولا يعرض وحدة لهيج
موقف ،

يعني اريد أتحرك مااكدر
الدكتوره رابطة رجليه على مساند السرير
وبس تكلي / خلصت لا تتحركين
ما يوجعج المكان لان التخدير قوي
اصبري أبنيتي،، جرحج كبير
يحتاجلج خياط وتجميل
تحملي وجع ساعة ولا كل ساعه

وهي تشتغل كامت تحاجي بخالتي من وره البردة
تكلها / حجيه وداعت أولادي
أني الخاطر دكتور حيدر استقبلت حالتها
والخاطر دموعج ، والخاطر خوه حيدر
مراح اقدم تقرير اغتصاب للشرطة

ترى حرام على خطيبها !!!
هيج يعتدي عليها
شبي مستعجل من يعرس عود خل يشبع بيها
شبي هيج أملخها ،،شنو مجلوب خو ما مجلوب

والله لو اني منكم الا أفسخ خطوبتها منه
واسجنه بقضيه اغتصاب، واكعده للعشاير
والعب بي طوبه على هاي فعلته الوسخة

وخالتي ما تعرف شلون تملغط سالفة
تكلها / اي والله استعجلنا
وماندري بي سكير
ومو خوش آدمي

من خلصت مني ضربتي أبرتين
كل أبره على جهه متت من قوة دواهن
دواهن حار زنابير وتكرص بفخذي

هي الدكتوره والبنيه سترني
ونزلني من السرير
مااحس بوجع قوي
بس جسمي من الحوض وجوة أحسه مشلول
مااكدر أتحرك
خالتي لزمتني سندت روحي عليها
بين ما ألبنيه صاحت حيدر أجى دخل علينا
وتشكر منها ،

ودخل وره حيدر، طارق
الدكتوره كالت /منو الاخ ؟؟

جاوبها حيدر /خطيب البنيه

هي بسرعة كالتله / من تطلع اشتري وياك
مكينه حلاقة جيليت بربع وزين شواربك بيها
من تف على الحقراء أمثالك
اطلع برة