حكايه غزل

البارت الثاني

غزل : جنت فرحانه حيل بعيد ميلادي ماما زينت البيت كوله نفاخ  لبابا خذاني للسوك واشترالي  كيكه ككو
واشترالي البدله البالي بضبط ودخلني لمحل الالعاب

اياد : يلا ياا اميرتي دخلي للمحل وشكو شي يعجبج اخذي  بس اليوم مسموح  تاخذين   4 هدايات مني اثنين ومن امج اثنين يلا بنوتي طيررييي

غزل : فرحتي ماتنوصف واني اختار اللعابات اركض بلمحل واضحك بصوت عالي واكمز  اشتريت  هدايا ورجعنا للبيت واني ضحكتي شاكه حلكي

نهال :  هله هله ابنوتي الحلوو يروحي اروح فدوه للفرحان 
بيومها صار عمري 8سنوات جان يوم ماينسي ابد جان اخر يوم اشوف بابا واكف علئ رجليه  ثاني يوم اسمع صريخ ماما علئ النقال ماعرف المن دتخابر وهيه روحها لايبه ماتكدر تعوفنه اني واخوي وحدنه بلبيت جان يوم جمعه وماعندي مدرسه واخوي ماعنده حضانه اشوفها وهيه تبجي وحاطه ايدها علئ حلكها و اسمع بس شهكاتها  اتقربت من يمها  ماما حبيبتي ليش تبجين  رمت نفسها بحضني احسها حستني امها او اختها الجبيرا ودتشكيلي راسها علئ صدري وتنحب بلبجي  لحد ما  مرت تقريبا ثلاث ساعات
اندك الباب وماما طلعت تركض  واشوف عمامي يدخلون بابا علئ كرسي متحرك  تلقائيا دموعي بدت تنزل وركضتله وشبكته بابي حبيبي شتاقيتلك ورد عليه بطريقه ممفهومه بصوت ممفهوم اخذو دخلو لغرفته واسمع عمامي يحاجون امي

حيدر: ولج نهيله  كله من وراج الزلمه انجلط وجاا مات جيب وجيب  وماتهتمين للفلوس هسه بحح كلشي ماكو بعد  ولافلس احمر اياد جان داخل بشغل وطلعو ناصبين عليه وكل فلوسه راحت خنشوف بله حبكم تصبرين عليه وهوا بهل حاله وفلس احمر ماعندا  مو بعد كم يوم اشمرينه علينه ترا فلس ماننطيج 

نهال :  لاتخاف يخوي اياد روحي واني بلاياه روحي مااعيش وراتبي يكفينه وزياده لاتخاف مراح ادك بابك 
حيدر : اي يلا يلا ثيمالله 

نهال : يروحي ليش هيج سويت بعمرك طز بلفلوس اهم شي انت خيمه فوك راسنه بس ولا يهمك راح ترجع مثل قبل واحسن
اياد : (بنطق غير مفهوم) موبيدي  الصار حسيت روحي غشيم وتقشمر عليه وراح كل تعب سنين ابلاش ورتفع ضغطي
نهال : لااتعب روحك حياتي ارتاحلك شوي خل اروح يم غزل واحمد  سودا عليه  خافو اليوم من اصريخي

اياد : ماشي

غزل :  مشت حياتنه وماما هيه الجانت تصرف علينه
ماما دكتورا  بلجامعه  وماتغير شي من حياتنه نفس الدلال ونفس الراحه ماما ابد ممقصرا ويانه وبكل عيد ميلاد نحتفل وبكل مناسبه نطلع بهلفترا ماما دخلت دورا سياقه سيارا  وتعلمت اتسوق وضلت هيه اتوديني للمدرسه وترجعني   صار عمري 13 سنه  بابا الشي الوحيد الااتحسن بي هوا صار ينطق بطريقه طبيعيه

فد يوم كان يوم جمعه  اجو عمامي من بعد غياب سنتين مشايفيهم تفاجئنه
امي راحت لبابا  كعدته من النوم وغيرتله ملابسه واني رحت للمطبخ سويتلهم كهوئ بس طبيعتي مااعرف اقدم لااحد واضيف ممتعوده يجولنه خطار علاقتنه محدوده بللكل وخالاتي بلموصل مزوجات بسنه مرا يزورنه ولو يجن ولو مايجن    واما عمامي سالفتهم معروفه من يوم  ما اتمرض  بابا وهمه جياتهم اللنه معدوده تانيت بلمطبخ تجي ماما محضرتلها لصينيه
غزل : اكولج يوم هذول شكو جاين

نهال :  والله ياا امي علمي من علمج  واني هم مستغربه بس شكو بيها هلا بيهم

غزل :  والله يا ماما مشتهيه افرغ الكهوئ هاي فوك روسهم  ونبي هضيمه بيهم كهوتي غاليه هاي فرغت نصها اللهم

نهال :  ولج يمه هسه الكهوئ بردت وهمه راح يفرغوها فوك راسج خل اروح اوديها اللهم 

حيدر وحميد : والله غزوله صايرا مرا ماشالله

غزل : ابتسمت ابتسامه مصطنعه

حيدر :  والله اليوم جايلك اني علمود نطلب ايد غزوله لاابني علي
غزل : ششششششنو طلعت مني لا اراديه شفت بابا خزرني سكتت
اياد : والله ياابو علاوي  تدري بل ابنيه بعدها صغيرا وينها وين الزواج هاي اذا ما اجيبلها امها علاكه جبس وي اخوها تهرجنه هرج من البجي انوب ازوجها

حيدر : شنهي السالفه مو هاي بنتي رقاوي  بكدها مزوجه وحامل وعليها خامس 

حميد :  يا اياد عليوي ابنه وتعرفه كلش زين والبنيه اولها وتاليها مزوجه عل اقل ماتروح لغريب

اياد :  ونعم خويه علاوي مثل وليدي بس كتلك البنيه صغيرا وماكدر ازوجها بهلعمر هذا 

غزل : اباوع لعيون امي حمررا واتهز برجلها ورغم هذا لحد هلحضه مانطقت ولا حرف

حيدر : اي ياخويه من يوم يومك تمشي ورا حرمتك كلنه عارضنه وكلنالك ياخوي استجن وازوج بنت عمي عل اقل خيرنه مايروح لغيرنا بس لااا انت عندت وجبتلي هاي التتمضحك وياك حتئ تنطيها جم  خبزا ابلاش لحد ما مصتك مص وشمرتك وربع ماضل بجيبك وهسه هيه القائد عليك وماتخليك تنطينه بنتك  وهاا غصبا عليك هاي بنتك تزوج عليوي  اجينالكم بلحسنئ ومارضيتو بسيطه

اياد : ماحجيت ولا كلمه بس كتلها نهال وديني للغرفه اريد ارتاح .

حميد : هاي تاليها ياخويه تطردنا من بيتك ترا هاي عيب وجبيرا 
اياد :  ام غزوله عيوني فدوه استعجلي وديني للغرفه 
غزل :  اباوع لبابا شلون خلاهم يشتضون بغضبهم وعيونهم صارت بكصتهم وكامو  همه وعبيهم اللابسينها عبالك سبايدر مان  وهمه يمشون سريع للباب رحت وراهم اللوح  بايدي بمعنئ باي واضحك

يتبع ....