حكايه غزل

الجزء السادس عشر

بقلم zahr_alftle
_________
اليوم نزلت بارتين لعيون كم ابنيه طلبنه  لاتنسون اصوتولي بعد اكمال قراءه البارت

شوي واندك الباب واجه حسن كال اجو خطار داريد اروح للغرفه وفات عمي ضليت صافنه بمكاني اريد اشرد وسحلني من شعري  حسن خطيه يريد يدافعلي اجااله علي سحله  والحجيه تدفع بيهم وتكلهم عوفوها  وعمي كاض شعري واني بشداشه البيت جرني وضليت اصيح عمووو بس خل اللبس حجاب خطيه

الحجيه وراي شمرت عليه حجاب لبسته وطلعت وعمي كاضني من عكس ايدي ويعت بايدي واباوع

للسيارات اباب البيت  ماضال واحد من ولد عمي حميد ولد عماتي كلهم جاين واني ابجي واحجي ربي دخيلك معقوله راح ارجع لنفس الضيم    دفعني عمي ودخلني لسياره وصلنه للبيت دخلت للبيت واجه علي تقرب يمي ويغمزلي بحقاره

علي :  اليوم راح تتونسين حيل لاتخافيين ما ائذيج اني احبج 

غزل : لزمتني الرجفه يبو فاضل دخيلك ساعدني يربي لاتتركني وحدي  اجه عمي وراي يريد يضربني جان علي يكوله

علي : بويه عود صدك تريد تضرب عروستي وتشوهلي جسمها  يممه ودي عروستي لغرفتها 

غزل : اني بس ساكته وادعي ربي دخيلك ساعدني اللهي لاتتركني كومتني ميسون من شعري  واسمع صوت وي وي وي  مال  سياره شرطه ماهتميت لصوتها ورجعت ادعي بعدني داريد اصعد الدرج  بس صار صوتها قريب كلش اندك الباب حيل   اجو ولد حميد يتراكضون عميي عميي هاي شرطه بلباب يردونك

غزل : كعدت علئ بايات الدرج وابجي واضحك واهمس غياث ماتركتني اكيد هذا انت دخل عمي يركض   كال ضمو هاي دفعت ميسون وركضت لزمني عمي حميد من شعري وصعدني فوك بغرفه علي وقفل الباب  تهسترت ضليت اصرخخ غياااااااااااااااااث غيااااااااااااااااااث غياااااااااااااااااااااث غيااااااااااااااااااااااث  غياث لاتعوفني فدوه  واسمع صوت رياجيل اتعاله جوا واني زدت بصرخاتي غياااااااااااث ساعدني غياااااااااااث  انتضرت ماكو محد صعدلي ائيست وكلت راح
كعدت بلارض ونتجيت علئ الجربايه وحاطه راسي بين رجليه شوي واندك الباب طفرت وضليت اصرخ مقفول عليه مقفوووول  واتعالت الاصوات برا وجان اسمع صوت وخري من يم الباب وستري نفسج  وخرت  وفتحت كنتور علي
اخذت تشيرت اسود حطيته علئ راسي لان شالي وكع مني جوا طلعت راسي من فتحت الركبه سويته مثل حجاب الاميره اباوع لشكلي يضحك بس مامهتمه المهم   اخلص منهم ودخل  غياث  وانرسمت ابتسامه عريضه علئ وجهي حمدت ربي وشكرته وماخله الشرطه يدخلون طلعهم

غياث : شباب يلا دورو وجهكم خلي اختكم تبدل وتنزلنه ونفتهم السالفه واشرلي بايده طلعت ركض رحت لغرفه زينب فتحت جنطتي طلعت بنطرون اسود وقميص اسود فوك الركبه   بشوي ولفيت شالي عدل ونزلت وحجيت كلشي للضابط  واخذو علي وابوه للمركز بس غياث ماقبل اروح للمركز خذاني رجعني للحجيه  سلمت عليه وتبجي وتبوسني رحت بلغرفه ارتاحيت شوي وطلعت اشرب ماي واسمع الحجيه تكول لغياث