حكايه غزل

البارت الثالث والعشرون

بقلم zahr_alftle

غياث : بقيت علئ نفس كعدتي وسيف ونوره راحو للدكتور كاللهم الحمدالله علئ سلامتها نجحت العمليه بس بعد 24ساعه يلا تتعده مرحله الخطر وتكدرون اشوفوها غمضت عيوني حيل وطلعت برا المستشفئ صعدت بسيارتي واتنفس سريع حسيت كلبي اني الي راح يوكف نزلت ورحت يمهم ولكيتهم ناقليها بغير غرفه وهم مايصير احد يتقرب منها ورا ماخلصن 24 ساعه اجه الدكتور وبشرنا كال هاي هيه الحمدالله علئ سلامتها عبرت كل مراحل الخطوره

بقت يومين ومانعين احد يتقرب منها وراها كالو عادي تكدرون اشوفونها بس ماتحجون هوواي دخلتلها للغرفه ملاكي نايمه ولابسه بدله العمليات ماتحملت منضرها وهيه نايمه بهشكل بكل مرا اشوفها تضحك وتهوس وتصيحلي مغثه علمود اضوجني خمس دقايق وطلعوني من الغرفه بقيت بس اني وياها بلمستشفئ سيف بلعصريات يجيب نوره ساعه وتروح بقينه 7 ايام بلمستشفئ لحد ماكالو تكدرون تخرجوها من المستشفئ جان يوم فرح عفت الحجيه يمها

ورحت للبيت حضرتلها غرفتي لان ماتكدر تصعد فرشت فرشه جديده ونضفت البيت ورحت للمستشفئ بس متنحسه كل شوي تبجي وتكض كلبها والدكتور مانعها من هاي الحركه جبنالها كرسي متحرك ضلت تبجي واصرخ وماقبلت تكعد بي سندتها وقربت السياره كلش اباب الردهة وصعدتها وبكل طسه تصرخ وترجع تبجي شلعت كلبي بس مامهتم اهم شي رجعتلي وصلتها للبيت والحجيه كالت اني ابقئ يمها رحت للبيت جبت حسن والبنات احفاد الحجيه وجبت وياي اكل من المطعم رجعت لكيت الحجيه مسويه شوربه ودتوكلها اكلت خاشوكتين ورجعت نامت فرشتلي يمها فراش بلاارض

ومنتجي علئ الكنتور واباوعلها شلون نايمه واحمد ربي رحت توضيت وصليت صلاه شكر لحد مانعست وغفيت كعدت علئ صوتها تبجي

غياث : شكوو غزل شبيج

غزل : مابيه شي اهي اهئ

غياث : يوجعج شي اخذج للمستشفئ

غزل : اهئ اهي

غياث : اروح اكعد لحجيه

غزل : محتاجه اروح للحمام كلشششش محتاجه

غياث : تبجين علئ هاي كومي اخذج

غزل : اهئ اهئ

غياث : بلا دلع خرعتيني عبالي بيج شي تاليتج تتبكبكين علئ بوله

غزل : اهوو غياث لاتخجلني

غياث : هههههه غزل ذبي حيلج عليه لاتضغطين علئ جرحج

غزل : اريد ملابس روح اصعد جيبلي

غياث : لا هذن هنه نزلتهم بكنتوري

غزل : جابلي دهداشه كودري خفيفه وكصيرا

غياث : يلا هاا اهاا وصلتج شكو بعد كاعده تبجين

غزل : اي يلا اطلع

غياث : شلون اطلع بله صار بيج شي

غزل : غياث والله بعد ثانيتين اذا ماطلعت ابول عليك واخليك تحتار بيه اطلع احسلك