حكايه غزل

البارت الخامس

بقلم zahr_alftle

لا اعلم ما الذي حدث
لكنني بقيت وحيده
    _________________

غزل :  خالاتي حضرن اول يوم الفاتحه ورجعن لبيوتهن   فضت الفاتحه والكل بده يتسحب ضل البيت فارغ موحش يخنك  اخر عائله بيت عمو ثائر اجت زوجته ودعتني وصتني علئ بابا واني بالي مو يمها احس نفسي مخنوكه اسمعلها وهز ابراسي راحو وضلينه اني وبابا هوا يباوعلي واني اباوعله كعدت علئ القنفه وحطيت ايديني علئ راسي واشهك بلبجي

اياد :  كومي بويه مايفيد البجي كومي اتوضي وصليلهم واقريلهم قران

غزل :  باوعت لبابا وعيوني مليانات دموع اباوعله بصورا مغوشه  وكلتله بابا

اياد :  هاا يروح ابوج

غزل :  بابا صفينه وحدنا

اياد : مسحت دموعي وفركت وجهي وكتلها كومي بويه خل نصليلهم 
 
غزل :  وكفت علئ حيلي ورحت توضيت ولبست جادر لصلاه  مال ماما جنت بوقتها مو هلكد وي الصلاه جنت مامتحجبه واصلي بس من مامجاوبه بل امتحانات صلاتي جانت مامضبوطه  ضليت ساعه كامله واني اصلي وابجي

غزل : ياللهي ياحبيبي خلص امي واحمد راحو ومااكدر بعد اطلب منك ترجعهم الي بس اطلب منك تحفضلي بابا وتنطينه الصبر دخيلك ياربي انطيني الصبر والقوه اللهي لاتتركني وعد مني راح استمر اصلي وحتئ اتحجب بس احفضلي بابا وانطينه الصبر دخيلك يارربي
خلصت صلاه  ورفعت راسي وشفت ابوي صافن عليه والدمعه بطرف عينه ساعدته ينام علئ جربايته ونمت بصفه وشبكته

اياد : غزول سمعيني بابا

غزل : اي بابا اسمعك

اياد : بابا اني وامج الله يرحمها جنه نجمع  فلوس وجان عندي هم جم فلس بقولي من شغلي جنه نجمعهم حتئ نشتريلج بيت وعساس هذا البيت يبقئ لااحمد اخوج

غزل :  من نطق هاي الجمله وذكر اسم احمد لزمته العبره وصوته تغير بقئ ياخذ نفس ويزفره استجمع طاقته وكمل كلامه

اياد : هسه يا بابا بعد  بقو هذول الفلوس الج حاطينهم بل بنك  من اصيرين 18 سنه تتصرفين بيهن ويابابا ديربالج وخلي هذا كلامي ترجيه بااذنج خاف يجي عمج او اي كائن يكلج وقعي فلان ورقه فلان بطاقه لاتوافقين رفضي رفض قاطع

غزل :  بس بابا ليش دتحجي هيج انت يمي وتتصرف بكلشي

اياد :  بنتي سكتي وسمعي الاكولج عليه صيري  قويه يابنتي لااصيرين غزاله ويفترسوج صيري اسد  يابنتي ودافعي عن حقج وحقوقج  لاتنزلين راسج وتقبلين بلذل عندج فلوس تعيشج عيشه ملوك لاتبعثرين بيهن وخلي عقلج هوا الحاكم مو كلبج انتي كدها انتي قويه واني عندي ثقه بيج لاتنهارين ياابويه وكل ماتشتاقين لامج غسلي وجهج وباعي بل امرايه راح اشوفينها لانج اتشبهين امج حلوا وقويه

غزل :  يعني بابا هسه اذا اغسل وجهي واباوع بل المرايه  راح اشوفن ماما

اياد :  اي بنتي راح اشوفينها بيج صيري مثل امج ولو ماشبعتي منها بس عشتي وياها وقت كفايه حتئ تعرفينها وتعرفين تصرفاتها وشخصيتها صيري مثل امج يابنتي ومراح تتندمين 

غزل: بابا يحجي واني خذتني النعسه ونمت وحاطه راسي علئ ايده وشابكته خذتني نومه كعدت ساعه ب2 بليل والبيت اضلم واريد اروح للحمام خفت اروح وحدي

غزل :  بابا فدوه حبيبي ولو راح اخربلك  نومتك بس اكعد انتضرني  يم الحمام اخافن وحدي  احرك بي مايجاوبني ضليت اتلمس الدكمه مال الضوه  سحبت نفسي وشعلتها وجانت صدمتي

يتبع ....