حكايه غزل

البارت الواحد والعشرون

بقلم zahr_alftle

بارت هديه لعيونكم وابوس تفاعلكم الجميل ♥♡
___________

غزل : همست غياث كتلته

غياث : حيل وبو زايد بي

غزل : غوشت الدنيا بعيوني وبعد ماحسيت بشي

غزل : كعدت ولكيت نفسي بلمستشفئ استعاديت ذاكرتي وطفرت واصرخ تعالووووووو شيلولي هذاا قصدي علئ المغذي اجتني سستتر شالته الي طفرت اركض طلعت من الردهة وشفت غياث كاعد مكنبص ركضتله وكعدت بلاارض يمه غياااااث راح يسجنوك اكلهن اني كتلته مااخليهم يااخذونك وعدددد مني مااخليهم ياخذوك وين مسدسك خلي اكضه واصير عليه بصماتي وينننه انطينياه

غياث : غزل شبيج اهدئي شوي اششش كافي سكتي

غزل : غياث ماتحمل يسجنوك اموووت والله امووت انطيني مسدسك خلي اللزمه

غياث : شبيج غزل ضربته برجله ما مات وشي ثاني مايسجنوني لان المنطقه كلها شاهده انو اخذج غصب من بيتج لاتخافين ماكو شي وبعد مايوصلج

غزل : حضنت ركبت رجله وابجي

غياث : امشي نروح للبيت يلا غزول لاتخافين ماكوو شي وشنو هذا قميصي اللابسته

غزل : مسحت دموعي وكمت وكتله ختلت بغرفتك منهم وماعندي حجاب وشفته كبالي ولبسته

غياث : ههههههه خووش موديل والله يلا بويه كومي امشي

غزل : رجعنه للبيت وشفته شلون مهوس ماجنت علئ وعيي من اشرد من علي وهوا يسحلني وكعن الغراض وتخربطن وباوعت لغياث وكتله غياث اني اسفه

غياث : ليش شكو

غزل : بهذلتلك بيتك وفضحتك بلمنطقه ودخلتك بمشاكل واليوم ردت تدخل سجن بسببي

غياث : ايي هسه غصبا عليج ترحين تبدلين وتجين تنضيف المكان واريدج تسويلياه يلمع يلا بسرعه

غزل : هزيت راسي وصعدت فوك تراك مالتي هاي الكلبه من هجمت عليه مزقته وغياث مدري منين جايبلي عبايه ملبسنياها سبحت وبدلت ونزلت جوا

غياث : تعالي اتغدي

غزل : رحت كعدت اكلت وبديت انضف اول شي نضفت غرفه غياث ورحت للمطبخ لميت الكزاز ورتبت الغراض وكنسته ومسحته وغياث صافنه عليه لابس برموده وبدي اسود وكاعد يصلح بلباب مال غرفته الكسرو ويغني

غياث : شكو صافنه بوجهي

غزل : احبك

غياث : ششنو

غزل : شفته كام وكف علئ حيله بعصبيه وكتله انت افضل اخ بحياتي

غياث : مممم هاااي هم ماراهمه حبيني كصديق افضل غزل اني هذا طبعي هادء واحب اهتم ومااحب ائذي بشر لاتفتهمين اهتمامي بيج غير شي اني مجرد داقدملج مساعده وكلها كم سنه بس تتخرجين اعوفج بحال سبيلج