حكايه غزل

البارت الثاني عشر

بقلم zahr-alftle

حيدر : علي يتحرش بيج مو

غزل :  بعد ماجنت منهارا واصرخ  واحجي من سمعت عمي سئلني علي يتحرش بيج  هدئت  وفرحت كلت راح ياخذلي حقي تلقائيا نزلت دموعي وهزيت براسي بمعنئ اي

حيدر :   جرني من شعري وكال حقه  كح... وتفتر كباله وابدهداشتها الحصر تكمز كباله زين يسوي بيج  ولو واثق بتربيه ابني بس انتي تربيه نهال الكح.. تردين تبلين ابني وتلحسين دماغه  دفعني من راسي وتفل عليه

غزل : باوعتله بنضره اشمئزاز   وصعدت فوك فكرت اروح لعمي حميد بس هذا كلب مايريدني  وعماتي  رجالهم غربه هوا ابن عمي وعمي وما رحموني ياربي وين اروح كعدت طلعت كتبي وبديت  اقرا

وامسح بدموعي واناشغ  باوعت لساعه ب12 صارت واني مماكله شي من لصبح نزلت اتسحبت رحت للمطبخ طلعتلي طماطه وخيار ولفيتهم بخبزا وصعدت ركض اكلتهم وشربت ماي و كلعاده رحت لبست بنطرون ونمت

مشت الايام  وعلي يحتار شنو من كلام سخيف وطايح حض يكوله واني منطيته الاذن الطرشه  دائما اتجنبه وصارت اربعين امي واحمد

غزل : عموو اليوم اربعين امي شلون مانروح للقبرها
حيدر : صعدي علئ السطح واقريلها دعاء يوصللها اهم شي النيه

غزل : عمو يا سطح اريد اشوفهم الله يخليك

حيدر : ششوفين هنه كبور ومسطرات  يلا هسه روحي اريد انام 

مسحت دموعي وكمت من يمه اعرفه ماراح احصل منه لاحق ولا باطل  رحت للمطبخ طلعت نشاه وسويت  حلاوه وقريت عليها سوره الفاتحه وهديتها لروحهم وحطيتها بثلاجه

وصعدت فوك توضيت وصليتلهم وقريت قران ونزلت نفس الروتين تنضيف البيت وغسل اماعين واسوي الريوك والعشئ  بعدني اكلات الغدا مادبرهم مااعرف اطبخهم  مشت حياتي بخنكه بضيجه بهموم  واجت الامتحانات يوميه ابوس ايد عمي وجه وكفه يلا يقتنع يوديني للمدرسه لان مدرستي صارت بعيدا عليه اله بسياره  وشغل البيت فوك راسي وبس اكولها عمه ما اللحك تهددني تكولي ما اخلي عمج يوصلج ويفوتج الامتحان  اول يوم الامتحانات جان يوم صعبب حيل مو لان خوف من الامتحان  بس حسيت بغربه ووحشه ووحده

  رجعتني ذاكرتي ليوره

نهال :  غزول يلا حبيبتي راح يفوتج الامتحان يلا يا امي كومي غسلي وجهج وراجعي شوي

غزل :  مااا  بعدني نعسانه
نهال :  اووف منج يعني ماتكومين اله اسحلج من فراشج 
غزل :  يلا يلا كمت  رحت غسلت وجهي وفرشت اسناني وتريكت  وكعدت اراجع

نهال :  امي ذن ملابسج كويتهم الج
غزل : اوكي ورجعت اقرا

اياد :  غزول جبتلج زبيب وجوز يقون عقلج شوي هاج اكلي