حكايه غزل

الثامن والعشرون

بقلم zahr_alftle

____________

ركضت اشوف شديصير واباوع لزمن واكعه بنهايه الدرج والارض كلها دم

الاء : يبوووو ماتت بنتي

سوسن : ولج كح.. شلون ادفعينها

زمن : ولج يمه راح اموووت الم مو طبيعي

غياث : مو وكت نقاش روحن جيبلها عبايه خل اخذها للمستشفئ

غزل : اباوع للدم وارجف  ماعرف ليش خايفه بس حسيت اكو مصيبه ورا هلسالفه راحو وبقيت وحدي بلبيت اتصلت علئ نورا

نورا : هلا حياتي شلونج

غزل : نورا هاي زمن طاحت من الدرج وضلت تنزف وخذوها للطبيب

نورا : شنو راسها نضرب

غزل : لا لا مو راسها تنزف من جوا

نورا : خاف سقطت

غزل : نورا شلون اني خايفه خاف تشمر لسالفه براسي

نورا : شعليج بيها يطبها مرض حلفيلهم وخلص

غزل : يلا نورا خل اسده يمكن اجو

غزل : نزلت اركض وطفرت من فوك بقعه الدم مامسحته تلعب نفسي 

هاا غياث شكالولكم

الاء :  يا ساقطه ياكح.. بنت الزبل والج عين وتحجين  جا موتي بنتي

غزل : رحت يم غياث اريد احجي وياه واحس اذني صفرت اجاني راجدي من غياث فر وجهي فر ما ائذاني الراجدي كد ما ائذاني الموقف يهيني كدامهن

غياث :  ليشششش غزل ليشششش واني اكول هاي غزل العاقله هاااي تربيتي مستحيل اخلاقها تكون قذره لهدرجه  ليش هيج سويتي  اسببتي بقتل روح بقتل طفل بعده ماشاف الدنيا

غزل : مانزلت مني ولا دمعه اباوعله بكل حقد واتقربت من عنده وهمست
( دم مرت عمك  القتلت اهلك وخلتك طول عمرك يتيم  نفسه يمشي بدم  هذن الكبالك  ) عفته وصعدت لغرفتي لزمت شيشه العطر وركعتها بلحايط العجبني بهل موقف دموعي ماطاحت وضليت اطلع حركتي بل اشياء كسرت العطور والمكياج جريت الدشداشه اللابسته نزعتها بحركه سريعه  وشمرتها وطلعتلي بنطرون وقميص ولبستهم بسرعه  اخذت نقالي ونزلت

غياث : وين اموليه

غزل : البيت الي ما اللكه بي احترامي مستحيل اعيش بي

غياث : روحي صعدي فوك غزل مالي خلك

غزل : فتحت الباب اريد اطلع ولزمني من شعري جره هوا والحجاب

غياث :  من اكلج شغله غصبا عليج اسوينها تمام ويلا هسه تكسحي لغرفتج

غزل : باوعت لساعه ب11 بليل وهم فكرت وين اروح رجعت صعدت لغرفتي وبقيت للصبح علئ كعده وحده بس طلع الضوه اخذت نقالي ونزلت وطلعت  ضليت اتمشئ بشوارع لحد ماصارت حركه بشارع والناس بدت تطلع وتفتح محلاتها