حكايه غزل

البارت الثامن

بقلم  Zahr_alftle

اما بعد الئ اين  سوف ترحل بي
ياحضي الجميل
__________________

غزل : سحبت نفسي بلكوه وكمت افتح الباب فتحته وشفت عمتي

انتصار : راح تجي الملايه مو ابرمودتج تفترين روحي دبريلج ملابس مستورا

غزل : هزيت براسي بمعنئ اي  ورجعت دخلت للغرفه باوعت للكنتور سحبت ملابس  اهلي وطشرتهم بلغرفه ودموعي تجري نمت علئ الجربايه ودفنت وجهي بلمخده اريد اصرخ اريد ارتاح العبره اذتني ضليت افرك بركبتي اريدها تروح شوي وسمعت الملايه بدت  تقرا  اخذت من الملابس المطشره بلاارض بشت مال امي لبسته فوك تراكي وحطيت شال علئ راسي وطلعت اخذتلي زاويه وتكرفصت بيها  الملايه تقرا واني ابجي واشهك الحجاب مالتي صار مبلل من دموعي النسوان يلطمن اني ما اللطم حاطه ايديه علئ وجهي وبس ابجي اريد الخنكه البصدري تروح  الهول انملئ نسوان يجن يسلمن عليه ما ارديت علئ اي وحده مكتفيه بس مخليه ايديه علئ وجهي ومستمرا ابجي  خلصت الملايه قرايتها  وبدو يوزعون العشئ واشوف النسوان تباوعلي
وتتبسبس واسمعهم يسولفن بيناتهن  خطيه ضلت ابحدها منو اللها اكيد هسه اتيه بعدها صغيرونه واسمع الثانيه تجاوبها لا هسه يزوجونها ولد عمها ياا كثرهم

غزل : مسحت دموعي ورحت لغرفت اهلي شبكت مخده امي واسولف
  وياها ولج يممه والله اشتاقيتلج ليش هيج هنت عليج وعفتيني مافكرتي وكلتي بنتي  وين راح تبقئ

هاااااااا مافكرتييي كليلي ماافكررررتتيي ولج يمممه والله شتاقيتلج ولحسين شتاقيتلج وحتئ حتئ ملابسج كولهم غاسلتهم حتئ ريحه منج مامبقيتلي ليشش يمه ليشش   اندك الباب ودخلت بنت عمتي

نور : غزل ماعرف شلون اصبرج او شنو من كلام اكولج حتئ يخفف عنج بس لاتسوين بنفسج هيج من غير شي انتي هلكانه من فاتحه امج صيري قويه وكومي اكلي كم لكمه وغسلي وجهج واكعدي اقري قران راح ترتاحين

غزل : هزيت براسي وسحبت نفسي من الفراش رحت غسلت وجهي وتوضيت

نور : غزل جبتلج اكل اكلي شوي

غزل : هزيت براسي بمعنئ ماريد وفرشت سجادتي صليت صلاه الوحشه وقريت قرءان ضليت فوك الساعتين اقرا وادعيلهم بلرحمه  سديت القران وشلت السجاده  باوعت لساعه ب8 بليل طلعت بلكراج شفت ولد عمامي ولد عماتي وصايرا لوصه  بسرعه دخلت للبيت وصعدت فوك السطح اريد اتنفس متت من خنكه صدري بقيت افرك بحركات دائريه علئ كلبي اتمشه بلسطح وافرك بكلبي  شوي واسمعت صوت اجه من وراي

غياث : راح تختنكين بعدها معاناتج مابدت

غزل :  درت وجهي متفاجئ اريد اعرف منو شفته نفس الولد الي اخذني للمستشفئ  باوعتله وكتله بلعكس اليوم خلصت معاناتي ماعندي بعد شي اخسرا شيريد يصير خل يصير