حكايه غزل

البارت الثالث عشر

بقلم zahr_alftle

غابت شموس السعد منذ رحيلها
وغدت عيوني لاترئ افراحا
ودعتها عند المغيب بحسرة
وبقت جنائز ادمعي الاما
ياجنه مات الزمان بفقدها
وبكئ البكاء علئ ثرئ مثواها
ياقبر رفقا ان ضميت ضلوعها
فالله اوصانا بها احسانا

__________

غزل : رجعت امسح  كملت وطلعت للحديقه وجان اسمع صوت وكعه وصريخ  ركضت لكيت ابن مريم الجبير مزحلك  وواكع بلممر وفاقد الوعي امه اصرخ وميسون اصرخ بجهة

ميسون :  من الله لاينطيج تعمدتي تعوفين ماي حتئ يوكعون الجهال

مريم :  ولجج يمه ابني راسه دينزف

اشوفهن مخبوصات نزل علي يركض

علي : هاا شبيييي
مريم :  غزل دفعته وموتتت ابني

غزل :  بوقتها حيل خفت وخاصه من شفت راسه دينزف وهوا فاقد الوعي بس من سمعتها  كالت غزل دفعته باوعتلها ورفعت حاجبي وكتلها عزززا بعينج ابنج بلموت وانتي فوك راسه وتجذبين عزاا بعينج شكد كوويه

علي :  غزل ضبيييي لسانج
غزل : ماجاوبت سكتت والعبره خنكتني صارت بوجهي اووف ربي عوزي مشاكل 

بلكوه شالو لان هوا صغير بلعمر بس جسمه  جثل وسمين  حتئ اطول  واسمن من علي راحت وياه امه وميسون بقت يم جهالها الباقين وسممت عيشتي تغلط واسب وكل شوي كافختني كرهت روحي  ورا كم ساعه جنت فوك وسمعتهم  رجعو  بقيت كاعده بلغرفه شوي واندفر الباب ودخلت عليه مريم عبالك ثور هايج

مريم :  هااا ولج كح... طلعتي حركتج باابني وكسرتي اليوم محد يفكج مني

غزل : اخخخ شعري عوفيني

مريم :  ولج صاقطه ابني اليوم جان راح من بين ايديه وانتي السبببببببب

غزل : لازمتني من شعري وتعت بي دفعتها اريدها تترك شعري ووكعت بلاارض واشوف الغرفه انترست دم   ضليت ارجف  لا يالله منين اجه هلدم وهيه تعيط بكل صوتها صعدو  علي وزينب وامها يتراكضون  وشافو حالتها همزين اللتهو بيها واني طفرت بغرفه علي وقفلت الباب عليه واباوع لاايدي ترجف وريكي يبس كلبي دكاته سريعه لاا  يالله معقوله راح تموت بس والله موقصدي اوووف  اليوم كل المصايب متجمعتلي كعدت ورا الباب وشابكه نفسي  ومتكرفصه ومرت ساعات علئ كعدتي واسمع عيطتهم جوا خليت ايديه علئ ذاناتي وارجف ميته خووف اسمع ميسون وزينب 

زينب : يمه ماموجوده بلغرفه

ميسون :  اني اللها هاي الكح... اليوم محد يخلصها من بين ايديه

شوي واسمع يده مالت الباب  تتحرك قطره دم مابقت بيه ضل الباب يندفع حيل شوي وصرخت زينب

زينب :  يممه هاي هيه خاتله بغرفه علي

غزل : فركت وجهي وضفرت شعري كصيبه حتئ
ما اتاذه من يسحلوني من شعري شوي واسمع صوت علي