(Yours Series # 1) Irrefutably Yours (PUBLISHED)

Chapter 08

Please follow @beeyotchupdated on twitter for real time tweet if any story got updated. Thank you.

#IrrefutablyYours Chapter 08

"Bakit nandito ka? 'Di ba may date ka?" Yanyan asked nang makita niya ako. For some... reason, I agreed to go on a date with Dr. Tan. Ewan ko ba! Inaaya kasi ako nun ni Marcus na maglunch and sobrang kulit niya, and nagkataon na nandun si Dr. Tan at kinukulit akong makipagdate sa kanya. Never ko namang sineryoso 'yun dahil alam ko na malandi lang 'yun at talagang inaaya niya lang ako by default dahil feeling ko kapag nakaka-kita siya ng babae ay may alert system sa utak niya na nagsasabi na landiin niya.

So, napapayag ako sa date na hindi ko naman ginusto.

Of course, disaster.

Wala yatang alam na topic si Dr. Tan kung hindi ang sarili niya. Naniniwala na talaga ako na feeling niya ay medical wonder siya at na regalo siya ni Lord sa humanity. Grabe. Sobrang nakaka-drain siya kahit isang oras lang naman kaming magkasama.

"Tapos na," I simply replied. Iniwan ko lang iyong gamit ko roon tapos ay dumiretso na ako sa preduty. Mabuti na lang talaga at hindi benign—my god! Sa sobrang hassle ni Dr. Tan ay naging thankful ako sa toxic na duty! Kakaiba rin talaga!

Nang matapos ang duty ko, feeling ko naging master na ako sa meditation dahil sobrang hinga ako nang hinga nang malalim. Sobrang daming screw up ng interns pero ayoko talaga silang bulyawan kaya naman pinipilit kong ngumiti... pero pakiramdam ko ay na-creepyhan naman sila sa akin dahil naka-clown smile ata ako.

Hassle!

Dumiretso ako sa cafeteria dahil nagutom ako bigla. Gusto ko sanang manahimik kumain pero biglang dumating si Yanyan. Mukhang stressed din siya dahil napa-patong siya ng ulo sa table. Nung una ko 'tong nakilala, napaka-daming kaartehan sa katawan. Ngayon, kung saan-saan na lang din natutulog.

"Ayos ka lang?" I asked.

"Mamamatay na ako," she groaned.

"Sabay na tayo."

"Sige. Una na ko."

I laughed. "Patapos naman na duty mo."

"Kahit na. 'Di ko na kaya. Ano ba 'tong pinasok ko."

I just laughed at her. I just let her vent. Ganyan naman kami, e. Puro reklamo pero at the end of the day, nandito pa rin kami kasi gusto talaga namin iyong ginagawa namin.

I quietly ate habang nagvevent si Yanyan tungkol sa mga nangyari sa duty niya. Kumakain naman ako ng tinapay at umiinom ng iced coffee habang nakikinig sa kanya. Nang matapos siya sa kwento niya, tumingin siya sa akin.

"Ang bastos naman," sabi ko nang inagaw niya iyong coffee ko.

"Bili ka na lang ng bago."

"Alam mo dati, laway conscious ka pa."

She shrugged as she happily sipped. "Wala na kong pakielam ngayon," sabi niya habang inuubos iyong kape ko. Bastos talaga 'tong babaeng 'to. "Ano'ng ganap pala? Bakit bad trip ka kanina? Saka bakit bigla kang pumayag sa date? 'Di mo naman type 'yun, ah?" sunud-sunod niyang tanong.

"Di nga."

"E bakit ka pumayag sa date?"

"Wala lang."

"Dami kang time, ganon?"

Inirapan ko nga. "Epal ka lang, ganon?"

Tumawa siya. "E bakit nga?"