| يا تعبي العشگته | ' باللهجة العراقية '

| البارت الخامس عشر |

#يا تعبي العشگته
#بقلم الراوية
#البارت الخامس عشر

بسم الله الرحمن الرحيم

| صلوا على النبي ⁦♥️⁩ |

اتمنى قبل لا تقرون البـارت
تقرون الفـاتحه على روح المـرحومه الكاتبة ( الاء احمد " ام غايب " )

ربي يصبر اهلها و يرحمها و يغفـر الها 💔
خطية راحت بعمر الصغير..بس هذا الموت ما يعرف چبير لو صغير ⁦💔

.

طيبة..

اصعـب شي بالحياة من تتعلق بشخص
من تبـني كل امالك و احلامك وياه.. شخص يتغاضى عن تصرفـاتك او حتى اغلاطـك..لحظتها ما راح تفـكر اصلاً انو يجي يوم و راح تتندم انو بنيت لهلـشخص مكانه بگلبك..و مكانه محد يگـدر يصللها..

هيچ چـنت اشوف ضرغام..انو هو الوحيد الي حبيتو صدگ و الي ما افـكر بيوم اترك ايدو الي احـتظنت ايدي

بوقتـها اجا من السفر..استقبلتو و انـي الفرحـه ما شايلتني
أربعة ايام حسيتها اشهر..حظني گدام اهلو و باس رأسي. أني ابتسم بخجل..

تغدينا و طول اليوم چان يحچيـلي عن سفرتو و شنو سوو و ما سوو..جوي بيت عمي علاء علينا
و اكـيد ملاك وياهم..الما سكتت و بس تتمضحك

و آخر شي گعدت يم ضرغام و هي تحچي وياه..و هو يجاوبها...محد چان منتبه الها و لحـركاتها لأن عبالهم ما تكن الا مشاعر الاخوه و انو هي اصغـر منو يعتبرهـا اخت لا اكثر

ما صدگـت على الله انو يروحون.. صعدنا فوگ و اني گلت طيبة لا تسـوين مشكلة
انتي مشـتاگه الو و عوفي شيـطان بحالها

طلع هدومو من الكنتور و گـال و هو يدحگلي و يغمز

- ترا أني مو نعسان ؟ لا تتحججين

گمت اضحك..رغم خجلي منو
جا يفوت و أني وگفـتو و گـلت

- ضرغام عادي اتـصل بـلين من تلفونك

- اي عمري عادي..تعرفين الباسورد

هو فات و أني اخـذت التلفون
اتصلت بيها اريـد اسألها على تراك مالتي إذا يمهم لأن يمكن نسيتـو و ما جبتو

خابرتها على الماسنجر و ما حصلتـها النت حيل ضعيف..و هي ما عـدها خط

تنهدت و گلت هسا ارجع اخابرها
كل ما يـسافر ضرغام يشوفني الصور الماخذهن هناك..گلت خلي اشوف صور هالسـفره الراح بيها لاذربيجان

بس گلت لا من يطلع عود نشوفهن.. جيت اعوف الموبايل بس وصلتو رسايل ماسنجـر..
چانت بـ اسم احمد و هو يگول
( دزيتهن هسا يوصلن..بس دير بالك تشوفهن المره )
وراها ضحكه طويله..

حسيت صاير شي..شنو لا تشوفهن المره..ماكو ثواني و گامت توصل رسايل
ما فكرت مرتين..گبل دخلت للمـحادثه چانن صور تقريباً خمسه لو اكثر ما عرفت بالضبط شگد
لأن دخلت عليهن بگلـب و ايد ترجف