| يا تعبي العشگته | ' باللهجة العراقية '

| البارت الثاني و العشرون |

#يا تعبي العشگته
#بقلم الراوية
#البارت الثاني و العشرون

بسم الله الرحمن الرحيم

| صلوا على النبي ⁦♥️⁩ |

.

لين..

ابتـسامتو و عفويتو
خلتني ابادلو الابـتسامة..رفعت راسي و صارت عيني بعين والـدي ما حچيت شي
و طلعت..امي و عماد ظلوا شويـة

و طبو للبيت..غيرت ملابسي و طلعـتلهم و اني اگـول

- شلـون وگع

تنهدت امي و گـالت

- زالگ بالحوش..
خطية والله جرحو صح مو چبير بس عميق

استأذنت منهم و گمت صبيتلي غدا
فات عماد و اني سألتو

- شنو ما رايـح للمحل

- لا رحت..و هذا القرين مالي

دحگـتلو بطرف عيني
و گعد گـدامي..چنت ملتهيه اكل بالغدا
امي مسوية فاصوليا و احبها

- اي ليـن..شنو وضعچ بالجـامعة

- عـادي..احسو مرات ممل
لان لحـد هسا مو متعوده على الجو

سند خـدو على كف ايدو و گـال

- تشوفين سلطان؟

حركت الخاشوگـه بالصحن
و اني اگـول بدون ما ارفع راسي الو

- اي..

تحمحم و دحگـت عليه
عگدت حاجبـي من گـال بتردد واضح

- لين..تدرين
اكو شي بداخلي..اريد احچـي متردد

تركت الخاشوگه و عگدت ايديه لبعضهن و گلت

- بخصوص شنو

زفرت و مسح على گـصتو
و گـال

- گاعد افكـر..اني شوكت ابني عائلة؟
مو شوية طولت

ابتسمت بانـشراح
و گمت گعدت بصفو و اني اگـول بضحكة

- شوف هو طولت..يمكن اكو ناس تشوفك تاخرت
بس من جهة ثانيه..انت گاعد تكـون نفسك
زين انت حاط عينك على احد

رمش بعـينو اكثر من مرة
و گال ورا ثواني

- لا

- من هـين منا
ماكو احد بالك

- تؤ

حچـاها و تأفف
و اني ادحگلو و ابتسامة على وجهي..والله اتـمنى
يجي اليـوم الي يتزوج بي عماد
و مرتو بصفو بالكوشة..يستاهل عماد وحده تحبو من كـل گلبها
ادير بالها عليه و تشيل من حملـو

و اهم شي نـشوف اطفالو..عيوني لمعت بمجرد تخيل انو بيوم اشوف عماد شايل ابنـو
و يكون نسخة منو..بالشكل و كلشي

طلعت من صفنـتي على ضربتو بين حواجبي و هو يگول

- ها وين وصـلتي؟