| يا تعبي العشگته | ' باللهجة العراقية '

| البارت العشرون |

#يا تعبي العشگته
#بقلم الراوية
#البارت العشرون

بسم الله الرحمن الرحيم

| صلوا على النبي ⁦♥️⁩ |

.

لين..

گـعدت من النوم يمكن قريب الـ11 و نص الظهر
غسلت و طـبيت للمطبخ و كفخـتني ريحة البـامية
و امي واگفة يم الطبـاخ سديت خشمي بيـدي و اني اگـول بلعـبان نفس
لان والله ما اگدر اتحملها و لا اتحمـل ريحتها

- عفية يـمة ليش مسويه بامية

انـدارت عليه و ظـلت ادحگلي و هي بيدها خاشوگة الخشب لان چانت تگلب بالتمن
عگـدت حاجبها و هي ادحگ عليه من فوگ ليـجوه

حتى حسيت اكـو شي غريب بيه
رحت لـباب المطبخ الخـارجي و دحگت لنفسي بالجام
والله ماكـو شي بيه غريب
نفس البجـامة و الفانيلا الابسهن من انام
و كفشتـي صاير بيها تنـافر مو طبيعي
دنگـت و نزلت حجل بجامتي لان چانت مرفوعه لنـص ساقي

و دحگـت لأمي و گـلت

- يمه شبيچ..شو هيچ ادحگـلي بيه شي؟

تنهدت و هي تنادر تكمل شغلتها و گـالت

- لا مـاكو شي

اندگ الباب و هي عافت الخـاشوگه و گالت

- اكيد ضرغام و طيبة
روحي بدلي هدومچ

گلبت عيوني و طبيت للغرفة و اني اسـمعها ترحب بيهم
لبست دشداشة حمره و ذبيت حجابـي على راسي
و طلعت سلمت عليـهم
گعدت و ضرغام گـال بضحكه

- اي ليـن شنو جبـتيلي هديه؟

ضيقـت عيوني و اني اگـول بسخرية

- اعذرني يلا النـسيب نسيت
تعرف التهيت بالونسة و ما تفطنت على احد

- اي غير التهـيتي ادحگين على الشباب الصاگين
ويـن تتذكرين نسيبچ

ابتسمت و ارفع حاجبي و اگـول

- اي والله..تعرف من تشوف نعمة ربك تنسى النقمه العندك

فـتح عيونو على وسعهن و اني گمت و كاتـمة ضحكتي
عكس طيبة الگامت تضحك و ضرغام يرمقها بنظرة يعني اسكتي

سويتلي ريوگ و تريگـت
و ما خـلصت من سوالف ضرغام..جيت اضربو بگلاص الچاي لان غثني حيل
جا خالي ورا نـص ساعة هيچ

امـي و طـيبة فـاتن للمطبخ
و اني رحـت سبحت..طـلعت من الغرفة و اني اعدل بشالي
جيت اروح للصالة..بس ماكو هناك احد بس ضـرغام و عماد

فـ انداريت تا افوت للمطبخ بس اسـتوقفني صوت امي تحچـي وي طيبة
ما اعرف شوكت ابطل سالفـة التحنيط يم الباب و اگـعد اتصنت..

- عماد يگـول القرار الاول و الاخير الها
اني ما عليه..بس اهم شي بقنـاعتها

- هو خوش سلطان..و انسان متمـكن و اخلاقو حلوه
انتي حچـيتي وياها