| يا تعبي العشگته | ' باللهجة العراقية '

| البارت السادس و العشرون |

#يا تعبي العشگته
#بقلم الراوية
#البارت السادس و العشرون

بسم الله الرحمن الرحيم

| صلوا على النبي ⁦♥️⁩ |

.

لين..

حـدرنا من السيارة ورا ما طـبگها سلطان يم باب المستـشفى
مشيت بسرعة و انـي اريد اهدي من روعي و خوفي
بس كـلمات امي و هي تگـول طيبة نقولها للمستشفى
الطفل واگـع و شايلهـا النزيف تخليني ارجع لنقطة البدايـة و ارجع ابچي و اشهگ من الخوف

حسيـت بيد كمشتني من معـصم ايـدي
انداريت عليه چـان سلطان الگال

- من هين باب الطوارئ

صديت و مشيت ناحية المكان الأشر عليه
جتي روان و هي تتنفس بصوت عالي و تگـول

- عفية لا تركـضون هيچ والله ما الحگ بيكم

ما جـاوبتها و طبينا من باب الطوارئ سأل سلطان على اسم طيبة و گال بالعملية بعدها

و من بعـيد شفت امي و ضرغام
اني شفتهم لو تخـبلت گـبل گمت ابچي و رحت عليهم
امـي حظنتني و هي اطمن بيه..سلطان جا و سلم هو روان

و اني ما سكتت..اول مرة هيچ ابچي على شخص
حيل خايفة عليها
امـي گالت الطفل ميت بطـنها..الي عرفتو انو صـايرتلها مضاعفات بسبب الكلى

گعدت يـم امي التمسـح على راسي
دحگتلها و گلت

- عماد وين

- مـا يدري ما خابرتو

- يـوسف؟خوما ظل بالبيـت وحـدو

- لا راح لخالتي..

حچتها و اني گمت على حيـلي
امـي گبل سألتني وين
گتلها للحمامات

مشيت و جـتي وياي روان
غسلت بالحمامات وجهي و روان ناوشـتني مي شايلتو وياها بالجنطه

طلعنا من الحمـامات و هي كامشه ايدي اطمن بيها
بس گـلبي ما هـدا..فدوه الطفل المهم هي بخير و صحـة..الطفل يتعوض بس هي لا

من وصلنا عدهم لگينا بس سلطان
گال طلعوها للغرفة..و گبل اخذنا للغرفة الي هي بيها
بس ضرغام و امي فايتين لان اكو نسوان وياها بالردهه..

من شفتها عـضيت على شفتي من داخل تا ما ابـچي
لا البيـها كافيها
هي صاحية و تبچي ضرغام يسكت بيـها بس هي ما تهدا
حقها والله..الطفل الچانت منتظرتو راح هيچ من ايدها قبل لا تشـوفو

تقدمـت عليها و حظنتنها و هي شدت علـى حظني و تحچي بصوت مبحوح

- ليـن راح ابنـي

- ربي يعوضـچ طيبة..المهم انتي بخير يا عمري

- والله ما اشتـغل چثير و لا اشيل شي ثگيل
شاف ضرغام شـلون مهتمه بنفسي..ليش راح