#يا تعبي العشگته
#بقلم الراوية
#البارت الثالث و الثلاثونبسم الله الرحمن الرحيم
| صلوا على النبي ♥️ |
.
لين..
گـعدت بالصالة و انـي حاظنه نفسي و ابچي
و يوسف بصفي يدحگـلي بعيون مغورقة و كـل شوية يگول- لا تبچين عفية
احـس گلب ورم من البچي..راح تصير ساعـة من راح
اخابرو مـا يرد اريد اعرف شنو حالـو..سمـعت الباب ينفتح..فزيت من مكاني و طلعت و اني امسـح بدموعي
امـي صادفتني بالبـاب و وراها روان- شبيـچ لين؟؟ شهل البچي
تذكرت كلام عـماد و ما جاوبتهـا لامي و گلت موجه كلامي لـروان المبين عليها انو ضايجة
- هـا روان؟ شگـالتلچ
جرت حسرة و فتنا للصالة..امي گالت بهدوء
- مـو حامل..شوية عدها خربطة بالهرمونات
- و انطتچ علاج
هزت راسـها باي و استأذنـت و صعدت فوگ تا تبـدل
انداريت على امي الكمشت ايدي و گـالت- يمه لين شبيچ
عضـيت على شفتي و اني اگول لين لا تبچين
رفعت راسي فـوگ و تتفست بعمق
و دحگتلـها و حچيت بصوت ناصي- يمه سلطان ناس متـعديه عليه و ضاربينو بالمستشفى
لـطمت على صدرها و گالت بفزع
- عزا العزاني...من هذا عماد عافنا
و هسا شـنو وضعو- ما اعرف ادگ على عماد و ما يـرد..گال امو و روان ما يدرن
گـامت امي و ادحگلها عيونها غورقت تروح و تـرجع بمكانها
و هي ادگ و عماد ما يرد..اصد على الباب اخـاف روان تحدراخر شي رد..و گبل امي سألتو بدون مقدمات
ظلت تمشي و اني وراها..و يوسف وراي عبالك قطار نمشي
و اني حاطه ايدي عـلى گلبي و امي بس تگول اي
و هسا..و شلون يمكن كررتهن ميـة مرةما ان سدت التلـفون صدت عليه و گلت
بلهفة ما گدرت اتحكم بيها- هاا يـمه شبي؟؟
دحگتلي امي باستغـراب و گالت و هي تبتعد
- گال گعد الحمدلله بس كسر و شگ بالراس
- يعني صاحي لو بعدو فاقد
- لا الحمدلله صحـى
دنگت اخذت عبايتها من فـوگ القنفة و هي تگول بهدوء
- رايحه اگول لأمو..و عماد شوية راح يجي ياخذها و يحچي وي روان لا تگوليلها انتي
- خوش..بس عفيـة يمه عود خابري
YOU ARE READING
| يا تعبي العشگته | ' باللهجة العراقية '
Romanceقصـة حقيقية 🔵 كلشي بهالدنيا نصيب.. بس يمكن انت مو نصيبي . . و كلشي بهالدنيا متعب بس اويلي يا تعبي العشگته انتي ابتـدأت " 28/7/2020 " انتهـت " 15/9/2020 "