| يا تعبي العشگته | ' باللهجة العراقية '

| البارت السابع و الثلاثون |

#يا تعبي العشگته
#بقلم الراوية
#البارت السابع و الثلاثون

بسم الله الرحمن الرحيم

| صلوا على النبي ⁦♥️⁩ |

‏يبعد الشوف واليمشن يبعد
الما يوچدن لو رحت يعمن

.

سلطان..

طـلعت من باب الصالة، و اني مقرر انتظرها برا يـم الباب
بعـدني ما واصـل گبت عيطه برا و صـياح

شـايفين هذاك الشعور الي بجيك، و تحس انـو اكو مكروه راح يصـير
نغـزة قوية بالگلب، مو بس تنغـزو انـما تجرحو
هـيچ حسيت بس تعـوذت من الشيـطان

بـس صياح رجـال يگـول البنـيه انضربت
خـلاني اطلع ركـض، شعور يگلي هاي لين و الاخر يتعـوذ من الشيـطان

اول ما طـلعت صارت عيني على الـباب مال بيت جوارينه
الزلم مـلتمه و النسـاوين تگبع و تعـيط
لمـحت ريهام گاعده بنص الهـوسه و تضرب على رجليها و تبچـي

و انـي هين تهـدمت اخر ابـراج عقلي
و اصـير مثل مجنون يتخـبط بين الـناس، گمت ادفع بيهم و اني اكرر اسمهـا

وگفت بمـكاني، او بالاحرى الارض ثبـتت رجليه
من شفتها واگـعة لابسه الفسـتان الـي اشتريتو الها
دنگـت عليها و بدون وعي و مـا اتذكر شنو حچـيت او شنو انحـچى الي شلتها

ابو امـجد البنتو اليوم خطـبوتها فتـحلي باب سيـارتو و هو يصيح بالناس
طبيت لسيارة و انـي لامها لحظـني، ايديه التغطت بالـدم گمت اوخر بيـها خصلات شعرها التمردت و طلعت من الحـجاب
ما اعرف مـنو صعد ليـگدام لان ما انتـبهت، كل انتـباهي مشـدوه للي بحظني
و الـي انزرعت بگلبي و احس بانفـاسها المتقطعة

دنگـت عليها و اني اهمس يـم اذنها

- اصـبري لين هسا نـصل

چان يمشي باسرع ما يمكن، يضرب الطـسات و يـجتاز الازدحامات و بس يصل يم سيطرة گـبل نعبرها
و اني ما ادري بالدنيا بس عيني عليها، و اركـز على نفـسها

اخـاف يـوگف هالنبـض و النفس اليصـعد و ينزل
بـصدرها، يمكن بـدل لا يأخذون جثة للمستشفى يـأخذون جـثتين

وگـفنا يم باب الطـوارئ المستشفى و تلگـونا الممرضين
و اني ظليـت امشي وراهم وراهم
جـيت افوت بس سـدو الباب

گعدت على الكرسي بـروح متعبـة، و تراكي الرصاصي صارت عليه بقـع دمهـا، ابو امجد و ابـنو گـعدوا يمـي
و هما يطمنون بيه، و اني عبالك حايط بس يسمعهم بـدون جواب

بؤبؤ عيني يـتحرك هيچ و هيچ انتظر دكتور ممرض اي شـخص بس يطمني و يهـدي نبضـات گلبـي

مرت يمـكن عشر دقايق و رفعت راسـي على صوت عماد الگـال