U N I C O D E 🌼
"ဦးဦး.."
အခန်းထဲမှာအရုပ်ပေါင်းစုံနဲ့ဆော့နေတဲ့သားသားကဟိန်းထက်သာအခန်းထဲဝင်လာတာမြင်တော့ရှေ့သွားလေးနှစ်ချောင်းပေါ်အောင်ရယ်ပြလာပြီးခေါ်လေသည်။
ဟိန်းထက်သာလည်း..သားအနားသို့သွားကာသားကိုပေါင်ပေါ်တင်ချီလိုက်ပြီး
"ဦးဦးမဟုတ်ဘူးသားရဲ့ ဒယ်ဒီ့ကိုဒယ်ဒယ်လို့ခေါ်"
"ဟင် ဦးဦးကိုဘာရို့ဒယ်ဒယ်လို့ခေါ်ရမှာလဲ"
"ဘာလို့လဲဆိုတော့ဒယ်ဒီကသားရဲ့ဖေဖေမိုလို့လေ"
"ပူတူးမှာဖေဖေရှိတယ်လေ"
"ဖေဖေကလည်းသားဖေဖေပဲ ဒယ်ဒီကလည်းသားဖေဖေပဲလေ သားမှာဖေဖေနှစ်ယောက်တောင်ရှိတယ်"
"ဟင် "
သားကဟိန်းထက်သာရဲ့စကားကိုခေါင်းရှုပ်သွားသည်ထင်သည်။ခေါင်းလေးကုတ်ပြီးသေချာစဥ်းစားနေလေသည်။
"သားကြီးလာမှဒယ်ဒီကသေချာရှင်းပြမယ် ခုတော့စဥ်းစားမနေနဲ့တော့နော်"
"ဟုတ် ဒယ်ဒယ်"
"သားလေးကလိမ္မာလိုက်တာ ပြန်ခေါ်ပါအုံး"
"ဟီးး ဒယ်ဒယ်"
"ဗျာ....Haa.. ချစ်ဖို့ကောင်းလိုက်တာ မွမွ"
"ခစ် ခစ် "
ဟိန်းထက်သာကသားကိုအသည်းတွေယားလာပြီးမျက်နှာအနှ့ံလျှောက်နမ်းတော့သားကတခစ်ခစ်ဖြင့်ရယ်နေလေသည်။
အခန်းထဲမှသားအဖနှစ်ယောက်၏ချစ်စရာကောင်းသောမြင်ကွင်းလေးကိုနွေဦးအခန်းပြင်ကပဲကြည့်နေလိုက်သည်။သားအဖနှစ်ယောက်ပိုရင်းနှီးအောင်ထားခဲ့လိုက်ပြီးမီးဖိုချောင်တွင်သွားကူနေလိုက်တော့သည်။
ဒီအိမ်ကိုနွေဦးတို့ရောက်နေတာ..တစ်လတောင်ပြည့်တော့မယ်..။စရောက်ကတည်းက..ဦးနဲ့အန်တီကနွေဦးကိုမိသားစုဝင်တစ်ဦးလို..နွေးနွေးထွေးထွေးဆက်ဆံပေးကြပြီး..ခေါ်တာတောင်.အဖေနဲ့အမေလို့ပဲခေါ်ခိုင်းသည်။
ဆက်ဆံရေးသိပ်အဆင်မပြေတဲ့..ဟိန်းထက်သာတို့သားအဖတောင်..ဒီအတောအတွင်း..ပြန်ပြေလည်သွားခဲ့သည်။အစက..အဖေကအလျှော့မပေးဘဲ..ဟိန်းထက်သာကို..အိမ်မှာမနေခိုင်း..။နောက်ဆုံးတော့လည်း..နေ့တိုင်းမရရအောင်လာပြီးတွယ်ကပ်နေတဲ့ဟိန်းထက်သာကိုအဖေကပဲအလျှော့ပေးလိုက်ရကာ..အခုတော့..တစ်အိမ်တည်းနေကြသည်။တစ်ယောက်တစ်ခန်းစီသပ်သပ်နေနေကြပေမဲ့ပေါ့...။