U N I C O D E 🌼
နွေဦး အမေတို့အိမ်မှာ စိတ်ပြေလက်ပျောက်ဖြစ်စေရန် အိမ်အလုပ်တွေကူလုပ်လိုက် ဒေါ်ကြီးတို့နဲ့စကားပြောလိုက်ဖြင့် အာရုံပြောင်းထားရသည်။ဒီတလောအစားပျက်နေတာမို့ လူကအားမရှိချင်..မူးရိပ် မူးရိပ်ဖြင့်..။
"သားလေး နေမကောင်းဘူးလား "
"ဟုတ် အမေ နည်းနည်းခေါင်းမူးနေလို့ခုတလောနေလို့သိပ်မကောင်းဘူး"
"ဆေးခန်းလေးဘာလေးသွားပြအုံး
ထက်သာအားတဲ့နေ့ကျလိုက်ပို့ခိုင်းလိုက်အုံးနော်"
"ဟုတ်"
နေ့လည်ထမင်းစားတော့လည်းဟင်းနံ့တွေကြောင့်လူကပျို့ချင်လာသည်။လူကြီးတွေရှေ့မှာမို့ထိန်းထားပေမဲ့မနေနိုင်တော့သောကြောင့်နွေဦးဘေစင်မှာပြေးအန်မိသည်။
နွေဦးအန်တော့ အမေတို့ကလည်းပျာပျာသလဲလဲဖြစ်ကုန်သည်။
"သားရယ် ဘယ်လိုဖြစ်ရတာလဲ ဆေးခန်းသွားပြမလား"
"ရတယ်အမေ ဘာမှမဖြစ်ပါဘူး"
"နေအုံး မဟုတ်မှလွဲရော ဟိုဟာများလား"
"ဗျာ မဖြစ်နိုင်ပါဘူး"
"ဘာပဲဖြစ်ဖြစ်သားကိုပြောပြီးဆေးခန်းသွားပြလိုက်အုံးနော်"
"ဟုတ်"
"သားဘာစားချင်လဲ ဒေါ်ကြီးလုပ်ပေးမယ်လေ"
"ရပါတယ် ဒေါ်ကြီး စားချင်စိတ်မရှိတော့ဘူး"
"တစ်ခုခုစားချင်လာရင်ပြောနော်"
"ဟုတ် သားအခန်းထဲသွားနားလိုက်အုံးမယ်"
"အေးအေး သွားနားလိုက်"
နွေဦးလည်းအရင်နေခဲ့တဲ့အခန်းထဲမှာပဲသွားနေလိုက်သည်။စိတ်တွေလည်းရှုပ်နေတာမို့အိပ်ပျော်အိပ်လိုက်သည်။
နေ့လည်ထဲကအိပ်ပျော်သွားလိုက်တာနွေဦး ညနေမှနိုးလာတော့သည်။
အကြာကြီးအိပ်ပျော်သွားတာကြောင့်ခေါင်းထဲမူးနေသည်။
ဖုန်းဝင်လာတာကြောင့်ကြည့်လိုက်တော့ ဖုန်းခေါ်သူကချမ်းမြေ့ဖြစ်နေသည်။
