U N I C O D E 🌼
နွေဦးနိုးလာတော့မျက်စိရှေ့မှာအပြစ်ကင်းစွာအိပ်မောကျနေတဲ့အစ်ကို့မျက်နှာကိုအရင်ဆုံးမြင်လိုက်ရသည်။
လူကတော့အစ်ကို့ရင်ခွင်ထဲမှာ...အစ်ကိုကတင်းကြပ်နေအောင်ဖက်ထားသည်မို့နွေဦးလှုပ်လို့တောင်မရ။နှစ်ယောက်လုံးအဝတ်မကပ်သည့်အနေအထားမှာခန္ဓာကိုယ်ချင်းပူးကပ်နေတော့နွေဦးမှာအလိုလိုမျက်နှာကရဲလာပြီးနေရခက်လာသည်။
ညကအကြောင်းများပြန်တွေးမိတော့ပိုပြီးရဲလာသည့်မျက်နှာ။ပထမဆုံးအကြိမ်မဟုတ်ပေမဲ့နွေဦးအတွက်တော့ပထမဆုံးအကြိမ်ကထက်ကိုပိုပြီးရှက်မိသည်။
အစ်ကို့မျက်နှာကိုငေးမောကြည့်နေရင်းအစ်ကိုရဲ့မျက်နှာပေါ်ကအစိတ်အပိုင်းတစ်ခုစီကိုထိတွေ့ကြည့်နေမိသည်။
"ကိုင်လို့ကောင်းလား.."
"အစ်ကိုနိုးနေတာလား"
"အင်း ရိပ်ကိုယ့်မျက်နှာကိုစကိုင်တဲ့အချိန်ကတည်းက"
"အစ်ကိုအိပ်ချင်သေးရင်အိပ်လေ နွေဦးရေသွားချိုးလိုက်အုံးမယ်"
"အတူချိ်ုးမယ်လေ.."
"အစ်ကို!! "
"ရိပ်ရယ်ရှက်မနေပါနဲ့တော့ မနေ့ညက.."
"အာ..အစ်ကိုကလည်း ဘာတွေပြောနေတာလဲ "
စောင်ကြီးပတ်ကာရေချိုးခန်းထဲပြေးဝင်သွားသောရိပ်ကိုကြည့်ရင်းချစ်ဖို့ကောင်းလွန်းလို့အသံထွက်ရယ်မိသည်။မနေ့ညကခန္ဓာကိုယ်ချင်းဆက်ယှက်ခဲ့တာတောင်မှရိပ်ကခုထိရှက်နေတုန်း။
ခဏကြာတော့ရိပ်ရေချိုးပြီးသွား၍ဟိန်းထက်သာလည်းရေချိုးလိုက်သည်။ရေချိုးပြီးထွက်လာတော့ရိပ်ကအဝတ်အစားတောင်လဲပြီးပြီ။ဟိန်းထက်သာလည်းအဝတ်အစားအမြန်လဲလိုက်ကာHotelမှမနက်စာစားပြီးကားဖြင့်သာပုဂံမြို့ကိုလည်ရန် ထွက်လာခဲ့သည်။
စစချင်းဦးတည်သွားလိုက်တာကတော့
တုရင်းတောင်စွယ်တော်မြတ်စေတီတော်တည်ရှိရာသို့။တောင်ထိပ်အထိရောက်အောင်ကားမောင်းလာပြီး..အပေါ်ရောက်တော့နှစ်ယောက်သားကားပေါ်မှဆင်းလိုက်ကြသည်။ဟိန်းထက်သာတို့ကားပေါ်ကဆင်းတာနဲ့အနားကိုဝိုင်းအုံလာကြတဲ့စျေးသည်တွေ။မင်းသားမိုလို့တကူးတကလာကြည့်တာတော့မဟုတ်..
အပြိုင်အဆိုင်စျေးရောင်းရန်သာ..😅။