Unicode🐣
သာယာလှသောမနက်ခင်းတွင်နွေဦးတစ်ယောက်ထမင်းချက်နေတုန်းသားနှစ်ယောက်အသံတိတ်နေသောကြောင့်လိုက်ရှာရသည်။ငြိမ်နေတာပိုလန့်ဖို့ကောင်းတယ်...
ဟော..တွေ့ပါပြီ ခြံထဲကနှင်းဆီပင်တွေနားမှာ။သားငယ်လေးက လေးဘက်သွားတဲ့အရွယ်လေး..သူ့အကိုကြီးနောက်တကောက်ကောက်လျှောက်လိုက်နေပြီ။ခုလဲသူ့ကိုကြီးဆော့နေတဲ့နေရာမှာငုပ်တုတ်လေးထိုင်ပြီးသူပါဆော့နေလေရဲ့..
"သားကြီး ရွှံ့တွေနဲ့ဘာလို့ဆော့နေတာလဲ ညီလေးမှာပေကျံနေတာပဲ ကြည့်ပါအုံးမျက်နှာတွေမှာရော"
ပေတလူးလေးကိုပေါင်ပေါ်တင်လိုက်ကာသားကြီးအနားမှာနွေဦးဝင်ထိုင်လိုက်သည်။
သားငယ်လေးမျက်နှာကရွှံ့တွေသုတ်ပေးတော့ရှေ့သွားလေးနှစ်ချောင်းပေါ်အောင်ပြုံးပြလာသည်။"ပေတလူးလေး ကိုကိုနဲ့ဆော့နေတာပေါ့လေ"
"ခစ် ခစ် ပန် ပန်း"
"ပန်း ဪ သားသားကပန်းတွေနဲ့ဆော့နေတာလား"
"ဖေဖေ ဒယ်ဒီရော "
"ဒယ်ဒီကအပြင်ခဏသွားတယ် တော်ကြာပြန်လာမှာပေါ့ နေပါအုံး သားတို့ဘာလုပ်နေကြတာလဲ"
"မီးပုံးလုပ်မလို့လေ"
"မီးပုံးလုပ်မလို့ ရွှံ့တွေနဲ့လား"
"သားသူငယ်ချင်းပြောတာ ရွှ့ံတုံးလေးတွေလုပ်ပြီးအပေါ်ကဗံဒါရွက်တွေနဲ့လုပ်ရမှာတဲ့"
"အဲ့ဒါဖေဖေကိုပြောပေါ့သားရဲ့ ခုတော့ညီလေးမှာရွှံ့တွေပေကုန်ပြီ သားမှာရော ပေကျံနေတာပဲ"
'တီ တီ'
"ဒယ်ဒီပြန်လာပြီ"
သူ့ဒယ်ဒီကားသံကြားတော့ပေါင်ပေါ်ကပေတလူးလေးကအောက်ကိုအတင်းဆင်းပြီးသူ့ဒယ်ဒီဆီလေးဘက်ထောက်သွားလေသည်။ခြံထဲတွင်စိုက်ထားသောမြက်နုနုလေးတွေကြောင့်သားငယ်လေးကိုလွှတ်ပေးထားလိုက်သည်။နွေဦးနဲ့သားကြီးကတော့ရွှံ့တုံးတွေထိုင်လုပ်နေကြသည်။
လေးဘက်ထောက်ပြီးလာနေသောသားငယ်လေးကိုဟိန်းထက်သာကောက်ချီလိုက်သည်။