အိမ်ပြန်ဖို့လမ်းပျောက်နေရင် မြောက်ဝင်ရိုးကကြယ်လေးကိုရှာဖွေပါ။
🌃
" အိုး ဖျားနေတာပဲ "
အဖွားက ခရုဆန်ပြုတ်လို့ခေါ်တဲ့ ခရုဖင်လိမ်တွေနဲ့ ဆန်ရောပြုတ်ထားတဲ့ပန်းကန်ကိုရိပေါ်ရှေ့ချပေးရင်း နဖူးကိုစမ်းရင်းထအော်တယ်။
" ဒီမှာဖျားရင်မကောင်းဘူး လေစိမ်းတွေတိုက်လို့ ဒါလေးသောက်ပြီးရင် ဆေးကျိုပေးမယ်"
ဆန်ပြုတ်ပန်းကန်ထဲကအညိုရောင်ရှိတဲ့ ခရုတွေကိုရိပေါ်မစားတက်သလိုဘယ်လိုစားရမှန်းလည်းမသိ ။
" မစားတက်ဘူးလား ဒီမယ် ဒီအဝလေးကို စုပ်လိုက်တာ အထဲက အသားလေးတက်လာလိမ့်မယ် ဒါလေးက တအားချ်ိုတာ "
ခရုခေါင်းပေါက်လေးကို စုပ်လိုက်တော့ အသားဖပ်လေးကလျှာဖျားလေးကိုလာတိုးတယ် နောက်တစ်ချက်ထပ်စုပ်လိုက်တော့ နူးအိနေတဲ့အသားအရသာကိုရိပေါ်ခံစားလိုက်မိတယ် ။
" အဖွား "
"ဟေးး "
" စားလို့ကောင်းတယ် "
ရိပေါ်ရဲ့တက်ကြွတဲ့အသံမှာ အဖွားက အာခေါင်ပေါ်အောင် တဟားဟားအော်ရယ်တယ် ။
ကွန်ပိုက်ထမ်းလို့ပြန်လာတဲ့ အဘိုးဝီနဲ့ ဟိုလူကိုမြင်တော့ရိပေါ်စားနေတာလေးရပ်တန့်လိုက်တယ် တကယ်ပဲ ဒီလူက အသည်းမာတယ် တဖြေးဖြေးနဲ့ရိပေါ်လန့်တာထက်ပိုလာတယ် ။
" ဂိုလ်းက သဘောကောင်းပါတယ်ယောကျာ်းတစ်ယောက်က သားရဲတစ်ကောင်နဲ့တူတယ် ဒဏ်ရာရင် ပိုပြီး ခက်ထန်လာတယ် ဂိုလ်းက တကယ်တော့ ဒဏ်ရာရနေတဲ့သားရဲတစ်ကောင်ဖြစ်နေတယ် "
အဖွားရဲ့ပြောစကားမှာရိပေါ်က ကွန်ပိုက်ကငါးတွေဖြုတ်နေတဲ့ထိုလူ့ကိုထပ်မံစိုက်ကြည့်နေမိပြန်တယ် ရုတ်တရက် သူကလည်းကြည့်လိုက်တာမို့ ခေါင်းကိုချက်ခြင်းငုံ့လိုက်မိတယ် ။
××××××
" မင်းသက်သာပြီလား "
အက်ရှရှအသံကြောင့် ရေသူမမျက်ရည်တွေကြိုးနဲ့သီနေတဲ့ရိပေါ်က တုန်သွားတယ် ။
