شمه وطارق

البارت الاول

#شمه_وطارق

#بارت الاول

#Zahra'a Almayali

السلام عليكم اني شمه من الناصريه عمري 15 سنه عايشه اني وامي وابوي اني عندي 3 اخوات ساره و ليله و سميه وكلهن متزوجات  زوجهن ابوي  وهنه اصغار الولد عمي طبعا امي  خلفتهه بس بنات وابوي يكره البنات  حتى اخواتي جان يطكهن دوم واول ماكبرن زوجهن ابوي بسرعه حتى اني مارضه اكمل دراسه بالثاني ابتدائي وبطلني
اني عندي ٢ عمام عمي جعفر عايش يمنه وعنده ٣ ولد ماخذين اخواتي  وعمي سالم عايش ببغداد  وعنده ٢ ولد وبنيه بس ولده مايجون النه بس هو مرات يجينه لان هو موضف فمو دوم يجينه  اني حييل احبه لعمي سالم لان هو يختلف عن ابوي ويحبني واذا شاف ابوي يريد يطكني يتعارك ومايخلي عبنه مثقف مو مثل ابوي الجاهل

طبعا اني حييل حلوه على امي عيوني  خضر حلوات ووجهي مدور وابيض  وشعري طويل واسود واني مربربه لاني ضعيفه ولا سمينه بس مشكلتي كصيره طولي 135 مثل البرغي

شمه : كعدت الفجر وي الاذان كمت توضيت وصليت كملت صلاه رحت حلبت الهاشه عبن احنه عدنه حلال هواي  كملت حلب رحت للمطبخ لكيت امي
شمه : صباح الخير يمه
ام شمه  : صباح العافيه ييمه .. ها حلبتي الهايشه
- اي يمه حلبتهه  هاج هذا الحليب
- اطيني يا يمه .. تعاي سويت الريوك  خلي نتريك كبل لا يكعد ابوج

كعدنه نتريك .. شويه وكعد ابوي كمت صبيتله جاي وحطيت الريوك كدامه كعدت ردت اكمل ريوك جان يصيح بيه
ابو شمه : كومي ولج منا .. وجه الفكر تردين تكابليني

كومي ولي روحي للحشيش

هو ابوي كله الحش والحلب كله مخلي عليه ومايرضه غيري يسوي

شمه : الدمعه صارت بطرف عيني كتله
بويه بس خلي اكمل ريوك كال
- كومي ولج كلت .. لا بارك الله بهالخلقه

- كمت ونزلز دموعي رحت اخذت المنجل ورحت لكاعنه كعدت احش حشيش للهوايش وابجي

- يربي تعبت يمته اخلص من هذا العذاب .... انته ماقسمتله ولد اني شكو ربي يصيح عليه كمت اناشغ من البجي كملت حش ورجعت للبيت اطيت الحشيش للهوايش ورحت للمطبخ اساعد امي بطبخ الغده طبيت للمطبخ كالت امي

ام شمه : ها ...الله يساعدج يمه 

شمه : هله يمه .. شافت عيوني حمر كالت

ام شمه : يمه لا تكدرين روحج من وره حجي ابوج

شمه : يمه ليش هجي ابوي وياي مو مثل باقي الابهات يمه ليش ابوي مايحبني وكمت ابجي

ام شمه : يمه شسوي شبيدي اعليج .... ان شاء الله يمه يجيج ابن الحلال وتتخلصين من هذا العذاب
- لا يمه انه ماريد اتزوج عبن بعدني صغيره
- براحتج يمه .. يله مسحي دموعج وتعاي خلي نكمل الغده كبل لا يجي ابوج من الكاع