شمه وطارق

البارت السادس

انها خيرة الله وحاشى
الله ان يضرني،
لكني بكيت 💔 🥀

****★*****★*******★**********★***

# شمه وطارق

# البارت السادس

# Zahara'a Al-mayali

شمه : جنه كاعدين اني وأمي نحضر بالغده .... طبعا صار 3 ايام من رجع عمي وعايلته البغداد ... وطول هاي الايام ما خابرو ولا سألو امي تكول خاف غيرو رايهم والولد بطل بس انه اكول .. لا عمي مايسويهه .... وابوي بعده علحاله ... كل مايشوفني لو يتفل علي لو يطكني .... وامي تحاميلي .... يكوم ابوي يكتلني اني وياهه...

.فجأه جان يدخل ابوي للمطبخ ويكول

- وينج ... حسنه تحضرو انتي وبتج ... خابرني سالم يكول هذا الخميس الخطبه والعقد

ام شمه : يااا صدك ..... كلوووووش .....

- هيي نجبي لاأجي اكطم لسانج..... شمالج اصيحين

- ياا شبيك غير اهلهل فرحانه ببتي

- وهو هجي اليهلهل ..... هذا صياح مو هلاهل

شمه : كمت اضحك من ابوي كال صياح ... لان صدك امي تصيح ... ماتعرف تهلهل .... تقربت علي امي وحضنتني وكالت

- مبروك يمه ....شايفه كل الخير

- الله يبارك بيج يمه

- جا ابو طارق .... بس اطيني فلوس علمود اروح اجيبلهه هدوم للعقد

- لا هو هذا الجان عايزني..... تريد مني فلوس حسنه ... هو آني منيلي وأطيج

- يا جا شلون ... البت ماعدهه هدوم للعقد

- عود خليهه تلبس اي شيئ ..... وهم من يطونهه المهر عود تشتري

- هاي شبيك عماد .... أكلك البت ماعدهه

- لج بت الجلب لاتخليني ادكج هسه ..... تأدبي ولبسيهه اي شيئ.... ودرت وجهي ورحت للهول

شمه : راح ابوي للهول .... وامي كامت تمسح بادموعهه وتكول

- حسبي الله ونعم الوكيل بيك.... حسبي الله ونعم الوكيل .. يارب اتطلع حوبتنه بي

- يله يمه مو مهم لا تقهرين رويحتج ... البس كلشي الجان ..... وهمه عمامي مو غربه .... اووف حجيت وي روحي انه اعرف ابوي عده فلوس موش ماعده بس هو مايريد يطيني

- اي ... يمه ... لاتخافين هسه انه اروح لخواتج واشوفلج احلى لبس عدهن واجيبه الج

- هزيت راسي بأي

راحت امي جابتلي هدوم من اختي ساره واجت ... جان ثوب كشمير حلو ... انه حييل عجبني لونه احمر وبي ورد من الصدر

*************************************************

طارق : بقينه يومين بالمستشفى من بعدهه طلعنا منهه....... من وصلنه للبيت ذبحنه جوه رجلي ذبيحه ..... وسوينه عزيمه على سلامته .. واجو خوالي ... بس عمامي ماكنالهم ابوي ماقبل ... يكول الطريق طويل وماريد اشغل بالهم وآني مابيه شيئ