شمه وطارق

بارت 15

# شمه وطارق
# البارت 15
# Zahara'a Al-mayali

《《لا تيأس وأنت تعلم أن ‎الله دومًا يخلُق نورًا .. جديدًا بعد كُل ظلام ..💞💭》》

طارق :

دخلت من باب المطبخ .. وجان اسمع صوت حجي بالهول .. دخلت يمهم وكلت
- السلام ع...... وجان انصدم باللي كدامي ... لا يا الله هذا الماجنت حاسب حسااابه .... شفت انوار كبالي ... هي اول ماشافتني ركضت عليه وحضنتني وتبجي ... عيوني بسرعه درتهه على شمه اللي كاعده عالقنفه وتباوعلي بنضرت مصدومه وتبجي ... احس نضراتهه اخترقن كلبي ... وامي وابوي ورأفت اللي جانو مصدومين مثلهه بعدت انوار عني .. وباوعتلهه بغضب وكتلهه

- انتي شجابج .... ولزمت ايدهه وكتلهه يله امشي وياي ... مشيت وجان يوكفني صوت ابوي وهو يصيح

- اوكف طارق ... وين رااايح ... تعااال واحجيليي منوو هاي
- درت وجهي وكلتله ... بابا بس اوديهه وارجع .. ونحجي بكلشي .. صرررخ

- لااا .. بقيهه وتعااال هسه احجييليي كولشييي

- هزيت راسي ... وسحبتهه وكطفتهه عالقنفه وكعدت .. ابوي وشمه كاعدين عالقنفه الكبالي ... التفتت على ربى اللي جانت واكفه على جهه ...

- ربى بس كلاص مي وياج
حجت بتلعثم - اي .. اي هسه
- راحت جابتلي مي ... واجت شربت كال ابوي
- يله ... احجيلي كولشي وبسرعه
- باوعتله وكلت .. شحجيي يابه ؟؟
- لا تلعبب عليه طااارق ... هاي اليمكك تكوول انت متزوجهه .. صحييح هالكلام لو لااا .. احجيي بسرررعه

- باوعت على شمه اللي جانت تباوعلي بترقب وغمضت عيوني هزيت راسي بإي وكلت .. اي يابه ... كلامهه صح .. من كلت هيج شمه شهكت و خلت ايدههه على حلكهه ... وتهز راسهه بلا .. والدموع تجري اوووف ...حسيت دموعهه نار وتحرك بكلبي .. كله بسبب هالكلبه انوار .... والله لبجيهه دم مقابيل دموعج .. اكتشفت انو آني ماحبهه الانوار .. لا احبهه الشمه .. يمكن انوار نعجبت بلبسهه بشكلهه .. بس ماحبيتهه ...لا .. آني احبهه الشمه .. خوفي عليهه .. وابتسامتي من اشوفهه واعجابي بكلشي تسوي مهما كان بسيط .. وعيوني اللي تراقبهه دووم هذا ماله بس تفسير واحد ... اووف بس كلشي جاي يصر ضدي .. والدنيا مجاي تنصفني وتوكف وياي .. واخليهه اسعد انسانه

ابويه تعصب كولش وصااح

- انت صوك واحد ماتستحيي... لعد وهااي شنو .. ويأشر على شمه ... شنوو انت عندك بنات الناس لعبه بيدك .. و تزوج بكيفك لاحسيب ولا رقيب

انوار : عمو تره هو مزوجني قبلهه .. وبعدين طارق مجان قابل يتزوجهه وانت غصبته عليهه
طارق : احترمييي نفسج ولتدخلين ... آني وابوي جاي نتناقش انتي شكو حشرتي نفسج بالنص

- ليش ماادخل طارق ... انت مو كلت را....
- احترميييي نفسج واسكتييي كاافيي عاااد
ابو طارق : اخخخذ مررتك و امشييي اطلللع بررره بيتييي بسرررعه مااريد اشوف خللقتك بععد .. يله
- بابا بس اسمعنيي
- اشش ولا كلمه ... امشي اطلع منا .. وكمت علي دفعته .. اطلع بسرعه اطلللع