شمه وطارق

البارت 12

#شمه وطارق
# البارت 12
#Zahra'a Al-mayali
- يا بنــت گلبي 😻💛.
- الععشگ مايرهم بـَـس عليــج

طارق:صعدت بسيارتي ... ولن تطبك كدامي ٠ سيارات .... وتنزل منهه بنيه لابسه بوشيه ونزل بعدهه رجال جبير ووياه سلمان الي حاول يعتدي ع شمه وتقربو مني سلمت ع الرجال وسلمان ماسلمت عليه دخلتهم للاستقبال وكلتلهم بس من رخصتكم اروح اصيح للوالد واجي
ردوا: مرخوص
-رحت دخلت للبيت من باب المطبخ لكيتهم كاعدين بالصاله ابوي من شافني كال
-ها بابا شو رجعت شنو نسيت شي
-لا يابه بس هذا سلمان اجه وجاب وياه الفصليه :......حجيت هيج وباوعت ع شمه ردت اعرف ردة فعلهه من تسمع بيه اجه لهنا شفتهه باوعت باستغراب وانخطف لونهه ورجعت باوعت لرافت الي جان منزل راسه بحزن..... اوووف شبيدي عليك خويه وامي من سمعت هيج ضاجت وصعدت لغرفتهه
-اي صح شيخهم خابرني وكالي راح تجي بس اني نسيت
-بابا بس روح يمهم اني دخلتهم للاستقبال بس هسه لازم اروح لان راح اتاخر عن دوامي
-بابا رافت روح يمهم الا ان ابدل واجيك وانتن بنات حضرن ضيافه بسرعه
-ربى:حاضر بابا رحنه اني وشمه للمطبخ نحضرهه
رافت :احس اختنكت من سمعت جايبيهه للفصليه رحت للاستقبال سلمت وضيفتهم وكعدت يمهم بس جان مبين عليه ضايج ومهموم رفعت عيني ردت اشوف البنيه شفتهه كاعده ولابسه بوشيه بس كانه جاي تبجي وابوهه كل شويه ودار عليهه وندسهه وخزرهه
-اجه ابوي سلم عليهم وكالي
-بابا رافت بس روح جيب السيد علمود يعقد الكم
-هزيت راسي بدون كلام وطلعت ركبت سيارتي واني افكر ........ اووف يعني خلص لازم اتزوجهه بس الي مطمني ان حبيبتي لبنى قبلت تبقى وياي ما راح تتركنيهي اني وياهه صارلنه ع علاقه اربع سنوات تعرفت عليهه من جنت مرحله ثانيه وهي جانت مرحلة اولى اعترفت الهه بحبي وطلعت هي هم تبادلني نفس المشاعر واستمرت علاقتنه من تخلص كليه اني اجي واخطبهه والسنه اني اتخرجت وحصلت وضيفه بشركه وهي صارت مرحلة رابعه...... اني قبل لا يرجع ابويمن الناصريه جنت اريد اكله اريد اخطب واحجيله عنهه وجنت راسم احلام هواي بس فاجئني من رجع وكال ان ماخذ الي فصليه بالبدايه رفضت بعدهه تمرض ابويهه فاضطريت اوافق بس كلت لازم اكول البنى ع كولشي واتركلهه حرية الاختيار واذا حابه تكمل وياي او لا اتصلت بيهه وكولتلهه اريد اقابلج كالت اني بالكليه كلتلهه لعد جايج رحتلهه واخذتهه للكوفي جان قريب ع الجامعه وحجيتلهه كلشي هي انهارت وكامت تبجي واني جنت بس اريد احاول اهدئهه لان العالم كامت تباوع علينه كلتلهه
-لبنى اني ما رح اضغط عليج واجيت اكلج ع مود مااكون خادعج اذا تحبين تكملين وياي فاني اوعدج اول مااتزوجهه راح اكول لابوي عنج واجي اخطبج
-يعني قصدك اكون الزوجه الثانيه الك
-اي اذا موافقه
-لا رأفت اني مااقبل ولهنا وتنتهي علاقتنه
-حسيت الدنيا اسودت بعيني من كالتلي هيج وبقيت صافن بوجهه وهي اخذت جنطتهه وراحت بيومهه رحت للبيت تعبان ولاول مره بيهه دخنت حتى اهلي حسوا عليه متغير بس ما سألوا مرن يومين علينه مانتحاجه بس حسيت نفسي ضايع بيهن .....لليل بعد ماكدرت اتحمل بدون مااسمع صوتهه اتصلت عليهه اول مره ماردت بس بالمره الثانيه جاوبت
كلتلهه مجاي اتحمل لبني بعدج عني يعني موتي
-ولا اني كادره رافت بس شلون وانت راح تتزوج
-بس والله احبج وما رايد اتزوج غيرج
-بس اني مااريد اشاركك بوحده ثانيه اريدك بس الي
-هو اني كلي الج اوعدج ما اتغير عليج
-توعدني رأفت؟؟
-اي والله وداعتج مااتغير عليج
ورجعت علاقتنه مثل محمود
صحيت من ذاكرتي واني واكف يم الجامع جبت السيد ورجعو للبيت دخلت للاستقبال كعد السيد ردد بعقد الزواج بعدهه سالني عن موافقتي جاوبتهه نعم بس اختنكت ورى ما كلتهه لان ما حاب اظلم هاي البنيه وياي يعني هي شنو ذنبهه اذا ابوهه واحد ساقط ......بعدهه سالهه عن موافقتهه وجان تسمع صوت شهكتهه من البجي السيد كال
-هاي شنو انتوا جابريهه ع الزواج ؟
-ابوهه رد بسرعه
-لا سيد محد جابرهه بس لان راح تعوف ديرتهه وامهه تبجي
بعدين سيد ترى اني وكيلهه لان بنتي بعدهه قاصر
-شكد عمرهه ؟
-17 سنه شيخ
عقدولنه وابوهه صار وكيلهه بس حركت كلبي من سمعت صوت شهكتهه من بعدهه ابوي كال ..
-اي بابا رافت اخذ زوجتك لجوه يم البنات
-حاضر يابه
♧♧♧♧♧♧♧♧♧♧♧♧♧♧♧♧♧♧