شمه وطارق

البارت الرابع

# البارت الرابع

# شمه وطارق

# Zahara'a Al-mayali

طارق

عمي عماد طفر بسرعه وكال

ابو شمه : مواف... بس بعده ممكمل حجيه جان ابوي يكول

ابو طارق : لا البت محجوزه لابن عمهه ... وأشر عليه وكال

- لظابط طارق وعرسهم عن قريب

طارق : اني فتحت عيوني على وسعهن من ابوي كال هيج والتفتت على ابوي اللي جان يحجي بثقه

وعمي عماد هم تفاجأ من حجي ابوي ... وبعدين  كال

- اي صح  البت محجوزه لابن عمهه من هي صغيره

ردو الشيوخ - شايفين كل الخير ان شاء الله

جا اذا البت مطينهه لابن عمهه فالفصل راح يصير مره من بيت سلمان الكم وهي راح تكون بمثابه فصليه لحقن الدم

ردو الموجودين - اي أحسن حل .... بس منو اللي راح يعقد عليهه مثل ماتعرفون عماد ماعنده ولد

رد شيخ بيت سلمان

- اي واحد حتلو تروح فصليه العماد

عمي عماد من سمع هيج حسيته فرح حيل وابتسم  .... بس سرعان ماغابت ابتسامته من حجه ابوي

- لا الفصليه راح اخلي ابني رأفت يعقد عليهه .

- لالا ابوي اكيد صاير العقله شيئ ...... اني ليهسه مامستوعب صدمتي .... يكوم يكملهه بسالفه فصليه رأفت

الشيوخ كالو - على بركه الله ... جا بعد سبوع تجيكم الفصليه

رد ابوي - لا خلوهه بعد 3 اسابيع لان احنه هسه مشغولين بخطبه طارق

ردو الشيوخ- موافقين ... الفصليه تجي بعد 3 اسابيع

طارق:  من بعدهه ترخصو  جدي وعمامي وكمنه طلعنه ... بس شنو طلعت مدخن من العصبيه اريد انفجر

رحنه للسياره صعدنه اني وابوي وعمي عماد وعمي جعفر... ابوي وعمي عماد كعدو وره.. واني وعمي جعفر كدام ...... وجدي ابو ظافر وولده  صعدو سيارتهم

اول ماصعدنه حجه عمي عماد

ابو شمه : سالم انت  صدج رايد شمه لابنك

ابو طارق : اي .. لعد قابل اجذب

- جا ليش ماكلت من زمان

- ما لكيت الفرصه ... وهم جنت اشوف البت بعدهه صغيره مو مال زواج

- جا عالخير يخوي

طارق : همه يحجون وآني العصبيه كامت تقره الف عندي .... شنو رايدهه الي .... شنو ازوجهه ... باحلامهم هالشيئ يصير .... كمت اسوق سرييع واني احس الدخان يطلع من اذاني ... لحد ما كال كال عمي جعفر