شمه وطارق

بارت19

#شمه وطارق
#البارت الاخيير
#البارت 19
#Zahra'a Al-mayali

طارق : بعد مارجعت شمه من اهلهه حاولت اصالحهه  بس هي جانت تصدني دائما .. وماتقبل تنسى .. عفتهه براحتهه .. كلت خلي ترتاح شويه وارجع احاول وياهه ... بهاي الفتره دوامي صار بي تغيير شويه ... صرت الزم خفارات مرات ... جنت كاعد بمكتب بالليل وجان يرن جهازي .. رديت اجاني صوت واحد

-الوو ..

-الوو .. تفضل منو وياي

-العفو انت الظابط طارق

-بلي اني .. مكتلي منو انت وشرايد

-اني حبيب زوجتك
-شنوو لك .. انت شجاي تحجي .. تحترم نفسك لا اجي اسكطك والله

-ههههه... شبيك يابه .. لتعصب .. بس والله ردت اهنيك شلون مره عندك ... هنيالك عليهه

-جنت متصوره يحجي عن انوار ... كلت اذا صدك طلعت تخوني .. اقتلهه بمكانهه والله  فكتله

-انت منين تعرفزوجتي وشيثبتلي كلامك صحيح

-هههه ... وهو ياهو المايعرفهه مريتك جانت تمشي وي السلف كله

-انت عن منو جاي تحجي

-مرتك شمه ياهو غيرهه
.-لكك ابن الكلبب لاتجيب سيرتهه عللسانك .. ونزلت عليه غلط وفشار ... وابن الكلب سده بوجهي ... ضليت افتر بالمكتب واني فاير .. 

بقيت ت افكر وحاير ... لا مستحيل شمه تسويهه ... اي .. اكيد هاي لعبه من انوار تريد توكعني بيهه ... رجعت للبيت واني ميت من العصبيه ... ثاني يوم رحت للدوام ... والكل لاحظ عليه عصبي ... وكل شويه اصيح بواحد من الجنود... لليل نفس الرقم راسلني عالواتساب .. بس جان داز صور .. فتحتهن واتفاجا بالصوره .. شمه نايمه وواحد يمهه ... بس ممبين منو ... بس هي مبين شكلهه بالصوره ... دكيت عليه ابن الكلب مايرد بعدين طلعلي هذا الرقم غير موجود ... شلت التليفون وضربته بالكاع .. وتفلش .. رجعت للبيت عصبي .. كلت احسن حل علمود افتهم الحقيقه .. اتقربلهه اذا طلعت بنيه فهذي لعبه عليهه .. واذا طلعت لا ... ساعتهه اذبحهه واطم عارهه ... بس منو هذا .. لو اعرف .. ماجان خليته عايش لحضه  ....

بديت اتقرب الشمه ... كل ما الكاهه نايمه .. احاول وياهه ... ساعات ابوسهه وهي تجاوب وياي ... بس من اريد اتقربلهه .. بسرعه تكوم تبجي وتبعدني عنهه ... وانوار رحت ليهه واخذت تليفونهت منهه .. رادت تعرف ليش .. كتلهه بكيفي ...  فتشت بي دورت .. ماكو .. كلام عادي وي صديقاتهه ... يعني موهي اللي مسويه هاي السالفه

ضليت على هالحال سبوعين ... وذاك الحقير يدك عليه يوميه من رقم شكل  يوفر اعصابي ويروح ... حتى ماالحك اعرفه المنو .. لان بسرعه ينكسر .. اخر اتصال منه .. كاللي

-تريد تعرف اني منو ؟

- اعرفك اليوم لو باجر .. اكيد راح اعرفك