شمه وطارق

بارت 18

#شمه وطارق
#البارت 18
#Zahara'a Al-mayali

طارق : رجعت من الدوام تعبان ... ودنيه ظهر والحر يسمط ... فتحت باب المطبخ وجان اشوف شمه واكفه جاي تنظف ... بس لا هاي م  شمه هاي وحده ثانيه .. ماصارلي غير كم ساعه من طلعت هاي شغيرهه ... احس نفسي مثل التخدرت وماعرف شلون مشيت يمهه وحضنتهه من خصرهه وخليت راسي علمتنهه ...

شمه : درت وجهي وجان اشوف طارق كبالي... بلعت ريك وكتله

-ان..انت شكاعد تسوي .... وخر عني يله ودفعته عني بايدي

بس ماكدرت رجع علي وثبتني بايدي .. وهو يحجي

-هششش لج احتركت عشيرتج بنار ونفط .... وخرت راسي عنهه وباوعت عليهه من فوك ليجوه وكملت ... لج شنو هالجمال ... هاي شمسويه بروحج

-كلشي مامسويه ويله وخر عني ... دفعته ورحت اركض لالغرفه ... واحس وجهي مشتعل نار

-درت وجهي عليهه من راحت واني اباوعلهه شلون تمشي وتتمايل ... ابتسمت وكلت .. اووف جنهه هالبنيه اعلنت الحرب عليه

طلعت من المطبخ .. رحت دكيت الباب علغرفه اهلي سلمت علامي وبست راسهه وسالتهه على ابوي كالت طالع وي صديقه ... ترخصت منهه وطلعت ... صعدت الغرفتي لكيت شمه .. جاي تسفط الملابس بالكنتور ... ذبيت النطاق مالتي وفتحت دكم القميص وكلتلهه

-يبنيه .. حضريلي الحمام وياج .. حجيتهه واني مبتسم

-جاوبته بدون ماادير وجهي عليه ... محضرته

-تنهدت ورحت لاحمام سبحت وطلعت لكيتهه ماموجوده ... بس محضرتلي ملابس ... بدلت ونزلت جوه ..

-نزلت جوه علمود اشوف كيكتي اذا جهزت ... رحت للمطبخ .. عاينتلهه بعدلهه شويه .. شويه وجان ينزل طارق .. اني مادرتله بال ابد وضليت اعاين علكيكتي ... هو سحب كرسي وكعد .. كال

-اريد غده

-بدون ماارد عليه حميتله الغده وخليته جدامه... بس حسيت عيونه عليه وين مااروح ... ويريد مني النضره واني مادايرتله بال ... اي هو هذا الاريده اريدك تتمناني مثل ماجنت اتمناك ... رحت للفرن شفت كيكتي كملت ... طلعتهه وبديت اكصكص بيهه .. هو حجه

-شنو هذا المسويته ؟؟

-جاوبته بعدم اهتمام ... كيك

-ول بويه ..  اول مره اشوف كيك يسوي كيك

- ابتسمت علحجايته ... وراهه رديت دلغمت وجهي ... ودرت عليه واني رافعتله حواجبي ... هو ابتسم وكال

-ها اشو جن بزونتي صايره وكحه

-اي وتخرمش هم .. ورجعت درت وجهي

-طكيتهه ضحكه من سمعت جوابهه...وكمت غسلت اديه وكتلهه

-بزونه ... راح اصعد انام كعديني ب5 وغمزتلهه وطلعت