* 𝗨𝗻𝗶𝗰𝗼𝗱𝗲 *
* လရောင်လွှမ်းတဲ့ချစ်အိပ်မက် *
* အပိုင်း ၁၁ *
“ မင် ဘာစားချင်လဲ ကိုယ်ဘာလုပ်ပေးရမလဲ နာနေသေးလားဟင် ... နာရင်ကိုယ့်ကိုပြော မင် ... ကိုယ်သက်သာအောင်လုပ်ပေးမယ် ”
မျက်စိရှေ့မှာတင် အလုပ်တွေရှုပ်နေတဲ့မင်ယွန်ဂီကိုကြည့်ရင်း ဂျီမင် သက်ပြင်းချမိသည်။ လှုပ်ရှားနေတဲ့အမူအယာရယ် စိုးထိတ်နေတဲ့မျက်ဝန်းကျဉ်းကျဉ်းလေးတွေက အစစ်အမှန်ဖြစ်ကြောင်းပြသနေပေမဲ့ ဂျီမင်းရင်ထဲမှာတော့ သံသယတွေက ကြီးထွားလာနေသလို....။
.... မင်းအဖေကို သတ်ခဲ့တာ မင်ယွန်ဂီရဲ့အဖေ.... ဒါကို မင်ယွန်ဂီ သူကိုယ်တိုင်လဲသိတယ် ဂျီမင် ....
ထိုစကားကို ပြန်ကြားယောင်ရင်း သူ့အတွက် ဂျင်ဆင်းလက်ဖက်ရည်လေးပြင်ဆင်ပေးနေတဲ့မင်ယွန်ဂီကို စေ့စေ့စပ်စပ်ကြည့်မိသည်။ အမြဲတမ်းအနက်ရောင်ကိုသာဝတ်ဆင်တတ်တဲ့ယွန်းဂီက အခုလဲအနက်ရောင်တီရှပ် ၊ ဘောင်းဘီအနက်နဲ့ မီးဖိုချောင်ထဲမှာ အလုပ်ရှုပ်နေသည်။ ဂျီမင် မတောင်းဆိုပါဘဲနဲ့ သည်းသည်းလှုပ်အောင် ဂရုစိုက်တဲ့ယွန်းဂီသည် တစ်ချိန်တစ်ခါက သူ့ကို ပစ်ပစ်ခါခါလမ်းခွဲပြီး အထင်သေးအမြင်သေးစော်ကားခဲ့တဲ့လူမှ ဟုတ်ပါရဲ့လား။
ဘာလို့ ဂရုစိုက်နေရတာလဲ မင်ယွန်ဂီ ...
ချစ်လို့လား.. ဒါမှမဟုတ် ... တခြားအကြောင်းပြချက်နဲ့လား.... ပြီးတော့ အခု သူတို့နှစ်ယောက်ရဲ့အခြေအနေက လက်ထပ်ထားတယ်တဲ့။ ဘာအခမ်းအနား ဘာကတိသစ္စာဆိုခြင်းမှမပါဘဲ လက်ထပ်လက်စွပ်ကသာ အတည်ပြုပေးထားတဲ့လက်ထပ်ပွဲ။ အဲ့ဒါထက် အခုတလော ဘာလို့ ယွန်းဂီက သူ့ကို ဖွက်ထားတယ်လို့ခံစားနေရလဲသူမသိ။ လူသိရှင်ကြားတွဲနေတာမျိုးမဟုတ်ဘဲ တိတ်တိတ်ပုန်းနေနေရသလိုခံစားလာရသည်။
“ ရော့... ပူတုန်းလေး သောက်လိုက်ဦး မင်းခန္ဓာကိုယ်အတွက်ကောင်းတယ် မင် ”
YOU ARE READING
Under The Moonlight Dream【 Completed 】
Fanfiction𝗔 𝗖𝗼𝗺𝗽𝗹𝗲𝘁𝗲𝗱 𝗩𝗸𝗼𝗼𝗸 𝗙𝗶𝗰𝘁𝗶𝗼𝗻 " ℎ𝑒𝑦 𝑏𝑜𝑦 , 𝑖 𝑑𝑜𝑛'𝑡 𝑙𝑜𝑣𝑒 𝑦𝑜𝑢 " " 𝑖𝑡'𝑠 𝑜𝑘𝑎𝑦 𝑛𝑜𝑡 𝑡𝑜 𝑙𝑜𝑣𝑒 𝑚𝑒 𝑏𝑢𝑡 𝑓𝑖𝑛𝑎𝑙𝑙𝑦 𝑦𝑜𝑢 𝑚𝑢𝑠𝑡 𝑐𝑜𝑚𝑒 𝑏𝑎𝑐𝑘 ℎ𝑜𝑚𝑒 𝑐𝑢𝑧 𝑖'𝑙𝑙 𝑏𝑒 𝑦𝑜𝑢𝑟 ℎ𝑜𝑚𝑒, 𝐻𝑦�...
