Too Late, Ellie

CHAPTER 28

Chapter 28

Flashback
"Guys, tingnan niyo oh, ang popogi."

We immediately look down when Jasmine pointed a group of boys who are walking down the road. Nasa second floor kasi kami ng fast-food kaya kitang kita namin sila sa ibaba mula rito. Hmm, okay lang. Pogi naman tsaka mga cute.

"Oo nga, ang cute nung isa." Dahil sa pagkausisa ay nakisilip na rin ako sa mga taong tinutukoy nila.

Isang grupo ng lalaking magkakaibigan na nasa limang miyembro. Nanliit ang mga mata ko para tingnang mabuti ang mga iyon hanggang sa may isang nakakuha rin ng atensyon ko. Napangiti nalang ako sabay iling ng ulo. Loyal pa rin naman ako kay Nate, attractive lang talaga iyong lalaki.

"Wow Ellie, ang talas ng mga mata mo ahhh akala ko mahinhin type ka, may pagka malandi rin pala." Napangiwi ako sa asar na iyon ni Jas.

Grabe naman iyon. Landi agad, hindi ba pwedeng sumasang-ayon lang din ako sa kanila kasi talagang pogi at cute iyong mga lalaki.

"Landi agad? Hindi pwedeng nakiusyo lang kung totoo ba ang mga sinabi niyo." Palusot ko para hindi maasar.

"Weh? Grabe ka naman magrason, talagang hindi mo tinatanggal mga mata mo roon ahhh. Titig na titig e." Napatigil ako sa ginagawa nang marinig iyon.

Dahan dahan akong lumingon sa kanila na sinasalubungan ako ng mga matang mapanghusga. Napangisi nalang ako sabang lantak ng pagkain ko. Halata ba ako? E sa hindi ko napigilan e.

"Crush mo lang e." Nanlaki ang mga mata ko nang tingnan ko si Jasmine dahil do'n.

Hala, napatingin lang ako, crush agad. Issue naman nito. "Ano---"

"Sinong crush ni Ellie?"

Napatigil kami sa kantywan nang biglang may nagsalita sa likuran namin. Dumaan si Nikka na galing sa cr at kasama niya si Fia na hindi ko inasahang ngayon pa dadating. Geez, makita ko palang iyang pagtataka sa mukha niya, kinikilabutan na ako.

"Hindi nga raw crush, cute lang." Si Jasmine ang sumasagot para sa akin na ikinabahala ko kasi baka kung anong mga sabihin niya.

Nakita ko at ramdam ko pa rin ang pagkalito ni Fia sa pinagsasabi ni Jasmine kung kaya't hindi niya napigilang usisain ito tungkol dito. Huli na nang mapigilan ko si Jas sa pagsasalita. Biglang lumingon sa akin si Fia nang may mapang-asar na ngisi. Nag-iwas tingin ako't kumain pero bigla itong sumigaw na hindi ko inaasahan. 

"Asan ba riyan? Ayun ba? Kuya, crush ka raw nito oh!"

Hindi ko alam ang gagawin nang biglang sumigaw si Fia nang malakas kaya napaangat ng tingin ang mga lalaki sa amin. Agad akong naglilikot sa upuan at hindi alam kung saan tutungo lalo na nung lumingon sila sa 'kin.

"Fia, ano baaa? Tigilan mo nga iyan, issue maker ka!" Pinalo ko siya sa braso para tigilan ang kahibangan. Ako napapahamak sa pinaggagawa niya e.

"Crush mo 'no? Nahihiya ka lang e." Napanganga ako dahil do'n. Grabe, ganito ba siya sa tuwing naiintriga.

Hindi ako makakain nang maayos lalo pa't  nakabantay sa akin ang mapang-asar na mukhang iyon ni Fia. Geez, nakakakilabot ang mga titig na iyon.