My Alien Soulmate (boyxboy) [COMPLETED]

Chapter Twenty-Six (Absence make the heart grow fonder)

"Surely you don't expect the Lord to do everything for you, do you, Doc? You got to earn His presence. Then you got to recognize it and then you have to act on it."

Meacham, Cowboys and Aliens

_____

(Cerus' Point of View)

"Pare! Itigil mo na nga iyang pagpapabalik-balik mo! Nahihilo na ako!" Nasa harap niya si Philcan habang kumakain siya ng gummy candies na nabili niya sa earth. Para itong canes na ulol nitong mga nakaraang diebus.

"Saan ba kasi nila tinago si Abby, ayaw magsalita ni Avunculus, hindi ko rin masundan! Hindi rin malocate ng bangle locator ko! twa mensis na ah!" nagpabalik-balik ulit ito.

"Secret nga diba? Hindi mo talaga mahahanap iyon, kahit halughugin mo ang buong Xenica, na ginawa mo na nga! at dinamay mo pa kami!"

Alam niya kung ano ang nararamdaman ng kanyang kababata, kahit hindi ito magsalita alam niyang tuluyan na itong nahulog sa cute na cute na si Abby. Possible pala iyon sa mga Xygus na ang nakatadhana sa kanila ay ibang nilalang. Well on the first place magkapareho nga sila ng DNA kaya hindi na nakapagtataka iyon. Wala lang talagang alam itong kaibigan niya sa bagay na iyon. Kaya nga ang sarap nitong pagtripan. Hahaha. Forgive me for being naughty my dear fellas!

"Kapag hindi ko pa talaga siya nakita, wawasakin ko itong buong Xenica!" galit na galit na ito.

"Kapag ginawa mo iyon, eh nakasama r'on si Abby, hindi mo na talaga siya makikita, mag-isip ka nga!" nginangat-ngat niya ang isang gummy worm. Ang sarap talaga ng pagkain na ito.

Natigil ang lalaking balisa, mukhang pinag-isipan nito ang sinabi niya. Teka, wawasakin talaga nito ang Xenica, makita lang si Abby. Unbelievable. Oh well that's love afterall.

Dumating naman ang pipi niyang kaibigan na nagsasalita lang ng marami kapag may interesadong nalaman at importante lang.

"Zion, ano handa na ba ulit ang mga first defense beta para sa training ko?!" tanong dito ni Philcan.

"Sila'y nagpapagaling pa dahil malala ang naging tama nila kahapon sa pagsasanay niyong ginawa," achievement iyon kay Zion na mahaba ang nasabi nito.

"Ano?! 'yong second na lang,"

Heto na naman po sila, sa tuwing naiinis kasi ang kaibigan nilang ito ay ibinubuhos nito ang galit, inis, pighati, pagkapoot sa training na nauuwi sa pagkaka-injured ng mga beta.

"Itigil mo na nga 'yan Pare! mag-inuman na lang tayo!"

"Hindi ako nalalasing,"

"Ay Oo nga," tiningnan niya si Zion.

"Ako'y h'wag mong umpisahan Cerus,"

"What?! Wala akong sinasabi, kayo naman masyado kayong negative, puro kayo bad vibes, tingnan niyo ako, good vibes lang parati, kaya maraming nagmamahal sa akin, and I love all of them!"

"Tumahimik ka na lang, kung wala ka namang maitutulong!" asik sa kanya ni Philcan.

"Fine! Evil spirits lumayas ka sa katawan ni Philtot!" ganito ang mga napapanood niya sa horror movie. Baka may evil spirit lang na sumanib dito.

Ayan na. Bubugahan na siya nito ng apoy, "Pare joke lang 'yon!"

"Cerus!" gigil na gigil na ito.

Time is up. Tumayo na siya. Ubos niya na rin namang kainin ang mga gummy candies niya.

"Saan ka pupunta?"

"Ayaw mo bang tulungan kita?" kumunot ang noo nito.

"Magsabi ka nga ng totoo sa akin Cerus, may alam ka ba? Ha?"