Verabredig zum Znacht
Über setzt vor jinnis
Es chunnt us em Ruum zwüsche de Wält zum zerschtöre. Elegant, mit Tentakle, erhabe i sinere Macht schlitterets d'Schtäge düruf. Es rueigs Huus, ire rueige Nacht. Es schmökt ihri Mönschlechkeit, ihrer zerbrächleche, Bluet pumpende Härz. Wo si si hi?
Enangere Gruch länkts vo der Jagd ab. Verlockend, azüglech, absolut verfüehrerisch. E Täller uf dr Theke u druf — es angers Tentakelwäse? Bleich, dünn, verchnüpplet, mit rotem, pulverisiertem Fleisch vougschlabberet wie wenn es di Mönsche verschrisse hät u sechs i däm gloriose Gnusch würd suhle.
Es cha dä Zedu nid läse wo schteit "Schpaghettinacht".
Dr Zerschtörer tschuderet vor Begeischterig. Oder isches ds Verlange nach Bluet? Wuet? Nei... Es isch Liebi.
YOU ARE READING
Tevun-Krus #86 - International V: LovePunk
Science FictionWelcome to the fifth International Edition of Tevun-Krus! This time around we're dealing with LovePunk, which is a sort of romantic -Punk sub-genre! Because it's an International issue, there are stories from countless languages, all submitted by Wa...
