"Catch Me, Attorney. (Law Series #4 || Season 1 & 2)

PART SEVEN: "THE TWO-FACED HELLCAT."

"Nawa'y lahat may jowa."

Napa-pout ako at napasimangot habang tinitingnan ang dalawang estudyante sa labas ng building namin mula sa bintana ng kwarto ko. Kung titingnan, mukhang hinatid ng lalaki ang girlfriend niya.

Ayaw pa nga umalis ng lalaki. Maya't maya balik para yakapin ang girlfriend niya at 'yong girlfriend naman niya, gusto rin.

Napa-iling nalang ako at tinakpan ang bintana ng kurtina.

Humarap ako sa kwarto ko at tiningnan ang paligid.

Sa loob ay may isang malaking flat screen TV. May sariling aircon din at may sariling kama at comfort room. May study stable at may maliit na refrigerator. Sa comfort room naman ay may cold at hot shower.

Nakagat ko ang labi ko.

Magkano kaya magagastos ni Prosecutor Jax sa tagal kong maninirahan dito?

Ito ang small unit na inupahan ni Prosecutor Jax para sa 'kin. Malapit lang ito sa West Carson High at kung tutuusin ay ilang hakbang nga lang. May dormitory sa loob ng school pero ayaw niya roon para raw may privacy ako lalo na't biglaan siyang nagpapadala ng mission.

Napa-upo ako sa kama ko at inilagay ang bag ko sa gilid at nahiga. Napatitig ako sa kisame at malalim na bumuntong-hininga.

It was a long tiring day.

Imagine, first day ko sa West Carson High at napakaraming nangyari.

I met Sir Ivan na crush ko na ata.

I met Nashville, our soon idol.

I met Braelyn and we clicked.

I met Levi at napagkamalan pa nga akong transgender.

I met Missi na akala ko ay makakasundo ko base sa profiling namin ni Sir Jax pero mainit ang dugo sa akin.

I met Reese na sobrang gusto ko ang personality. She may look tough outside but a softie inside.

I met Everleigh who proved that she is, indeed, the West Carson High's baddest witch.

I met Lyle, who, despite of being a Heimsworth, was still getting bullied.

And Grey...

Awtomatiko akong napangiti.

"Ang landi mo, 'te," nakangiti kong bulong sa sarili.

Sinubukan kong pumikit para mawala ang boses niya sa utak ko pero hanggang doon ay rinig na rinig ko ang sinabi niya.

Nakikita ko pa rin kung paano siya ngumiti. Kung paano niya sinubukang pigilin iyon sa pagtaas ng salamin niya pero sa huli ay hindi niya rin maikubli.

Nakikita ko pa rin kung paano niya ako tinitigan sa mga mata habang papalubog ang araw at tumutugtog ang How Deep Is Your Love dahil sa banda at sinabing,

"I'm interested in you, Reign Harriett. What should I do?"

Maya-maya'y hindi ko napigilan pa ang sarili ko at nagkakalampag na ang binti ko sa kama.

"AAAAAAAAAAAAAAAA!"

Tili ko ang umalingawngaw sa loob ng kwarto.

Nang mahimasmasan ay umupo ako at kinuha ang cellphone ko para tingnan ang messages doon.

Kinuha kasi ni Grey ang phone number ko pero hanggang ngayon ay hindi pa rin siya nag-te-text sa 'kin.

"Baka nangisay na rin sa kilig," bulong ko sa sarili.

Saktong ibinaba ko ang cellphone ko nang bigla itong tumunog. Mabilis ko agad iyong pinulot at tiningnan.

"Enjoy 1GB/day for YouTube, ML, FB, and more with GoSAKTO90! Get these + 2GB data and more, valid for 7 days!"