"Catch Me, Attorney. (Law Series #4 || Season 1 & 2)

PART FIFTEEN: "His First Love"

"WILL YOU BE MY QUEEN?"

Pounding hearts.

Confused minds.

Inaudible murmurs.

Beat.

Bahagya akong napanganga sa narinig ko. Nakaharap sa akin si Lyle at nakatitig sa mga mata ko. Si Grey naman ay nakatingin din sa akin at hinihintay ang magiging sagot ko.

Nang narinig iyon ni Reese ay napatili ito at niyugyog ang balikat ko.

"Girl, go na!" sabi nito. "Lyle na 'yan, masarap na icing 'yan sa ibabaw ng cupcake mo!"

Si Missi at Levi naman ay parehong hindi ma-i-pinta ang mga mukha.

I gulped. I didn't expect this.

Paano ako sasagot kung literal na blangko ang isip ko at nangangatog ang mga tuhod ko dahil na rin sa tingin ng mga estudyanteng nanunuod?

"Don't answer," Lyle then said. "I'm not giving you any option to turn it down."

I bit my lower lip. "Lyle—"

"Be my queen, Reign Harriett," Lyle followed and he looked straight into my eyes.

Inilahad ni Lyle ang kamay niya at bahagyang ngumiti sa akin.

"Let's conquer the world together, shall we?"

Nakarinig ako ng tilian. Nangingibabaw ang tili ni Reese sa mga ito.

"Ibang klase..." bulong ni Missi habang nakahalukipkip at nakangiwi. "Seryoso ba siya? THAT girl talaga?"

Bago pa ako maka-isip ng dapat isagot ay biglang hinarap ni Grey si Lyle. Grey literally blocked Lyle from my sight.

"Anong ginagawa mo?" tanong ni Grey.

"None of your business," tipid na sagot ni Lyle.

"Apparently, it is," Grey answered sharply.

"Bakit? Kayo ba?" tanong ni Lyle. "Hindi pa naman, 'di ba?"

Lalong umingay ang mga nanunuod dahil sa narinig. Kahit si Reese ay napatakip ng bibig.

Si Missi na nanunuod ay umirap.

"Oo, hindi pa. Pero interesado ako sa kanya. Hindi ba sapat na rason 'yon para mangialam ako?" tanong ni Grey.

Lyle stared at Grey's face until slowly, his lips curved a satisfied smirk.

Ito panigurado ang plano niya.

Ang i-trigger si Grey sa harap ng mga estudyante.

At this point, he was hitting two birds with one stone.

Levi and Grey were his victims.

Lyle took a step closer to Grey and he stopped right in front of him. "Kapag ba naging interesado ako sa kanya, pwede na rin akong makialam?"

Kitang-kita ko kung paano nagulat si Grey doon. Lumakas ang mga ingay na pinamumunuan ni Reese.

"Wow. Wow!" reaksyon ni Missi.

"Kung liligawan ko siya, sa'n ka lulugar?" dugtong ni Lyle.

Doon na lumapit si Levi sa dalawa para awatin sila.

"Stop, people are watching," rinig kong bulong ni Levi. "Cool your heads down, okay?"

Pinanunuod ko lang sila pero sa loob-loob ko ay gusto ko nang maglaho. Lahat ng mga estudyanteng ito ay sobrang entitled at ma-pride. Ngayong nagtatalo-talo sila ay ako ang na-i-ipit.