اسكربتات

اسكربت²

"كنت قاعدة في أمان الله لقيت رسالة جاتلي من ال other، ففتحتها"
-كنتِ قمر النهاردة.
=نعععععم!!
-إيه؟
=هو إيه اللي إيه، إنت عبيط ولا مجنون يلا؟.
-لا أنا مش عبيط بس مجنون... بِحُبك.
(قلبي دق جامد واتخضيت من الرسالة، لإني مش متعودة أكلم شاب خالص)
=طب والمفروض أعمل إيه يعني، ولا أقولك هعمل بلوك وأريح نفسي.
-متعمليش بلوك عشان خاطري.
=صعبت عليا واتأثرت جامد، خلاص مش هعمل ههه بهزر خلال ثواني هتكون متبلك.
(عملت البلوك، ودخلت أتغدى وبعدين العصر أذن صليته، وبعدين قعدت في البلكونة شوية)
=يااه على الهوى، ياخواتي على السحاب الجميل، استنى إما أخدك صورة.
-يا هبلة.
=واه مين! كلبة بتتكلم أنا أول مرة أشوف كلبة بتتكلم.
-مقبولة منك.
=طب تعالي في حضني، تخيلي سنة مشوفكيش، وحشتيني أوي.
-وأنتِ كمان والله، دا أنا حتى جاية مخصوص من الصعيد علشانك، قلت لازم أشوف إسراء.
بدموع=كدا يا أسماء تسيبيني وتمشي، كنتِ قعدتِ معايا، مش إحنا صحاب واخوات، مشيتِ ليه.
بدموع-والله ماكان بإيدي، بابا كان عليه ديون كتير ومش عارف يسددها، سافرت عشان أشتغل وأجيب فلوس.
=وبعدين.
-ولا قابلين، اشتغلت وجبت قرش حلو وساعدته وحالنا بقي كويس، وبابا قعد استقر عند أهله فالصعيد.
-ياخواتي الصعيد بحالها.
=ههه مش بقولك هبلة.
-بقولك إيه متقعدي معايا شهر كدا عشان خاطري.
=هو أنا مقولتلكيش! يقطعني.
=إيه، وقعتي قلبي.
-سلامة قلبك من الوقعة.
=مقولتيش إيه.
-كنت جاية أخدك معايا للصعيد.
=بتهزري صح، قولي إنك بتهزري، مش مصدقة نفسي، هروح الصعيد يابشر، ياخواتي، بس لحظة قُلتِ لماما طب وبابا، محمد أخويا، لازم يوافقوا.
-ههه أنا متفقة معاهم وهم موافقين.
=طيب هو أنا إيه مقعدني كدا، اديني عشر دقايق وهتلاقيني جاهزة.
-بسرعة خلصي.
"بعد ساعة"
=خلصت يلا بسرعة عشان نلحق القطر.
-طب سلّمي على أمك حتى ههه.
=ماما سلام هتوحشيني سلام، هتوحشيني يا مزة والله.
-وإنتِ كمان يلا، لا إلهَ إلاّ الله.
=محمد رسول الله.
"وصلنا الصعيد يا بشر، روحت بيت جد أسماء هو كبير وعامل زي الفيلا لكن ألوانه هادية، وحبيتهم جدًا وحبوني، هم ناس طيبين جدًا وقمرات ويخطفوا القلب"
جدة أسماء= خوديها يا أسماء واطلعوا ارتاحوا فوج يابتي.
=حاضر يا طنط.
-واه إي طط دي، جوليلي يا چدة.
=حاضر يا چدة، يا قلبي إنتِ.
"طلعنا فوق وقعدت مع أسماء في أوضتها وهنقعد في أوضة وحدة"
=أسماء إيه ابن عمك دا.
- هههههه ماله؟
=بيبص نظرات غريبة كدا.
-سيبك منه.
=هو هيفضل طول الوقت في البيت ولا إيه.
-لسوء حظك وللأسف أه.
=آه ياحوستي التقيلة يانا يما.
-فكك، يلا ننام عشان نصحى ناكل.
=يلا بينا.
"نمنا، وصحيت على صوت حد بيخبط الباب جامد"
=مين الغبي اللي بيخبط كدا.
-.......
=طيب طيب هفتح أهو، فتحت لقيت ابن عم أسماء (مازن).
=هو في حد يخبط على الباب كدا، راعي الناس النايمة.
-إيه جُتلة نايمين عاد.
إكتفيت بنظرة قرف.
-ايه يا جطة الجطة كلت لسانك ولا إيه هههه.
-إيه يا حاج مازن عايز حاجة.
-لا يابت عمي مش عايز.
=وإما إنت مش عايز بتخبط ليه كدا.
-جدتي جالتلي أطلع أصحيكم عشان تاكلوا.
=طب اسبقنا واحنا جايين وراك.
-طب خلصوا.
"لبسنا ونزلنا لقيت العيلة كلها متجمعة، إحساس جميل أوي، تحس كدا إنك دافي بالعيلة دي"
-اجعدي يابتي كلي.
=حاضر يا جدي.
-إيه مبتاكليش ليه الواكل معجبكيش عاد.
=لا ياطنط أصدي يا چدة الواكل جميل جدًا، بس هو غريب عليا وكدا.
-براحتك يا بتي لو عايزة أيّ أكلة الطباخ بيطبخ حلو جوي جوليله بس إنتِ عايزة إيه وهو هيسوهالك ع طول.
=ربنا يبارك فيكي يا جدة.
-إيه يا چدة، وأنا ملييش من الحنان دا عاد، صوح اخص عليكِ يا چدة.
-اخرسي يا بت، دي البنية لسة چاية من سفر.
بتبرطم- على أساس إن أنا مجتش من سفر بردو.
-سمعتك على فكرة.
(مازن دا كان مركز معايا طول الوقت وبيراقبني لحد مابدأ معايا الكلام)
"وانا في المطبخ بقول للطباخ يعملي بيتزا"
-احم.
"اتخضيت وكنت خلاص هقع بس هو مسكني"
بإحراج=شكرًا انك مسكتني لأقع.
-لا عادي، محصلش حاجة.
-يا طباخنا اعملي واحدة بيتزا معاك.
-غريبة انتوا الاتنين طالبين زي بعض، كإن أرواحكم زي بعض.
=لالا عادي دي صدفة.
"خلص البيتزا وطلعت آكلها في الجنينة"
-ينفع أقعد آكل معاكِ؟
=أه ينفع.
"كلنا وطلبت من الشغالة تعملي قهوة وهو كمان طلب قهوة"
-فاكرة ساعة ما كنتِ في تالتة ثانوي.
=ههههه فاكرة.
-كنتِ إنتِ وأسماء عاملين زي المجانين هههه.
"ضحكته جميلة أوي، إيه دا دا عنده غمازة، ياخلاثي، أسماء جت تقعد معانا"
-إيه يا خَوَنة،قاعدين من غيري.
=اقعدي، كنا بنتكلم على أيام ثانوي.
-هههه دا إحنا ربنا بعتك لينا ياواد يا مازن كنا ضايعين في المنهج.
= أه شكرًا إنك كنت بتشرحلنا، كنا ضايعين خالص ههههه.
بصوت خافت-وأنا ضايع في عنيكِ.
-يلا يا عيال نلعب كوتشينا.
=يلا.
"لعبنا الكوتشينا وأنا اللي غلبتهم، وبنك الحظ مازن اللي كسب"
-هو أنا مليش بخت كدا، مكسبش ولا مرة أهئ أهئ أهئ.
=إيه يا طفلة، دي مجرد لعبة هههه، ولا إيه يا مازن.
-ها...أه....دي مجرد لعبة.
=طيب أنا طالعة أرتاح شوية، سلام.
"طلعت فوق، وبصيت من البلكونة عليه لقيته ماسك إيد أسماء وبيضحكوا، كنت هانفجر إزاي يعمل كدا، إزاي، طب وأنا مالي واحدة وابن عمها، يادي النيلة هو أنا بغير ولا إيه، عيونه جميلة أوي وأسلوبه معايا أجمل،و...ياخراب بيتي أوعي أكون حبيته، لا أنام شوية أحسن متجلط"
-إيه يابنتي كل دا نوم.
=هي الساعة كام.
-إحنا الصبح ياختي، يلا عشان ننزل نفطر ونروح نتمشي بعديها.
=يلا بينا.
-هههه يا هبلة.
"نزلت تحت وكالعادة كلهم متجمعين"
=السلام عليكم جميعًا.
-وعليكم السلام ورحمة الله وبركاته.
=فطير، أنا نقطة ضعفي الفطير والعسل.
-كلي يا بتي بالهنا والشفا على قلبك.
=الحمدلله، دا أنا بطني اتملت على آخرها ههههه.
-يلا يا إسراء نتمشي.
=يلا.
"اتمشينا، وزورنا معابد كتير واتصورنا وضحكنا وأثناء وأنا بضحك لقيت مازن جاي علينا"
-خير يا مازن جاي ليه؟.
-جدتك بتقولكم تعالوا عشان الفرح.
=فرح؟ فرح مين.
-فرح ناس في البلد وكدا فلازم نروح عشان ميزعلوش.
=تمام يلا يا أسماء عقبال مانجهز نفسنا.
"روحنا البيت، ولبست دريس فسدقي والطرحة سودة فيها أشكال هادية ولبست كوتش أبيض، وأسماء لبست دريس إسود وطرحة لونها جنزاري ونزلنا"
-جمرات يا ناس، إيه الحلاوة دي... دا إنتِ يا إسراء جميلة جوي، وإنتِ حلوة يا أسماء جوي.
-=شكرا يا چدة.
=إيه يا جدة إيه الچلابية الچديدة دي ولا الشال هياكل منك حتة هههه،خدي بوسة بقي."
"طلعنا برة ومستنيين العربية اللي هتوصلنا للبلد من جوا لحد ما وصلوا"
-إيه ديه، انتوا مين عاد.
-إحنا أهلك يا حاچ.
-إيه الحلاوة دي كلها.
"طبعا الحاج كان بيعاكس في الحاجة هههه"
-...........
-مالك متنح كدا ياض يا مازن ههه.
وشي ضرب ألوان =احم هي فين العربية.
-ها...العربية أهي.
=طب يلا،زمش هنركب ولا إيه.
"ركبنا كلنا، جدو ومازن في الأول وأنا وجدة وأسماء ورا وكمان بابا مازن وإخواته ومامته، إخواته صغيرين عنده أخت في تالتة إعدادي وولد أولى ثانوي وهم في عربية لوحدهم"
=جدة خليكي كمان شوية، الفرح حلو.
-ماينفعش يا بتي، يلا لجدك يزعل.
"مشينا ورجعنا البيت ونمت على طول لإني بذلت مجهود في الفرح ههههه"
تاني يوم الصبح.
"صحيت ملقتش حد في البيت، نزلت لتحت لقيت الشغالة سألتها هم فين"
-يا هانم دول مشيوا من بدري.
=راحوا فين يعني.
-سي مازن عمل حادثة.
"كإن حد مسك جردل مياه ساقعة ودلقها عليا"
=إزاي دا حصل، طب هم فين.
-في مستشفي.......
"وصلت للمستشفى بجري، قلقانة عليه معرفش ليهووأثناء وأنا بجري رجلي اتعورت مخدتش بالي، وأخيرًا لقيتهم واقفين"
=جدة، إيه اللي حصل.
-مازن وهو چاي من الفرح اتعارك مع ابن المغالي ومجلناش حاجة، وصّلنا وراح عنده واتعارك معاه وابن المغالي راح حاطت السكينة في بطنه اااااااه يا ولد ابني يا حبيبي.
=طب ثواني هطلع أشم هوا.
"طلعت برا وقلبي واجعني أوي، فضلت أعيط كتير وأفتكر هزاره وضحكه وكل تفصيلة فيه، مكنتش أعرف إني حبيته كدا، ياااارب نجيه ورجعهولي يارب"
-للأسف مازن دخل في غيبوبة.
=إيه! غيبوبة إيه إنت عبيط؟ مازن هيرجع، إنت جموسة ومش بتفهم حاجة.
-إحنا آسفين يا دكتور على اللي اتجال.
-لأ أنا مراعي حالتكم وربنا إن شاءالله هيحميه وبعدين دي غيبوبة ممكن تفضل أسبوع.
-تمام يا دكتور.
"أنا خلاص مش قادرة"
=أسما.....ء.
-يامصيبتي، البت أغمي عليها يا جد.
-يا دكتور تعالى بسرعة.
-إنتوا سايبنها من غير أكل ليه، البت جالها هبوط حاد ومش هتصحى دلوقتي.
-يااارب، يارب أقف معانا يااارب، يعني أختي وابن عمي يااارب هون...هون يارب.
*بعد ثلاثة أيام*
=ممازن.
-يا دكتور، دي فاقت.
=أنا...فيي.. ن.
-اهدي يا بتي متتحدتيش كتير، غلط عليكِ.
-هي دلوقتي حالتها مستقرة، وكمان بقت أحسن من الأول.
-شكرًا يا دكتور تعبينك معانا.
-معملتش حاجة دا شغلي.
*بعد أسبوع*
=إسسسسسرا......ء.
-نادوا للدكتور بسرعة، المريض فاق.
-إيه يا بطل، دا كله يلا قوم لاحسن عندك واحدة تقريبا قريبتك، كانت هتاكلني ههه.
-ههه.
-كدا يابني توجع جلبي عليك اكده.
-أعمل إيه يا أبوي بجى.
-حمدلله على السلامة.
-الله يسلمك ياما، مال عينيكِ اكده وارمة ليه.
-متاخدش في بالك يا ولدي، أهم حاجة إنك جومت بالسلامة.
"مازن عمال يتلفت يمين وشمال وملقاش إسراء"
-ههه، مرضتش تدخل، دا البت طلعت واقعة ولا إيه، عارف ياض يا مازن ساعة ما عرفت إنك في المستشفى جت وزعقت للدكتور وشتميته وجالها هبوط حاد وكمان فضلت تلات أيام متقومش،وكمان..
-إيه يابت بزيادكِ عاد، الواد لسة جايم ومش جادر ايه بالعة راديو.
-أسفة يا جدة.
"طبعا إسراء روّحت وطلعت نامت وصحيت الصبح ولمت هدومها وشكلها ماشية"
-صباحو قمر على الناس القمر، إيه دا إنتِ بتلمي هدومك ليه.
=أنا هامشي.
-اللي هو إزاي يعني، إيه مالك إتغيرتِ فجأة كدا، دا إنتِ بتحبي الصعيد وروحك فيها، إيه اللي حصل.
=مفيش حاجةحصلت، أنا عايزة أمشي.
-طيب براحتك.
-طب استني يا بتي، أنا مش عاوزاكِ تمشي، عايزاكِ تجعدي اهنيه.
-أسفة يا جدة لازم أمشي.
=طيب يا حبيبتي على راحتك.

"طبعا ودّعت كله إلا مازن مش موجود ليه كنت عايزة أشوفه لأخر مرة"

=طلعت برا في الجنينة وخلاص همشي لقيت صوت....
-يا إســراء استني.
"طبعا قلبي دق أوي وخدودي احمرت وأعصابي سابت أول ما سمعت صوته"
-أرجو إنك تسمعيني للآخر.
=طيب خلص عشان القطر ألحقه.
-اسمعيني بقى ومتقطعنيش.
-حكايتي معاكِ بدأت ساعة ماكنتِ في تالتة ثانوي، ساعة ماكنت بشرحلك إنتِ وأسماء الحاجات اللي مش واضحة ومحتاجة شرح، ومن ساعتها حبيتك مش مجرد كلام لأ أنا حبيتك فعلًا، بعد ماخلصت الكلية وجيت الصعيد، كل يوم وكل شوية بفكر فيكِ، لحد ما خلاص عايز أشوفك، استعنت بأسماء وخطتت معاها وجبيتك على هنا، أول ما شوفتك قلبي دقلك أوي، كنت بغلس عليكِ، ببصلك كتير، بقعد معاكِ إنتِ وأسماء في الجنينة، كنت بلعب معاكوا الكوتشينة وبنك الحظ، كنت بفرحك على قد ما أقدر، حبيتك يا إسراء، أنا مش بحبك...أنا عشقتك يا حياتي إنتِ، مش قادر أتخيل حياتي من غيرك، أنا بطلب إيدك دلوقتي للجواز، أتمنى تقبلي.
"بعد ما خلص كلامه كانت دموعي نازلة على آخرها، إزاي دا طلع بيحبني زي ما بحبه"
=....
=طيب إزاي بتحبني كدا.
-الحب دا مش بالإيد، ربنا زرع حبك في قلبي.
=طيب إزاي كنت بتهزر مع أسماء وتمسك إيدها وكمان بتحضنها.
-ههه أسماء أختي يا هبلة في الرضاعة.
=كدا تمام أوي.
-وكمان عايز أقولك حاجة محدش يعرفها، الواد اللي حط السكينة في بطني اتخانقت معاه عشان عاكسك في الفرح.
=يلهوي، طب وفي حاجة محدش يعرفها غير أسماء بخجل=أول ماصحيت من الهبوط الحاد دا، نطقت اسمك إنت.
-يافرحة قلبي، طب إنتِ بتحبيني ولا إيه.
=بصراحة في الأول كنت غلس معايا بس بعد كدا خدت عليك و... و... وح... وحبيتك.
-بجد.
=أه.
-يعني بتحبيني و...
=أه بحبك وبحب اهتمامك بيا وبحب هزارك ولعبك وضحكتك وكمان عيونك الحلوة دي وغيرتك عليا و(هو أنا قلت إيه يا خراب بيتك).
-وإيه كمان.
"خدودي احمرت ليه كدا."
-هتفضلي معايا طول العمر؟.
=......
-هتكونِ ليا زوجة صالحة؟
=......
-طب خلاص هروح أخطب البت الشغالة طالما مبتتكلميش كدا.
=لالا دا أنا بحبك وهكون زوجة صالحة وهفضل معاك دايما ومش هتخلى عنك ولو عايز نتجوز دلوقتي أنا موافقة"
-ههه دا إنتِ واقعة بقى.

"تمسك بقلبى، فإنه يُحبك" ♥
بقلم/ إســــراء بــدوي"وَرد"