اسكربتات

اسكربت¹⁷

_ عاااا يا مأخراني دايما يا إســــراء الكلب.
= هههه فيها إيه يعني لما أقولك بلبس الكوتش وأنا أصلا بستحمى ههه تعيشي وألبّسك خازوق غيره بس هيكون عسل هههه.... دي قفلت في وشي.
" ليها حق إنها تقفل لإني مستفزة جدا معاها ههه، دي صحبتي صديقي الصدوق كرمة، ملناش إلا بعض حرفيا، نتخانق دايما وننزل على مفيش، طبعا أنا مأخرة ع المحاضرة ولسة مركبتش المترو والحالة ضنك هههه....... بعشق المترو جدا وبحب أشوف ناس وناس تشوفني و.. المترو وصل، ركبت في المختلط عااا بس كان في بنات بردو دا شيء طمني إلى حد ما، حسبي الله بجد.. بلاقي أشكال وألوان في المترو بس المرادي لقيت شيء مختلف تمامًا وأنا نازلة من المترو ورايحة الجامعة لقيت ظابط كيوتة وعسل خالص لكن غضيت بصري وروحت الجامعة...آه أنا ياباشا مليش في الهء والمء هههه"
= صباحو تأخير من أولها ههه.
- ملكيش كلام معايا.
= آثـفة آثـفة آثـفة.
- أسفك مستحيل المرادي يتقبل.
= اممم طب لو كدا.
" طلعت من شنطتي نقطة ضعفها نيهاهاهاهاهاها واحدة شوكولاتة وكيس شيبسي وبيبسي وروّقت عليها"
- هاتي ياللي بتدوسي على إيدي اللي بتوجعني هاتي.
= لا عاش وكان هههه.
- دكتور محمد طردني اهئ اهئ.
= تستاهلي هههه أكيد عشان سرحانك فيه كل شوية.
- أعمل ايه يعني مش المفروض يلبس نقاب وهو جاي عشان الواحد يعرف يغض بصره هههه.
: احم.. مين اللي يلبس نقاب يا آنسة.
- ها... أمي... أمي بتفكر تلبس نقاب... عن إذنك.
: وإنتِ يا آنسة إســــراء مش بتحضري ولا محاضرة ليه؟
= آسفة يادكتور.
: المرة الجاية ألاقيكِ جاية بدري تمام! وكمان قولي لصحبتك تركز شوية عشان الامتحانات على أبواب.
= حاضر.
"قعدت أدور على اللي هتجيب أجلي قريب لقيتها واخدة ركن في الكافيه وبتاكل"
= إنتِ ياحاجّة، إنتِ بتاكلي وسيباني أتهزأ هناك!
- آه دوقي بقى جزء من اللي بتعمليه فيا هههه.
= ماشي، هاتي البيتزا دي.
- لأ سيبيني عشان متدايقة.
= الله الغني عنك وعن بتزايتك، إما أروح أجيب واحدة لا الحوجة لأمثالك.
- صياح بلا هدف ههه.
" اشتريت البيتزا وجيت عندها لقيتها بتعيط"
= هي دي هرمونات حوامل ولا إيه، شوية تضحك وشوية تعيط، حسبي الله.
- أنا بعيط عشان اهئ اهئ اهئ عشان الدكتور زعقلي.
= والله بجد هو عامل على مصلحتك وكمان قاللي إن أقولك تشدي حيلك عشان الامتحانات على أبواب.
- طيب هشد حيلي بس يبقى تعالي شديه معايا هههههههه.
= نينيني بايخة.
" خلصت أكل وسهاري وحضرت كذا محاضرة وروّحت وكالعادة بالمترو.. وقفت كدا وكان على الناحية التانية الظابط اللي شوفته الصبح بس كان قاعد، الصبح كان واقف وبيتكلم مع ناس المرادي قاعد ورايق وكمان شاورلي كدا إن أرجع لورا سِّنة كنت هتجنن قعدت أعمله حركة أنا؟ أنا اللي إنت تقصدها؟ قال آه بدماغه المهم اتكسفت جدًا وخدودي احمرت وحالي اتقلب وهو ابتسم، جه المترو وركبت وطبعًا ركبت مواصلات بعدها لإن أنا من محافظة غير المحافظة وروحت وأكلت تاني لإني مدمنة أكل لكني مش تخينة ههه أنا جسمي متناسق وكله بيحسدني عليه ياباشا ههه اتغديت وصليت ودخلت أوضتي"
= ياترى هو ابتسم ليه؟ وقاللي أبعد شوية ليه؟ تلقاه عشان المترو مثلا ميخبطنيش؟ لكن أنا كنت في مسافة مش قريبة بس هو ابتسملي! عااا آجي في المواقف دي وأتقلب لطماطم ومقدرش أتكلم، أنا بكلم نفسي خلاص اتجننت، أنا هقوم أعمل نسكافيه أحسن.
ـــــــــــــــــــــــــــــــــــــــــــــــــــــــــــــــ
" في مكان ما"
- شوفتها النهاردة في المترو.
- عجبيتك؟ ريّح قلبي بقى.
- لو على الإعجاب فعجبتني ولو على الأدب والجمال وكل شيء عجبتتي بردو.
- يعني على بركة الله!
- إما آخد عليها شوية من بعيد لبعيد فهماني؟
- اللي إنت عايزه، أهم حاجة إن في واحدة عجبتك.
- هههه حصل والله هي شدتني ليها بطريقة غريبة.
- ربنا يجعلها خير زوجة ليك.
- يارب، ولا لما قولتلها تبعد شوية عشان المترو قعدت تقولي أنا؟ أقولها آه راحت قلبت لفراولة هههه.
- ماهي عندها حياء زايد شوية.
- بس اللي عاجبني فيها يا إيمان إن هي محجبة وكمان مش حاطة ولا نقطة مكياج وكمان لبسها واسع ومحترمة في نفسها.
- أخيرًا واحدة عجبيتك يا حظابط!؟ هه.
- روحي اعمليلي أكل لإن الأكل في معدتي يادوبك.
- هههه حاضر.
" أنا محمد ظابط وليا اسم في المجال والمجرمين بتترعب إما ييجي سيرتي بس، أنا عندي خمسة وعشرين سنة وماما عايزاني أفرحها وأتجوز والاسطوانة اللي كل الشباب عارفاها، قررت الصراحة أتجوز لكن مش أي واحدة... عايز واحدة بالمواصفات اللي لقيتها في إســــراء، إيمان أختي هي اللي قالتلي عليها وقالت إنها تتحب وأخلاقها كويسة وعندها حياء وكل دا المهم قالتلي إن هي بتحب تركب المترو فروحت خدت فرع مش فرعي أصلًا وجيت المترو عشان أشوفها، صراحة عجبتني ومعرفش ليه بس أنا بتمنى من ربنا إنه يقر عيني بيها"
ــــــــــــــــــــــــــــــــــــــــــــــــــــــــــــــ
" عند كرمة"
- طب أكتبله على صراحة إن أنا بحبه ولا بعشقه؟ ايه دا دي إســــراء بترن
- آلو.
= أيوا ياختي، بتعملي ايه.
- داخلة أقوله على صراحة إني بحبه بس محتارة أكتبله بحبه ولا بعشقه؟
= يابت اتقلي شوية يخربيتك على غبائك، ادعي ربنا وبس ولا تدخلي على صراحة ولا زفت ولو دخلتي يبقى إنتِ من طريق وأنا من طريق، سلام.
- فعلا أتقل شوية واهتم بمذاكرتي شوية زي ما إســــراء بتقول.
ـــــــــــــــــــــــــــــــــــــــــــــــــــــــــــــــ
" عند إســــراء"
= إن ماجابت أجلي يبقى بحق.
- مالك متعصبة كدا.
= الزفتة عايزة تعترفله.
- هههه استحمليها.
= عشان خاطرك إنت ياجميل.
" نمت وصحيت على صوت المنبه اللي جايب آخر الشارع ههه وصليت وفطرت ونزلت الجامعة تاني وطبعا بالمترو والروتين العسل دا.... وصلت المترو ولقيت منظر عاطفي حبتين: لقيت إن واحد جاي من الجيش وأمه في المترو بالصدفة فشافيته وجريت عليه حضنيته وقعدت تبوس فيه وتبكي بالدموع موقف خلاني أعيط والله وكنت بعيط عياط هيستيري بس بصمت لقيت إيد اتمدت ليا بمنديل"
= أفندم؟
- امسحي دموعك دي لإما وقسمًا بالله ما إنتِ داخلة المترو تاني.
= وإنت مين بقى إن شاء الله عشان تمنعني.
- أنا الظابط محمد بدوي ليا سلطتي ومركزي وإشارة مني تبقي برا.
= هات هات المنديل.
- أيوا كدا.
= فخور بنفسه أوي ومتفرعن على ايه معرفش، حسبي الله.
" ركبت وروحت الجامعة وأنا في منتهى العصبية ومش طايقة حد خالص وحضرت المحاضرات ومشيت لإن كرمة مجتش النهاردة وروحت بالمترو بردو بس ملقتش الظابط اللي شوفته امبارح، ليه يارب دا كان عسول باللبس والمسدس وحاجة قمر دا دا دا هناك أهو، عثل عثل مفيش جدال ركبت وأنا في المترو لقيت واحدة عجوزة قاعدة قدامي بتعيط روحت عندها وهدّيتها وقالتلي إن أولادها اتخلوا عنها وهيودوها دار مسنين معرفتش أعمل ايه بس قولتلها تعالي بكرا واقعدي في نفس المكان وهيبقى معايا الحل شكرتني كتير وحضنتني وضحّكتها شوية والمفروض أنزل المحطة دي فودّعتها وروحت البيت لقيت أختي بولادها الكرام ههه"
=أهلا أهلا بالأسرة اللذيذة.
؛ أهلا ياحبيبة ولاد أختك ههه.
= هاتي الواد العسل دا، هاتيه عشان هاكله.
- خديه أهو.
" عثثثثثل أوي الواد عمر دا كيوتة صغيرة كدا وقمررر طالع لخالته مفيهاش كلام ههه دخلت نمت لإني مرهقة جدا وحلمت بالظابط؟؟؟؟
الحلم غريب حبتين، حلمت إنه جه وقف قدامي وبص في عيوني فكان قدامي وملامحه عرفتها واتحفظت لكن اللي عرفته بقى كمان إنه هو اللي اداني المنديل وكان لابس نضارة وكاب المهم بقى إما بصيت في عيونه قلبي دق جامد جدًا أول مرة يدق بالغباء دا وكان جاي يقول كلمة صحيت من الحلم تملي حظي نحس كدا، بس الغريب إني لما صحيت من النوم لقتني ببتسم؟؟ هو ايه اللي بيحصل أجدعان ط ط طب هو أنا ليه عمالة أفكر فيه كدا؟
ساعتها سمعت جارنا وهو بيسمع أغنية حماقي اللي بتقول"أنا مش عارف مالي عمال أفكر فيك، واللي مغير حالي كلمة قالتها عينيك" حسيت إنه بيوصفني ههه، فوقت من نومي شوية وفطرت وافتكرت الحاجة العجوزة إنها هتستناني النهاردة ولازم أجبلها حل ألا وهو معرفش هههه قررت إما ألاقي أي ظابط في المترو أو كدا هحكيله عنها وهو يقدر يساعدها، لبست ونزلت الجامعة كالعادة وهركب المترو كالعادة بردو عشان لو هشحت كدا محبش ألا هو هههه ركبت المترو و... ياحوستي الظابط محمد بدوي اللي حلمت بيه ب ب بيدور على حد في المترو، يارب استر يارب استر، جه عندي وحطيت الكتاب في وشي عشان ميلاحظش لكن هو زي العفريت لاحظ وجه شاله من على وشي، بصلي لمدة دقيقة كدا وخلال الدقيقة دي كنت في عالم تاني مع عيونه اللي تاخد العقل سمعت صوت عمال ينادي فوقت ولقيته في وشي كان هيغمي عليا لكن مسكت نفسي وسمعته وهو بيقول"
- يا آنسة هو إنتِ سرحتي في ايه؟
= ها؟
- ولا حاجة، كنت عايز حضرتك في حاجة كدا.
بارتباك من نظرته= هو يعني أصل حضرتك يعني أصدي يعني هتعوز مني ايه.
- لا دي حاجة بسيطة مش محتاجة الارتباك دا كله.
= ماشي، ايه هي؟
- خليها وإنتِ راجعة من الكلية.
= هو حضرتك تعرفني؟
- ها.. لا ولا أعرفك ولا حاجة بس أصلك كنتِ حاطة كتاب على وشك فأكيد رايحة الجامعة يعني.
= اها تمام، طب أنا لازم أنزل المحطة دي، سلام.
" نزلت وكنت هعيط حرفيًا من جرائته وهو بيتكلم معايا ومن قلبي اللي عمال يدق ومن عقلي اللي مبيفكرش إلا فيه ومن ارتباكي لما أتكلم معاه، بس هو كان عايز ايه مني؟ يمكن هيحبسني مع المجرمين ولا يمسح بكرامتي الأرض عشان عاندت معاه على المنديل؟ بس والله مكنتش أعرف إنه دا الظابط اللي كنت شايفاه، المهم روحت الكلية وأنا في قمة السرحان  خبطت في واحدة وقالتلي ياغبية بس سبتها ومشيت وأنا سرحانة طبعا، ياجماعة لو كنت في وعيي كنت مرمطت كرامتها في الأرض آه انتوا عارفني وعارفين إني مبسبش حقي، لقيت البت كرمة بتعيط ودا شيء خدت عليه في الآونة الأخيرة هههه روحتلها طبعا"
= يافتاح ياعليم يارزاق ياكريم، خييير.
بعياط- دكتور محمد اهئ اهئ.
= طب أشد في شعري ولا أصوت وألم عليا الناس؟
- هو قالي إن لو ذاكرت واجتهدت هييجي يتقدملااااااااااااي اهئ اهئ.
= احلفي؟ ياااه اخيرا هتتهدي شوية، ذاكري بقى عشان لو مذاكرتيش هيروح يتجوز واحدة غيرك.
- لااا دا أنا مش هسيب الكتاب من ايدي خالص.
= ههههه أيوا كدا، يلا ندخل محاضرته ياختي.
- يلا.
" دخلنا المحاضرة وركزت معاه وجاوبت كذا سؤال معاه والمحاضرة خلصت، كرمة ركزت جامد بردو ههه دي البت واقعة واقعة مهببة، حضرت محاضرة كذا دكتور تاني وهروح أهو، افتكرته تاني! لا حول الله يارب، قعدت أفكر وأفكر لحد ماوصلت للمترو ولقيته قاعد ولقيت كمان الست العجوزة مستنياني، روحتلها وسلمت عليها وقررت إني هقوله عليها قبل مايقول اللي عايز يقولي عليه"
= لو سمحت.
- نعم.
= كنت عايزة أقول لحضرتك يعني إني الست اللي هناك دي أولادها هيودوها دار مسنين ويرموها فيه فكنت عايزة حضرتك تساعدني إننا نساعدها ونشوف ولادها دول ونتفاهم معاهم.
- حصل وهي دي الحاجة اللي كنت عايزك فيها  وأصلا دلوقتي هي مروّحة بيتها وولادها فاقوا قبل فوات الأوان.
بدون وعي= بتهزر؟ طب احلف كدا؟ طب هو إنت عرفت منين، ولا خلاص آسفة شكرا لحضرتك جدًا أكيد هي فرحانة دلوقتي، سلام.
" روحت للست وقعدت جمبها وقالتلي إن الظابط كان شايفني وأنا بكلمها امبارح وراح عند أولادها وفهمهم إن دي أمهم ومعني الأم ايه وفوقهم يعني، وهي شكرتني معرفش على ايه أنا معملتش حاجة أصلا كل الشكر للظابط محمد لكن هو راح فين مش لقياه في المترو ما علينا، روحت وكلمت إيمان صحبتي اللي كانت جارتنا ونقلت"
= آلو يا إيمان يا وحشة، بقى كدا متتصليش حتى تتطمني عليا ولا تقولي البت إســــراء عاملة ايه؟ آآااه يا قلبي ياللي محدش معبرك ولا مهتم بيك، أندال أندال أندال والله مافيكم جدعان ياصحابي.
- هههههه احم هو إيمان خرجت مشوار وسابت تلفونها هنا هههه فاتصلي بعد شوية تكون جت.
= مين معايا ياحيوان ياقليل الأدب، إنت ازاي تكلمني أصلا، اتفو على دي أشكال، ياحرامي ياللي سرقت تلفون إيمان وجاي تقولي خرجت، ياشوية حرامية ملوا البلد.
"بس ثواني الصوت دا مش غريب عليا، الصوت دا سمعته قبل كدا فين يارب، يامصيبتااااي دا صوت الظابط محمد، يلهوي يبقى الظابط محمد أخو ايمان؟ يلهوي دا أنا نسيت خالص إن إيمان ليها أخ وكان ظابط، طب أعيط ولا أعمل ايه دلوقتي؟ ههه إيه دا رسالة من إيمان؟"
- معلش يا إســــراء أخويا اللي رد عليكي.
= ملكيش كلام معايا تاني يا إيمان.
- آسفة والله روحت جبت طلبات ونسيت الفون في البيت.
= خلاص ولا يهمك، المهم تعالي نتكلم فون عشان وحشني صوتك.
- لسة بتخطفي قلبي بكلامك زي مانتي... ثواني هرن.
" رنّت عليا ورديت"
= بقى كدا يا إيمان ولا بتسألي ولا عشان نقلتي الشارع اللي ورانا هتتكبري على الغلابة اللي زيي.
- هههههههه لأ والله دا أنا مشغولة جدًا اليومين دول.
= مشغولة في ايه أهم مني، طلقيني دلوقتي حالا.
- ههههههه مقدرش يام العيال.
= مبقتش تحبني يا جعفر ليه زي زمان اهئ اهئ.
- ههههههههه إســــراء حرفيًا أنا بموت من الضحك اهدي عليا شوية هههه.
باستعباط= ههههه، ألا مين الأخ اللي رد عليا وإنتِ برا البيت.
- أخويا محمد اللي رد.
= يلهوي طب هو ظابط صح؟ واسمه محمد بدوي؟ يلهوي يعني هو اللي هزأني في المترو، اهئ اهئ اهئ.
- هو نقل فرعه للمترو ودا اللي أعرفه بس هزأك ازاي ههه.
= زي الناس ما بتتهزأ وأكتر، دا اتغير جدا يا إيمان دا أنا معرفتوش إلا إما إنتِ قولتيلي، صدقي إني مشوفتوش من أربع سنين، الأيام بتجري وكله بيتغير.
- معاكِ حق والله.
" اتساهرنا أنا وإيمان واللي عرفته إنه بيدور على شريكة لحياته صراحة زعلت إما قالت كدا ومعرفش زعلت ليه بس كل اللي أعرفه إني حاسة إني حبيته، بس صراحة اللي عمله مع الست بتاعت المترو شيء عظيم بجد، ومش كل الظباط اللي في الزمن دا يعملوا حاجة زي دي، يوم مع يوم وبدأت فعلا أحبه بدون سبب، جه في يوم وكنت تعبانة جدًا مقدرتش أروح الجامعة خالص وأجزت النهاردة من كل حاجة، سمعت فيلم زي قصتي أنا ومحمد بالظبط لكن المختلف إني محمد مش بيحبني، وحشني جدا النهاردة يعني كنت كل يوم أشوفه وأشوف ابتسامته اللي بتبقى على وشه بس النهاردة مش هشوفها، ماما راحت عند خالتي وبابا في الشغل ومصطفى أخويا عند صاحبه وأنا بس اللي في البيت لوحدي، عملت فشار وعملت سندوتشات شاورما وروّقت على نفسي خالص ههه، فجأة لقيت الباب بيخبط بحسبها ماما لكن المفاجأة كان محمد!!!!!
قفلت في وشه الباب على طول لإني كنت قاعدة بشعري وكات وبرمودا وياحوستي لو ركز معايا ولا شاف شعري ولا جسمي ساعتها هدخل في سنة اكتئاب حرفيا يعني، المهم دخلت لبست الإسدال جري وفتحت الباب"
= احم.. احم هو حضرتك جاي بيتي ليه؟
- في حاجة اسمها اكرام الضيف لو تسمعي عنه.
= إنت عرفت بيتي ازاي؟ ولا حاطت في شنطتي Gps ولا ناوي تخطفني وتبيعني للناس اللي بيبيعوا الأعضاء.
- ههههه عايشة في جوّ الروايات أوي هههه.
" ياخرابي ع الضحكة اللي بجد تخطف القلب"
= طب هو إنت عايز ايه طالما مش جاي تخطفني وانجز شوية عشان واقفتنا على الباب دي متنفعش.
- احم.. طب هو إنتِ مجتيش المترو النهاردة ليه زي كل يوم.
" ألللللاه هو بيهتم بيا ولا أنا متهيألي، ياااه لو يكون مهتم بيا"
= احم... طب هو حضرتك يعني ليه بتسأل وإنت مالك أروح المترو ولا لأ إما تكون جوزي ولا أخويا ولا أبويا يبقى تسألني غير كدا لأ تمام!
- واضح إنك نسيتي إني ظابط وقادر أحبسك على كلامك دا.
بصوت منخفض جدا= ما إنت أسرتني في حبك وخلاص، هتحبسني تاني ليه.
- ايه؟ بتقولي حاجة؟
= لأ مش بقول يا حضرة الظابط.
- أنا ليا كلام مع أبوكِ غير كلامك دا وهنشوف مين اللي هيكسب.... سلام يااا
= اسمي إســــراء علفكرة.
- مش مهم المهم هو إن النهاردة هقول لأبوكِ على كل اللي إنتِ عملتيه.
= ولا بيهمني.
" مشي وأنا دخلت وقلقانة، ياترى هيقول لبابا إن لساني طويل ولا هيقوله معرفتش تربي بنتك؟ يارب استر، بس صراحة هو ليه وجه مخصوص يسأل عليا ومركز معايا كدا، اوعى يكون فيا اشتباه في قضية مخدرات ولا أي مصيبة متلزقالي، هموت من كتر التفكير يا جدعان والمشكلة إنه جاي النهاردة، أنا لازم ألبس وأقعد معاهم أشوف هيقول لبابا ايه حتى يمكن أدافع عن نفسي ولا حاجة"
ـــــــــــــــــــــــــــــــــــــــــــــــــــــــــــــــ
"عند محمد وأهله"
- لو تشوفيها يا إيمان ههههه وشها قلب دم حرفيا إما شافتني.
- دي بت كيوتة وعسل خالص والله.
- بس زعقتلي إني بسأل إنها مجتش يعني النهاردة وكدا.
- ليها حق تعمل كدا لإن إنت متقربلهاش أي حاجة عشان تسأل وكمان كلام الناس كتير ولو شافوك بتسأل عليها وكمان واقف عند شقتها هيطلعوا عليها سمعة وحشة.
- صدقي معاكي حق، المهم بقى النهاردة رايحين عندها، وأخيرا هتبقى حلالي.
- إنت قولتلها إنك جاي تتقدم وكدا؟
- لأ أنا قولتلها هقول لابوكِ كل أفعالك وهي دلوقتي هتموت من الخوف ومتعرفش إني جاي أتقدم.
- ههههههه يخرب عقلك، بس فكرة بردو بحيث تبقى مفاجأة جامدة هههه.
- ولا الإسدال اللي كانت لابساه ههه عسل عليها.
- طب يالا يابابا إنت كدا بتعاكس في صحبتي قدامي.
- أنا طالع أقول لماما وبابا عشان نتحرك على العشاء كدا.
- اشطا عقبال ما ألبس.
" طلعت وقولت لبابا وماما إننا هنتحرك العشاء وهم فرحوا ومش مصدقين إني خلاص هتجوز وكدا خصوصًا إني كنت رافض الجواز بس الحمدلله هخطب وهتجوز النهاردة وهجيب اللي مالية عينيا واللي هتكون حلالي، لبست بدلة سودة تحتها قميص أبيض وكنت فاتح الجاكت، وبنطلون اسود والساعة وبرفاني الخاص، إيمان اختي لبست فستان رقيق لونه أحمر بالطرحة بتاعته وجزمة سودا، والحاج لبس لبسه العادي والحاجة لبست العباية السمرا الجديدة اللي جبتهالها ههه، اتحركنا كلنا بعد ما صلينا العشاء ودعيت ربنا إنه يقر عيني بيها واتكلنا على الله وروحنا عندها"
ـــــــــــــــــــــــــــــــــــــــــــــــــــــــــــــــ
"عند إســــراء"
= بابا، في شخص كدا جاي يشكيلك مني ومعرفش على ايه.
- يشكي إزاي طيب هو في حد يشكي من القمر دي.
= لأ بس هو جاي بعد شوية، أنا داخلة ألبس وجاية هيكون وصل.
" دخلت لبست اللي قدامي، فستان لونه موف بالطرحة وجزمة كدهو كانت عندي، بس هو أنا ليه فرحانة إني هشوفه اكيد دا هطَل ههه، الباب خبط وبابا فتح وأنا كنت في أوضتي، بابا ندالي وطلعت لقيت صدمة، لقيته بطلته اللي تخطف قلب أي حد ولقيت إيمان والوالد والوالدة، وشي ضرب ألوان وطلعت قعدت معاهم بس هم كلهم جايين ليه"
- احم... أنا جاي أشكيلك ياعمي من بنت حضرتك.
بصوت يكاد أن يسمع= قبل مايشكي يابابا اسمعني، أنا معملتش حاجة وكمان كنت بكلمه بكل احترام ولا اتعديت عليه بكلامي ولا أي حاجة.
- كنت جاي ياعمي أشكي إن بنتك خطفت حاجة مش بتاعتها.
- خطفت؟ أنا بنتي تخطف؟ طب قبل ما تتكلم شوف هي بنت مين وتعالى.
- هي خطفت قلبي ياعمي، متتعصبش كدا ههههه.
- وقعت قلبي يابن الإيه هههه.
" أول ما سمعت الجملة دي روحت في عالم تاني، يعني هو طلع بيحبني؟ يعني ربنا هيقر عيني بيه! يعني ربنا جبر بخاطري! الحمدلله، صحيت من سرحاني على صوت إيمان وهي بتقول"
- أتمنى إنك توافقي على محمد يا إســــراء لإنه بيحبك جدا.
" كله بص عليا مستنين ردي وأنا في كامل فرحتي قولت بكسوف ظاهر على ملامحي جدا وارتباك باين في صوتي وفرحة باينة في عيني قولت مش موافقة؟؟؟؟؟
- ايه؟ إنتِ بتقولي ايه؟
= بقول مش موافقة.
- طب بصي يابنتي أنا مش هجبرك على حاجة بس فكري كويس عشان محمد شاريكِ.
= مين قال إني مش موافقة؟ أنا موافقة بس حبيت أوقع قلبه زي ماوقع قلبي أنا كمان هههه.
- لولولولولولي.
- لولولولولولولولولوي.
" ماما ومامته بدأوا يزغرطوا وأنا هو قعدنا في البلكونة وهم في الريسبشن اللي هو في وش البلكونة"
- ياااه أخيرًا هتبقي حلالي.
= هو إنت بتحبني!
- لأ إما نتجوز هقولك لكن دلوقتي مينفعش.
" ياسيدي ياسيدي ع الاحترام"
= بس إنت وقعت قلبي وكمان في لحظة بقيت خطيبتك وإيمان صحبتي أخت خطيبي.
- خطيبي طالعة عسل من بؤك.
بخجل= ط ط طب مش هو إنت مش لسة قايل إنك مش هتقول كلام رومانسي إلا لما أكون زوجتك، طب ليه بتقول دلوقتي.
- عشان المأذون قاعد برا مستني.
= ايه؟
-ايه، بحبك.

"تمسك بقلبي فإنه يُحبك"♥️
بقلم/ إســــراء بدوي"وَرد"

محتاجة رأيكم، طوّلته أهو عشان الناس متزعلش😂💖