اسكربتات

اسكربت⁴

=لا والنبي مش عايزة والنبي خلاص.
-يابت خلصي أم مني زهقت.
=أهو خلاص بس براحة أبوس إيدك يأم مني براحة.
-طيب يلا بس متكشيش.
بخوف=حاضر... حاضر أهو تعالي يماما إمسكيني.
-اللهم طولك يا روح... تعالي امسكي فيا ومتخافيش.
بخوف واضح=حاضر.
-يلا بسم الله... متكشيش عشان متوجعش.
=حاضر بس براحة والنبي.
ببكاء=أاااااااااااه.
ببكاء أكثر=حرام عليكوا اااااه.
-يابت اتكتمي لميتي علينا الناس، مجتش من حتة حقنة يعني.
-حصل خير يام محمد هي خلاص خدتها وهتبقي كويسة.
-ماشي يام مني عايزة حاجة؟
-عايزة سلامتك ويارب يتم شفاء إسراء علي خير.
-أمين يارب.
"طلعنا من بيت أم مني جارتنا، لقيت الناس اتلمت فعلا هههه"
-إمسحي دموعك دي هتجيبيلي جلطة.
=مسحتها أهو، دي كلها شورتك إنتي إن آخد حقنة.
-الحقنة مفعولها أسرع من الدوا اللي مش جايب نتيجة دا.
=طيب إما نشوف البرد دا هيروح ولا لأ.
"دخلنا البيت ومازلت بعيط أصل الحقنة تقيلة إهئ إهئ، شربت سوائل وكلت وشربت الدوا"
-بتصوتي من حتة حقنة.
=إنت مالك ملكش دعوة بيا.
-أومال أنا أعمل إيه دا دكتور فهمي بيرزع الحقنة ولا كإنه بيرزع السكينة وكمان محدش بيمسكني زيك يا خوافة.
=هههه ماشي.
-قفاكي ماله كدا وريني.
=ماما سكتي ابنك عايز يضربني.
-محصلش دانا بقولها قفاكي ماله كدا.
-مخلفة شوية هُبل في البيت يارب صبرني.
=هطلع في البلكونة أشم شوية هواء نقي هه.
"طلعت البلكونة لقيت شخص قدام بيتنا وعمال يضحك علي آخره، تقريبا جارنا،دا أحمد جاري، لفت انتباهي واللي استفزني أكتر إنه بص لفوق وضحكه زاد، شكله غاوي تهزيق"
=إنت يا جدع إنت عمال تضحك علي إيه ما تضحكني معاك.
-هههههههههههه.
=طيب ثواني خليك واقف هنزلك حالا.
"طبعا منزلتش ودخلت أجيب جردل مياه متلج وهدلقه عليه نيهاهاهاهاها"
=يا أخ بص لفوق كدا.
-فين.... أاااااه.
=فصلان ههههههه أي خدمة لو عايز تاني هجبلك.
-يابنت اللذين.
=حلوة أنا صح؟ عمال تبصلي وتضحك وكأني أراجوز قدام حضرتك، يلا من هنا مش ناقصة سدة نفس والله.
-حسابك معايا بعدين، كويس إن احنا جيران.
=طيب يلا من هنا بقي.
"حسيتني شخص قاسي، زعقتله ودلقت عليه مياه ساقعة في عز التلج وكمان قولتله يمشي من هنا، هو أنا قاسية ولا أفريقيا ههههه، طبعا الشاب دا جارنا وهو أكبر مني بسنة وهو عسول أوي وبحبه أوي بس أنا بحاول أغض بصري عنه علي قد ما أقدر"
=ماما أنا هروح أشكي لام أحمد جارتنا علي حاجة.
- هتشكي ليه هو حد عملك حاجة؟
=أيوا ابنها أحمد كان عمال يضحك عليا.
- طيب روحي وياريت تتكلمي معاها براحة ومتتعصبيش.
= إشطا ياسطا.
"روحت عند أم أحمد أشتكلها وخبطت علي الباب وأحمد ابنها هو اللي فتح"
=فين أم أحمد.
- عايزاها ليه.
=وإنت مالك أعوزها ولا مش أعوزها.
- حاضر هناديها أهو يام لسان متبري منك.
= نينيني.
"بعد دقيقتان"
- أيوا يا إسراء يا بنتي، تعالي ادخلي واقفة علي الباب ليه كدا.
بتلقيح= مش كل الناس أصيلة زيك يام أحمد.
- احم ماما أنا هدخل جوا لو عايزة حاجة نادي عليا.
- ماشي يابني.
=بصي بقي يا خالتي ام أحمد ابنك أحمد كان عمال يبصلي ويضحكلي وأنا أتجاهلته وهو زاد من ضحكه يرضيكي دا يام أحمد!.
-ميرضنيش طبعا...... يواد يا أحمد.
-أيوا يا ماما.
-إنت مزعل إسراء ليه.
-أنا مزعلتش حد.
-أومال هي جاية تشكي إزاي.
- اها عشان كدا، علي فكرة واحد وبيضحك هو الضحك ممنوع ولا حاجة؟
= لأ مش ممنوع بس ممنوع إنك تبصلي وتضحك علي أخرك، شايفني أراجوز يعني ولا إيه.
-أضحك مضحكش حاجة متخصكيش.
بصوت عالي نسبيا=لا تخصني لإنك بتضحك عليا أنا.
-واضحك عليكي ليه يعني.
=شوف إنت بقي بتضحك علي إيه.
-هههههههههههههه.
= يام أحمد سكتيه.
-هههههههههه إنت بتضحك علي إيه يا احمد.
-ماما واحدة في كلية تصوت وتخاف من حقنة ههههه.
بارتباك=أاصل أنا.... وبعدين إنت مالك أصلا أصوت ولا لأ.
- مالي في جيبي محتاجة.
=لا خليهولك ياخويا.
-أنا مش أخوكي.
- مش مكسوفين من نفسكم وانتوا بتتخانقوا؟ دانتوا غلبتوا الأطفال.
= أنا أسفة، أنا كنت جاية أشتكي وخلاص واخد حقي بس مخدتوش.
-حق مين يام حق انتي، يعني تدلقي عليا مياة متلجة ودا كله ومخدتيش حقك.
-علوا صوتكم الناس لسة ماسمعتش.
=خلاص يام أحمد خديلي حقي منه.
- إنتي طفلة علي فكرة، حق إيه دا كله عشان ضحكت عليكي؟ وجاية تتطالبي بحقك ولا كإني ضربتك برصاصة ههههه.
-ياولاد بس بقي دماغي صدعت منكم.
=أنا ماشية يام أحمد، لو عوزتي أي حاجة قوليلي، وبالله خديلي حقي.
-هههه مع السلامة يا حبيبة قلب ام أحمد، وحاضر هاخدلك حقك.
"مشيت وحسيتني طفلة أوي إزاي في واحدة كدا في جامعة وكبيرة والمفروض عاقلة بتعمل العمايل دي ههه يلا كله رايح، وصلت البيت"
=اممم إيه الريحة القمر دي.
- يلا عشان تاكلي.
=بتهزري يا ماما صح، إنتي مش ماما علي فكرة.
- مش ماما؟ ما تلمي نفسك ياختي.
=إنتي مش ماما، إنتي الشيف ماما هههه.
-بقي توقعي قلبي كدا، طب خدي بقي.
"قعدت تجري ورايا لحد ما تعبت ههه"
-الأكل هيبرد يابنت الذين.
=حاضر هغسل إيدي وجاية.
"خلصت أكل ولميت الأطباق وعملت الشاي وخدت كوبايتي ودخلت علي أوضتي، بدأت أفتكر كل كلمة قالها أحمد مش عارفة ليه"
=هووووب، دا بيقولي إنتي مش أختي.
عقلي=يمكن عشان مش بيطيقك.
قلبي=يمكن عشان بيحبك وعايزك مراته.
عقلي=لأ دا كان بيضحك عليكي بدل ما يقولك ألف سلامة.
قلبي=هيقولك ألف سلامة إزاي وانتوا مش ليكم كلام مع بعض أوي.
عقلي=دا بيكرهك.
قلبي= لا دا بيحبك
"قلبي وعقلي في صراع، افتكرت ضحكته وهو بيضحك، ضحكته بتخطف القلب يارب سامحني أنا بحاول أغض بصري بس مش عارفة، إما نقوم نشم شوية هوا من البلكونة، هوا باليل دا حكاية"
=قولني كلام أول مرة أقوله، مبقتش أنام الليل بطوله، أنا روحي فيه ومقدرش أخبي وهداري ليه قلت اللي في قلبي، عقلي مني طا.........
"طبعا لساني إتشل وأنا بغني لإن شوفت أحمد واقف في البلكونة وكان واقف يتفرج عليا، يلهوي علي وشي هو احمر كدا ليه، قلبي ماله عمال يدق، يأرض انشقي وابلعيني"
-مكنتش أعرف إن صوتك حلو كدا.
بخجل=شكرا دا من زوقك.
-طب بصي في وشي وانتي بتتكلمي.
=لأ شكرا أنا مش بعرف أتكلم وأنا ببص في عيون حد.
-عمري ما شوفت عنيكي بتبص علي عينيا.
=أنا بحاول علي قد ما أقدر أغض بصري، غض البصر دا فرض علينا زي الصلاة كدا بس للأسف محدش عارف.
-اللي يشوفك دلوقتي وإنتي بتتكلمي ميشوفكيش الصبح هههه.
=المعني؟
-المعني إن الصبح كنتي طفلة، كنتي بتتخاقي معايا علي مفيش، ودلوقتي واحدة عاقلة محترمة ناضجة بتكلمني، حسيتك دلوقتي إن انتي بت محترمة وكمان مؤدبة بتكافح عشان الجنة.
=شكرا.
- هو إنتي معندكيش إلا كلمة شكرا؟ هههه، أخلاقك بتعجبني أوي، متقوليش شكرا ههه.
=طب أنا هدخل عشان أنام، سلام.
-سلام.
-ياااه لو تحسي بقلبي يا إسراء، أنا بحب أجر شكلك عشان بحبك، بحبك أوي أنا أه معرف أمي بس إني بحبك من زمان وهي عارفة وكشفاني من ساعة ما كنا في ثانوي، ياااااه لو تحسي بيا، نفسي أشوف عنيكي وهي بتبصلي، عمر ما عنينا إتقابلت، عارفة يا إسراء أنا هفاتح أمي آجي أتقدم قبل ما تتاخدي مني وتروحي لحد تاني، عارفة ساعة ما عرفت إنك تعبانة كنت بموت والله وكنت بدعي ليل نهار ربنا يشفيكي كنت خايف عليكي أوي، تعرفي أنا عمري ما حبيت غيرك، أنا بحبك أووي، يااااه لو تبقي حلالي، أنا بس صابر لحد مأكون نفسي وكمان أشتري شقة بس خلاص الأسبوع الجاي هشتري الشقة وهاجي أتقدملك، بحبك من واحنا صغيرين، بحبك أوووي، ياااارب إجعلها من نصيبي.
"أنا طبعا بموت من العياط، كل كلمة قالها لمست قلبي، أنا أوضتي جمب البلكونة وكنت سامعاه، أنا بردو بحبه أوي، بحبه إما ينكشني ويحاربني، حبيته أوي، يارب إجعله زوج صالح ليا، صليت ونمت"