اسكربتات

اسكربت³

-يا آنسة... يا آنسة.
=قلب ال.. أصدي نعم عايز حاجة؟
-المفكرة دي وقعت منك.
=يادي النيلة وقعت إزاي دي، طيب هات شكرًا ليك.
-العفو دا وجبي.
"روحت البيت"
=أين أنتم يا قوم.
-يا أخرة صبري.
=شوفتِ يا ماما أخرة صبرك، ربنا رزقك ببنوتة عسل زيي.
-عسل؟ طيب ادخلي غيري هدومك وصلي واتغدي، قال عسل قال.
=طيب يا ست الكل إنتِ تؤمري.
"عملت زي ما ماما قالت بالحرف الواحد أصلي مطيعة هههه، خلصت وكلمت البت صحبتي"
=آلو معايا كلبة السكك؟
- هههه مقبولة.
=كنت هقولك إنّي ارتبطت.
- إيه؟ بتقولي إيه؟ إنتِ بتكدبي عليا صح؟
=زي مبقولك كدا يابنتي، ارتطبت.
-طيب تمام بعيدًا عن إني مش مصدقاكِ بس تمام.
=نفسي أعرف مين اللي اخترع مقولة الصديق وقت الضيق عشان أخنقه وأريح نفسي.
- هه طيب مين بقى تعيس الحظ؟
=مش عارفة.
-طيب بيته فين؟
=مش عارفة.
-طيب اسمه؟
=مش عارفة.
-طيب عمره؟
=بردو مش عارفة.
- شكلك ارتبطِ بالهوا صح؟ قولي متتكسفيش.
=اتريقي حلو.
- ربنا يهديكِ يا إسراء إقفلي السكة لأني مصدعة ومش فيقالك.
=لا مش هق تيييييييت.
=قفلت في وشي بنت اللذين.
= طيب هي مش مصدقاني ليه يارب، أنا عارفة إني بعبط في الكلام بس دي حقيقة والله، واه... مش دي اللي عندها صداع ومش فيقالي، دي أونلاين، مبدهاش بجي هاكلمها.
= سامو عليكو يا شبح.
=شوفي المسدج ومترديش، أنا عارفة إنك بتقولي عليا إني اتجننت أو اتعبطت بس دي حقيقة.
"وأخيرا ردت"
-إنتِ عبيطة يا بت إنتِ، ارتبطِ بواحد متعرفيهوش، ولا تعرفي اسمه حتى، هو إيه الجنان دا يارب.
=طب والله حصل.
-حصل إزاي؟
=النهادرة وأنا راجعة من الجامعة المفكرة بتاعتي وقعت مني فواحد مز وقمر وعسول وعنده عضلات وطويل وحاجة عسل كدا، راح ندالي وقالي يا آنسة اااااه يبت يامنى كلمة آنسة اللي طالعة منه، دوبت من كلمة آنسة اللي قالهالي، فقولتله شكرًا هاتها ذوق واحترام أنا صح، أنا طول عمري ذوق واحترام أصلًا(مغرورة أنا هه) وبعدين بقى ارتبطت بيه فاهماني؟
"دا كله يا جماعة في ريكورد بصوتي اللي عامل زي المحششين دا هه"
-......
=مش بتردي ليه.
- أيوا يا إسراء دي البت منى بنتي حبة عيني أغمي عليها مش عارفة مالها تعالي كدا شوفيها مالها.
=حاضر يا طنط جاية أهو

"البت شكلها جالها جالطة ولا إيه هههه"
=إيه السد اللي وقف قدامي دا.
- أنا سد، يا عامية إنتِ ماتفتّحي قدامك وإنتِ نازلة.
"رفعت راسي كدا أشوف مين اللي عايز يتعارك دا"
=يلهوي هو إنت؟
-إنتِ؟
=آه أنا العامية اللي كانت من شوية.
-آسف والله مكنتش أعرف إن إنتِ.
=ولا يهمك، بس إنت جيت العمارة هنا ليه؟
- أنا هسكن أنا وأسرتي الكريمة هنا ههه.
وشي احمر=تنوروا العمارة والله، طب معطلكش أنا بقى، ولو عايز أي مساعدة أنا تحت أمرك.
-تسلمي.
"يلهوي يا جماعة الواد اللي عطاني المفكرة هو نفسه اللي هيسكن معانا في العمارة، وكمان قدام شقتي لأنها الشقة الوحيدة اللي فاضية، يااه للدرجادي هبقى في وش ماما كدا إما أتجوز أنا وهو ياااه، نزلت شقة البت منى ولقيتها صحتها زي البومب"
= واه واه واه ما إنتِ حلوة أهو أومال طنط قالت إنك تعبانة ليه.
-دي مش طنط دي أنا.
-ادخل ياواد يا محمد هاتلي الحزام من جوا عشان أعلم إســراء الأدب.
بخوف مصطنع=إيه يا حودا يا حبيب قلبي، حزام إيه وبتاع إيه.
-خلاص إمشي إنت يا محمد أنا هتفاهم مع المجنونة دي.
=دا طلع هيسكن قصادي علفكرا.
-احكي كل حاجة وبالتفصيل.
=............... وبس يا ستي دي كلها الحكاية.
- صدقي إنك تافهة أوي، وبعد ما يسكن قصادك بقى.
=هحاول أخليه يحبني زي ماحبيته.
-......
=عارفة والله إنك مش هتقدري تصدقيني، بس والله حبيته من أول نظرة، أول واحد قلبي دقله، أول واحد أحس معاه بالأمان، لو مش عايزة تدعميني وتقفي جنبي عادي.
- أنا بصراحة مكنتش أعرف إن الحب كدا بس أنا حاسة بيكِ لأني بحط نفسي مكان الشخص اللي بيحكِ، بس عايزاكِ توعديني إنك متعمليش حاجة من غير ماتيجي تاخدي رأيي فيها لأني عارفة إنك متهورة.
=إشطا ياسطا.
-دلوقتي اطلعي نضفي الشقة اللي هيسكنوا فيها وياريت تسمعي كلامي من سكات.
=إشطا بس هو فوق.
- لسة نازل علفكرا وأنتِ بتتكلمي عن الحب ههه.
= أطلع أنا بقى أظبتهالهم.
"طلعت ونضفتها هي مليانة تراب، والتصميم زي شقتنا بالظبط، المهم قُلت لماما قالتلي إنها فخورة بيا إنّي هساعد الناس الجداد، خلصتها وفرشتها ولا كإنها شقة عروسة يا ناس ههه"
=كح كح كح.
- قولتلك البسي كمامة عشان التراب.
=ما إنتِ عارفة يا ست الكل بتخنق منها.
-خشي نامي عشان الصبح الجيران الجديدة جاية.
=إشطا يا جامد إنت.
"دخلت نمت كنت هموت من التعب"
*الصبح*
= ياناس، يا عالم مفيش حد ولا إيه.
"سمعت صوت ماما وأخواتي عند الجيران الجديدة شكلهم هيفطروا مع بعض هو إزاي تفوتني حاجة زى دي"
بمزح=آلو آلو حوّل حوّل إحنا هنفطر معاهم النهاردة.
- طيب البسي كدا واتشيكِ وروحي نيهاهاهاهاهاها.
=إشطا.
"لبست طقم هادي وعليه الطرحة وروحت هناك عندهم"
باستعباط=السلام عليكم إيه يا ماما إنتِ هنا وأنا بدور عليكِ!
-إحنا هنفطر مع أم محمود هنا.
بخفوت=محمود؟ دا اسمه محمود اسمه حلو بردو .
-أه اسمي حلو ههه.
=احم احم طط طيب إنتوا عملتوا الفطار ولا لأ.
-مستنيينك تصحي وتعملي.
"جريت على المطبخ بسرعة من الاحراج، وبدأت أعمل الأكل، بصراحة أمه طيوبة، معندوش إخوات بنات للأسف يلا عادي بقى"
=يادي النيلة هو الملح فوق خالص كدا ليه.
-حاسبيي.
=أاااه.
=مت صح أنا مت، يارب يارب دخلني الجنة.
-إنتِ مموتيش علفكرة.
فتحت عيني ببطء=إنت أنقذتني؟
- إيه ريحة الشياط دي.
=إنت مكلبش فيا كدا ليه يكونش عجبتك، نزلني.
-إحم إحم أه انزلي.
=البيض، أه ياوجع قلبي، اتفحمت كدا، اخص عليا ثواني واعملك تاني.
-هو إنتِ بتكلمي نفسك.
=احم.. لا.. اه... هو إيه اللي دخلك المطبخ؟
-دخلت أشرب.
=أه ماشي تمام، ممكن تجبلي الملح اللي فوق دا؟
-هههه ماشي.
"طب أعمل ايه بقى في ضحكته اللي تجنن دي"
=استناني برا على ما الفطار يجهز.
-ماشي، متأخريش عشان جعان.
"يا قلبي إنت جعان إنت تاخد معدتي هي أصلا شبعانة، المهم بقى عملتلهم فطار جامد يعني، وشكلته من جميع الأصناف"
-اممممم تسلم إيدك يا إسراء.
=الله يسلمك يا طنط.
-ههه بنتي بقى طالعة لامها.
"لو ماما مضافتش شوية شبحنة ودراما وأكشن تبقى مش ماما هههه"
-تسلم إيدك يا إسراء، حقيقي الأكل تحفة.
=إيه.. ها أه الله يسلمك.
-إلا قوليلي يا طنط أم إسراء مين نضف الشقة كدا.
-اللي نضف الشقة؟ أه معرفش يابني.
"ماما بقى ومنبهة عليها، طبعا بتسألوا نفسكم ليه، هقولكم كدا أنا معرفش أنا ليه أصلا منبهة على أمي، بس ممكن عشان مبانش رامية نفسي عليهم"
=الشقة؟ شقة مين شقتنا أه أنا نضفت شقتنا.
-أنا مش بتكلم على شقتكم، أنا بتكلم على شقتنا إحنا.
=شقتكم؟ مين اللي نضفها؟ يمكن الهوا شال التراب كله لوحده.
-هههه طب متلفيش وتدوري.
=ألف وأدور؟
-بصي بقى وقدامكم كلكم أنا بحب إسراء، آه بحبها من يوم ما وقعت منها المفكرة، حبيتها أوي وانجذبت ليها، قلبي دقلها، عرفت عنوانها من المفكرة بتاعتها، وكنت بدور على شقة أسكن فيها أنا وأمي، فكنت بدور علي شقة قريبة منها لحد ما لقيت الشقة دي وبجد حمدت ربنا على الشقة دي، وكمان شوفتك وأنتِ طالعة من شقتِ إمبارح وكنتِ تعبانة، دخلت أشوف الشقة لقيتها مترتبة حلو وجميلة جدًا، أنا بحبك يا إسراء وعايز أتجوزك، وأتمنى إنك توافقي تتجوزيني.
-يواد يا محمود يا شقي.
-بصراحة يابني أنا بحترمك جدًا، وبصراحة موافقة عليك.
-وافقي يا مرات ابني على ابني، عشان خاطري دا بيحبك.
=علفكرة بقى أنا........ أنا... أنا بحبك، وموافقة أكيد أتجوزك يعني محدش هيتجوزك غيري أنا فاهم ولا لأ.
-ماما اتصلي على المأذون.
-حاضر يا قلب أمك.
=إيه دا إنت بتتكلم بجد.
-أه بتكلم بجد والمأذون جاي حالًا.
=طب لولولولوي.
-حبيت مجنونة يا بشر.

"تمسك بقلبي فإنه يُحبك"♥
بقلم/ إســــراء بدوي"وَرد"