اسكربتات

اسكريبت ³⁶

=في وسط زحمة تفكيري والضغط اللي عليا من كل اللي حواليا لسة بفكر فيه بردو ومش عارفة أخرجه من تفكيري وبجد وحشني أوي.
- ياااه دا إنتِ بتموتي واحنا مش حاسين بيكِ بقى!
= فعلا الشوق قتال والله، مش عارفة أي حاجة عنه طيب تطمني قلبي؟!.
- هو راح الجيش من سنة تقريبًا والجيش بتاعه في سوهاج وهو قرّب يخلص.
ببكاء= يعني راح الجيش وأنا معرفش! ليه تخبي عني يا أسماء ليه دا أنا قلبي بقى يوجعني بسبب قلقي عليه.
- ما أنا لو قولتلك كنتِ هتتعبي أكتر وأنا عارفاكِ، وبجد آسفة إني خبيت عليكِ كل دا بس حالك دلوقتي بقى يصعب على الكافر بجد ههههه.
ببكاء أكثر= ماشي يا أسماء ماشي ما إنتِ عمرك ما هتحسي بيا، تخيلي بحلم بيه وأنا صاحية وأنا نايمة! بشوفه في أي حد عابر! ربنا يسامحك إنتِ وهو بقى.
- اهدي بقى عشان بيرن عليا أهو، نزل أجازة شكله.
بفرحة ممزوجة ببكاء= ط.ط. طب افتحي افتحي وافتحي الاسبيكر عشان صوته واحشني.
- طب اسكتي بقى...... ألو عامل ايه ياشيتوس!
_ الحمدلله وإنتِ عاملة ايه وأمك واخواتك!
- الحمدلله ياشيتوس تسلم، نزلت أجازة ولا ايه!
_ آه أنا في الطريق أهو، عامل مفاجأة لستي.
- توصل بالسلامة ياشيتوس.
_ الله يسلمك، بقولك.... احم... هي...
- سلام بقى عشان رايحة مشوار، هستناك عند ستي سلام.
_ وأنا مش قافل، هو مين اللي بيعيط ويشهق جمبك دا؟
- دي... دا التليفزيون هههه
_ ماشي ياختي سلام.
" من أول كلمة وأنا دموعي سيول مش قادرة أتخيل إنه صوته! أنا تعبت في بُعدك يابلال والله تعبت، أجيلكم للمهم، أنا طبعًا إســــراء بدوي ومعروفة بوَرد، قصتي بدإت من سنة وشهرين لما كان بلال متكلم عليا يحجزني وكدا بحكم إنه بيحبني من الطفولة وكدا فأبويا رفض لإنه لسة مش متعين في الحكومة فاتقدم واحد بعده لُقطة زي ما أهلي بيحبوا ووافقوا بس أنا رفضت وقعدت أعيطلهم وأصوت في المخدة كتير لحد ما نسبة الأكسجين قلت في دمي خالص ودخلت المستشفى ٥ شهور في غيبوبة طبعًا كنت تعبانة جدًا ونفسيتي تحت الصفر، فلاش باك"
- يادكتور المريضة فاقت من الغيبوبة.
- أخيرًا يا أستاذة إســــراء دا إنتِ غلبتينا خالص، ثواني أرن على أهلك أبلغهم.
= معلش لو سمحت هو الحجاب على راسي عشان مش قادرة أحرك ايدي أتأكد!
- اه متقلقيش حجابك كامل.
= طب تمام يادكتور اتصل على صاحبتي الأول وأنا هخليها تتصل بأهلي.
- تمام اللي إنتِ عايزاه.
بعيون مغرورقة- ايه يابنتي الغيبة دي دا أنا كنت هموت عليكِ.
= بعد الشر ياحبيبتي، بقولك! بلال فين دلوقتي؟ وايه اللي حصل بعد ما اترميت في المستشفى!
- بصي ياستي، العريس طلع تاجر مخدرات بس مش بيشرب بيبيع بس فاترفض، وأهلك تعبانين بعد ما إنتِ تعبتي وبيندموا على اللي عملوه معاكِ وبلال من ساعت ما عرف إنك هاتتخطبي لواحد غيره سافر ومحدش عارف راح فين.
= يلا خير، اتصلي على أهلي ييجوا ياخدوني.
- متيجي نعملهم مفاجأة ونروحلهم احنا.
= فكرة بردو هههه.
____________________________
باك"
= يارب لو ليا نصيب فيه عجّل بالأمر دا ولو مليش ابعده عشان أنا تعبت.
"ملحوظة: أسماء بنت عمته بس هم اخوات في الرضاعة وكدا، أسماء مشيت وراحت عند ستها وأنا قعدت أقرأ قرآن وهنام"
_____________________
- ايه ياعم الغيبة دي كلها، شهرين متجيش؟ أكيد عملت مصيبة في الجيش ومرضيوش ينزلوك الشهر اللي فات.
_ هههه أيوا عملت ياست، المحفظة وقعت في ايد سجين وخدها، المشكلة انه خد منها حاجة أهم من الفلوس وقعد يضحك وكدا فأنا خدتها منه وقعدت أضرب فيه ومحستش بنفسي غير وأنا في الحبس لمدة ٥ أيام ومخصوم مني الأجازة وبس كدا ههههه.
- ايه بقى الحاجة اللي السجين خدها.
_ صورة حد عزيز عليا.
- صورة إســــراء يا ستي ياروح قلبي ياللي واحشة أسماء خالص.
_ وإنتِ مالك يابومة إنتِ.
- تعالي يا أسماء رسيني على الحوار دا.
- ثواني ياست أهزئه....إنت مش عارف البت بعدك حصلها ايه؟ دي بتموت بالمعنى الحرفي وكل يومين تعمل جلسات أكسجين وخست النص ووشها اصفر ودا كله ولا إنت حاسس بيها! حرام عليك يا أخي.
_ أنا عارف كل دا ياحبيبتي وفري على نفسك الكلام.
- والله! على أساس دي حب عمرك! ايه البرود اللي فيك دا؟
_ برود برود ياستي ويلا غوري بقى عشان أنا جاي أقضي الأجازة عند ستي بعيد عن الدوشة.
ببكاء- ماشي، اتفو على شكلك ياللي مبتقدرش اللي بتحبك وبتموت عشانك! تخيل انها بتحلم بيك وهي صاحية! تخيل إنك عمرك ما طلعت من تفكيرها حتى في عز تعبها! تخيل كل يوم تطلع على السطح وتحكيله عنك وتقوله لو شوفته يبقى قوله إســــراء تعبانة من غيرك ومحتاجالك.
_ وتعمل دا كله ليه يعني دي المفروض دي جوازة صالونات يعني مش عارفين بعض.
- مانا عارفة انها صالونات بس هي أول ما شافتك وإنت بتتقدملها قلبها متعلق بيك، أنا جاية أقولك إن لو بتحبها بجد هي محتاجاك الفترة دي أكتر من أي فترة، يلا سلام يابن خالي المحترم.
- ايه كل الكلام دا يا بلال، احكيلي ورسيني يابني أنا ستك يعني.
_ مفيش ياست دي واحدة اتقدمتلها وأهلها رفضوني وأنا سافرت شهر وبعدين قدمت على الجيش وبس.
- بس عيونك بتقول حاجات كتير غير اللي بتقوله.
_ مفيش ياستي، عملتي أكل ولا لأ عشان ساقط جوع.
- عاملة أكل وبعد كدا متجيش الا لما تقولي عشان ممكن ماكونش طابخة.
_ تمام ياقلبي من جوا.
$$$$$$$$$$$$$$$$$$$$$$$$$$$
- عاملة ايه يا إســــراء دلوقتي.
= الحمدلله ياماما، الهوا حلو في البلكونة قولت إما أقعد شوية.
- فعلا حلو، بقولك ايه متيجي نتسوق بكرا عشان نفك شوية، نجيب لبس وخضار وديكورات جديدة.
= أوكاي ياحبيبتي ربنا يخليكِ ليا يارب.
- ويخليكِ ليا ياغالية، عاملة ايه في آخر سنة في الكُلية.
= الحمدلله ناوية على امتياز بقى عشان أعرف أتخرج هههه ادعيلي بقى.
- كل دعائي ليكِ ياورد وربنا يستجيب ان شاءالله.
= حبيبي والله ياناس، تعالي بقى أعملك كوباية شاي بنعناع مع الكحك والبسكوت بتكون جامدة.
- اشطا هههه.
____________________________
-بتعيطي ليه يا أسماء.
بكذب- مفيش ياماما، كنت عند ستي ولقيت بلال وقال انه اتحبس ٥ ايام وكدا فزعلت عشانه.
- ربنا يخلصه من الجيش دا بقى.
- يااارب عشان نجوزه ونرتاح بقى هههه.
- ياختي دا من ساعت ما اترفض من واحدة كان بيحبها وهو رافض الجواز وكاره صنف البنات دا خالص.
- ياماما البت دي أهلها اللي رفضوه مش هي.
- ياختي ربنا يجوزه واحدة تستاهله بقى، وإنتِ هتعملي ايه في حوار العريس اللي متقدم دا.
- بعدين ياماما هفكر، اما أخلص السنة دي.
- يارب تتخرجي بقى عايزة أفرح بيكِ هههه.
__________________________
= ألو يا أسماء، تعالي معانا بكرا هنتسوق أنا وماما.
- ياجامد إنت، هاجي إن شاء الله لا تقلقي هههه
= اما نشوف هههه، بقولك، روحتي عند ستك؟
بكذب- أه بس بلال مكنش لسة وصل، بقولك ايه يا إســــراء متفكك منه وهجيبلك عريس عسل عسل بجد أحسن منه بكتير.
= هههه إنتِ عبيطة؟
- بتكلم بجد، يعني تخيلي مثلا مثلا إن بلال يكون نسيكِ مثلا أو كرهك بعد اللي حصل؟
= فعلا معاكِ حق، أنا خلاص هعمل موڤ أون منه ولو خير ربنا هيجعله من نصيبي ولو شر هيبعده عني.
- اشطا وأكيد ربنا هيديكِ إشارة لدا، المهم هنروح نتسوق امتى.
= بكرا على العصر كدا بس اوعي تتأخري.
- عيب عليكِ الكالون في السيفون بقولك.
= هههههه ماشي.
_________________________
_ألو ياخويا عامل ايه!
- ألو ياصاحبي، عامل ايه دلوقتي!
_ الحمدلله بخير.
- إنت فيك حاجة؟ صوتك غريب.
_ كنت بعيط من شوية كدا.
- ليه بس كدا.
_ تعبت من المكابرة بتاعتي دي، تعبت من تمثيل دور اللي مش همه حاجة وهو همه كل حاجة، تعبت ياصاحبي وحاسس إني عاجز.
- طب احكيلي ايه اللي حصل تاني!
_ تعبانة جدًا من بُعدي وحالتها اتدهورت خالص وأنا بموت بس محدش داري بالنار اللي جوايا.
- طب ما تكلم أبوها تاني وتالت ومتتخلاش عنها دي عمرك ولو جرالها حاجة الندم هيموتك... عيّط وطلع اللي جواك، الحب مش سهل زي ما الناس فاكرة دا حرب فعلا، الإنسان يإما يفوز أو يخسر، المهم ياصاحبي من بكرا تكلم أبوها وشيل كبرياءك على جمب بقى كفاية البت هتموت منك.
_ ماشي ياصاحبي تسلم.
- هسيبك بقى عشان أجهز عشان أروح لخطيبتي.
_ ربنا يسهلك هههه.
- الدور والباقي عليك، اتلحلح وإنت هتفوز زيي كدا.
_ تمام ياغالي، روح لخطيبتك بقى.
___________________________
- جيت في معادي أهو هههه.
= ١٠ يهودي هيموتوا ان شاءالله ههههه.
- يلا يا ماما المحروسة جت.
- يلا يابناتي عشان نلحق المترو.
" ركبنا مواصلة وبعدها المترو وهننزل محطة فيصل نجيب منها الحاجة اللي عايزنها"
= يلا عشان العربية هتمشي.
- ياااختاااي دا مفيش الا عربية الرجالة.
= اركبي يابت احنا ب ١٠٠ راجل هههه
" ركبنا، مش زحمة خالص وماما قعدت على بنج لوحدها واحنا بنحب نقف فوقفنا كان في البنج اللي قدامنا رجالة قاعدة وواحد واقف مدينا ضهره كدا فكان ورايا يعتبر بس طبعا في مسافة واسعة ما بينا"
- امسكي جامد عشان هيتحرك.
= أهو ههه يارب ما أقعش بقى هههه.
" بخلص الجملة وعينكم ماتشوف الا النور وقعت على الشاب اللي واقف والشاب دا مسكني قبل ما أقع على الأرض فكانت حركة في منتهى الرومانسية ههههه وأنا هموت حرفيا من الكسوف"
- حاسبي يا ورد، اقعدي بقى عشان متقعيش تاني.
= صدقيني همسك حلو.
- طب امسكي حلو، أنا خايفة المرة الجاية نجيبك من حضن الراجل مش من ايده ههههه.
= وطي صوتك يخربيتك.
" ببص ورايا لقيت الشاب دا باصص على ملامحي من تحت كاب ففثانية لف وشه تاني، فكيتني منه ونزلنا فيصل، اشترينا فازات وديكورات لأوضتي وللبلكونة ولبس كتييير وركبنا المترو بسرعة وروحنا"
= ما تباتي معايا النهاردة.
- إنتِ عبيطة ولا ايه إنتِ بتعزمي عليا؟ ههه.
= وقعتِ قلبي، اشطا بقى وهنخربها.
- الأول نقيس اللبس، موديلات العيد تقرف خالص.
= فعلا احنا لقينا لبس حلو بصعوبة، عقبال ما تقيسي في اوضتك هروح أعلق الديكورات دي في اوضتي.
- اشطا يازميل.
" أسماء ليها أوضة عندنا وأنا بحكم ان اخواتي الصبيان صغيرين وكدا وبابا مسافر وبييجي في السنة شهر ويمشي، المهم علقت الديكورات وحرفيا تحفة أوي وقيست الدريسات وطلعت صاروخ ههه، وعملنا فشار وقعدنا في البلكونة أنا وأمي وأسماء"
= تعالوا نلعب صراحة!
- يلا هههه.
- فهموني بقى اللعبة دي.
= هنلف الازازة دي واللي هييجي عليه الغطا هو اللي هيسأل اللي قدامه.
" لعبنا وقعدنا نضحك كتييير وكل واحد راح أوضته ينام"
__________________________
_ اذيك ياعمي عامل ايه!
- إنت؟
_ آه أنا، بكلمك فيديو كول عشان أطلب ايد إســــراء منك للمرة الخامسة.
- انت مبتزهقش ياعم! مش موافق يلا اقفل الكول بقى.
_ ياعمي أرجوك متخذلنيش كدا هو أنا وِحش للدرجادي؟، أنا مش واحد صايع ولا بيشرب مخدرات ولا حتى سجاير، أنا أخلاقي الحمدلله كويسة وملتزم وبصلي وأصوم ومحترم ومفيش حد في حياتي غير بنتك، وشاريها في الحلال، والنبي عليه افضل الصلاة والسلام قال"اذا جاءكم من ترضوه دينه وخلقه فزوجوه".
- إنت عامل زي اللبانة ولازق في بنتي ليه مش عارف.
_ بحبها ياعمي وشاريها ودخلت الجيش عشان أتوظف وترضى بيا مش عشان حاجة تاني والله.
- ماشي ياعم أنا أول مرة أرتحالك كدا من ساعت ماعرفتك هههه أنا موافق ياسيدي بس عارف لو زعلتها ولا حاجة هاجي أخلع عينك من مكانها.
_ هييييه هيييه أبدا والله ياعمي مش هزعلها أبدا.
- ارقص ارقص هههه مانت عامل زي اللبانة بقولك هههه.
_ طب حضرتك هتنزل امتى مصر ياعمي.
- بعد شهرين كدا.
_ أكون خلصت الخدمة وقدمت على وظيفة، تمام ياعمي شكرا ليك والهي ربنا يدخلك الجنة يارب.
- ههههه سلام.
___________________________
_ ألو يازفتة.
- عايز ايه.
بمزح_أنا كلمت أبوها ورفضني تاني، في الآخر بتقولي إني بارد.
- بجد؟ رفضك تاني؟
بكتم الضحكة_ اه يلا خيرها في غيرها بقى.
- أصلا أنا نسّيتها اسمك خلال اسبوع واحد فربنا يوفقك بقى ببنت الحلال.
بحزن_ احسن بردو انها نسيتني، سلام عشان ماشي على الجيش.
- نينيني.
" أنا كبلال عايز حكاية الخطوبة دي مفاجأة للكل عشان الفرحة تكون كبيرة، هروح الجيش وأقضي الاجازة في فندق جمب الجيش وأقضي الشهر دا على خير وأقدم على وظيقة كويسة ويكون أبوها جه، حرفيا الوقت دا هيعدي بصعوبة جدا عليا عشان الشوق بياكلني من دلوقتي، رايح الجيش هطمن صاحبي حمزة اللي هيشتغل دكتور نفساني بعد الجيش"
___________________________
بعد مرور شهرين أسماء نسّت إســــراء بلال حرفيا بس إســــراء منسيتش أوي أوي يعني، بلال اتقدم على وظيفة كويسة في شركة واشتغل مهندس ديكور، أبو إســــراء نزل مصر النهاردة وبلال هيجيب عيلته عشان يتقدم لإسراء وهتكون مفاجأة للجميع.
_ امشوا عشان هتأخر على خطيبتي.
- طب هي مين دي يابني.
_ مش كنتوا عايزيني أتجوز! فهاتجوزلكم أهو يالا بقى.
- يلا على البركة.
__________________________
= يعني أجهز عشان صاحبك جاي يتقدم؟
- أه وبسرعة.
= تمام مش هزعلك وهقعد معاه بس لو معجبنيش ميلزمنيش.
- اتفقنا.
- ياعمي طيب سيبهالي أنا وأنا هجهزها.
" أسماء وقفت معايا في لف الخمار ولبستني هيلز إلى حد ما أرضي وحطيتلي روچ بس وهي لبست دريس عادي وطرحة"
- هاتي حضن يابت دا إحنا هُرمنا عشان اللحظة دي.
بدموع= حبيب قلبي الصدوق بحبك.
- باباكِ دخّل العريس وأهله، يلا دخلي العصير واقعدي وشوفي يمكن دا نصيبك.
= اشطا ادعيلي بقى عشان خايفة.
- هدعيلك ايه أنت هقعد معاكوا هههه.
= رخمة ههههه.
" خدت العصير ودخلته عندهم وياختااااااااي لقيته هو اللي قاعد فإيدي سابت والعصير كان هيقع من الخضة بس بابا لحقني على آخر لحظة"
= يلهوي يابابا دا هو... هو بلال.
- ههههه دا انتوا الاتنين واقعين بقى هههه.
= احم السلام عليكم جميعا وبعتذر.
_طب ياعمي ها! موافقين عليا؟
- طب مانا قايلك إني موافق، رأيك ايه ياورد؟
= موافقة يابابا.
- ايدا هو دا الواد بلّة ابن خالي؟
_ اه ههههه
- لولولولولولولولولي، الفتحة بقى ياجدعان.
_ بعتذر ياعمي محتاج أقعد مع إســــراء خمسة بس.
- اما نشوف اخرتها معاك، يلاا ياجماعة تعالوا نتفرج على الماتش في الصالة.
_ احم.... عاملة ايه؟
= الحمدلله وإنت عامل ايه.
_ كنت متدمر من غيرك خالص بس الحمدلله بخير دلوقتي بيكِ.
=بس مفاجأة فظيعة دي.
_ مش زي مفاجأتك ليا في المترو.
= ايه؟
_ أنا اللي مسكتك قبل ما توقعي في المترو وشوفتك وقلبي مقدرش يكابر بعد كدا.
= هههه دا العيد الكبير السنادي بقى عيدين بقى هههه.
_ طب أنا عايز أقولك حاجة للضحكة الحلوة دي.
= ايه!
_لو مال قلبي عن هواك نزعتُهُ
وشريتُ قلبًا في هواكَ يذُوبُ
لكنّ لي قلبًا تمَلّكَه الهوىٰ
مَن قال أنِّي عن هواكَ أتوبُ؟......بحبك يا وردتي🤎

"تمسّــك بقلـبي فإنـه يُحبـك♡゙."
بقلم/إســــراء بدوي|وَرد.