اسكربتات

اسكربت⁶

= الحقني يا محمد دول هيجوزوني غصب عني.
بعصبية مصطنعة- غصب عنك كيف يعني، يعملوها إكده ويجربوا نفسهم.
= بيقولوا إني هتجوزه سواء برضاي أو غصب عني.
- بقولك إيه اهربِ وتعالِ عيشِ معايا.
= أهرب كيف يا محمد إنت عبيط صوح.
-لأ مش عبيط يا إســراء، خلاص أنا هخطفك.
= طيب سلام بقي شكلك إكده اتجننت.
"قفلت في وشه السكة، مستغربين الكلام صح، أنا إســراء من الصعيد، جدي وأهلي مصرّين إني أتجوز ابن عمي وأنا مش بحبه خالص، أنا معجبة بمحمد صاحب يوسف ابن عمي وعايزاه هو"
-بتتكلمي مين عاد.
=ها... مبتكلمش.
- أومال المخروب في يدك كيف.
= مسكاه عادي.
- طب چهزي نفسك عشان هتلبسي الشكبة في الليل.
=مش هتچوزه ياما، أنا مش بحبه.
بعصبية- حبك برص، هتتچوزيه يعني هتتچوزيه، كلمة جدك متتكسرش عشان واحدة شبهك.
ببكاء= حرااام، بكرهكم كلكم.
- بتكرهي مين يابنت ال....
= آآه بتضربيني بالكف ياما، حسبي الله ونعم الوكيل فيكم كلكم.
- أنا هطلع من الأوضة عشان مافقدش عقلي واقتلك، جهزي نفسك لبليل.
ببكاء= يارب يا إما ترحمني لتاخدني عندك.
"في المندرة"
-ياجدي طالما مش رايداني خلاص.
-اكتم خالص يا يوسف، هتتچوزها برضاها أو غصب عنها.
-يا چدي دي مش طايجاني ولا بتحبني كيف هنعيش مع بعض احنا.
-إنت بتحبها؟.
- ياجدي متغصبهاش علي حاجة هي مش عايزاها.
- جاوبني علي سؤالي، بتحبها؟
- هتفرج إيه يعني.
-هتفرج كتير، جاوب بس.
-ياجدي يجي فكك، أنا طالع أوضتي لو عايز حاجة نادي عليا.
- ماشي اطلع فوج ريح شوية عشان تفوج لبليل.
- بردك يا جدي مصرّ هي مش رايداني يبقى خلاص أنا كمان مش رايدها.
- عينيك بتقول عكس إكده ليه يايوسف.
بتوهان=ها... عينيا بتوجعني، هطلع أريّح شوية هههه.
"على السلم"
= أاه، إنت أعمى ولا إيه، متشوف قدامك وإنت ماشي.
-......
=سايبني وماشي ليه، القطة كلت لسانك ولا إيه.
" رجع خطوات للوراء لتتقابل الأعين"
- أنا مشيت علشان لو فضلت مكاني هعمل حاجة مش هتعجبك.
بشجاعة مزيفة=هتعمل إيه يعني وريني إكده هتعمل إيه.
- خليها بعدين.
"يوسف طلع يستريح شوية فوق وإسراء راحت تجهز نفسها خلاص استسلمت لقدرها"
'بالليل'
-يلا يا عريس لبّس الشبكة.
- معلش يا جدي مش هقدر ألبسها الشبكة.
- وه اللي هو كيف يعني.
- ياجدي هي دلوق مش مراتي ولا تحللي ومينفعش ألمس يدها ولا حتى ضفرها إلا لما نتجوز.
إسراء في نفسها= طلعت محترم يا يوسف وأخلاقك عالية، أومال محمد كان بيقولي تعالي عيشي معايا أبصر كان هيعمل إيه فيا، شكله كان بيضحك عليا بكلمتين، لحد الآن بيقولي بحبك ولا اتقدم ليا ولا حتى حجزني ليه، شكله مكنش بيحبني.
-احم.. إسراء.... إنتي فين سرحتي ليه.
= ها..... لأ مسرحتش ولا حاجة.
- طيب خلي أمي تلبسك الشبكة عشان أ....
= وه تعالي يا مرات عمي لبسيني الشبكة عاد.
- حاضر يا مخبولة ههههه.
"أم يوسف لبستها الشبكة وارتفع صوت الزغاريط في البيت"
-أنا هطلع مع صحابي في الچنينة يا چدي.
- طيب ياولدي.
- افرحي يابنت ابني الغالي.
=حبيبي يا چدي.
" وبعد وقت من الرقص والمرح مع بنات العائلة إذا بإسراء تبحث بعينها على شخص ما، تبدو وكأنها منتظرة هذا الشخص منذ وقت"
- بتدوري على مين يا مرات ابني ههه.
- ها.... مش بدور يا مرات عمي يا حبيبة قلبي إنتِ.
= طالما بتقولي إكده تبقي عايزة خدمة هههه عارفاكِ.
=المرادي مش عايزة خدمة المرادي عايزاكِ تتحدتي عن ابنك شوي علشان بصراحة عايزة أعرفه أكتر وإكده.
- هههههه يا شقية.
= وه متكسفنيش بقى يا مرات عمي.
- هههه، يوسف ابني يابنتي شخص هادي بيحب الاعتماد علي نفسه، شايل المسئولية من وهو صغير، بيصلي الحمدلله وملتزم، مصاحب ناس كويسين مش مصاحب ناس صيّع وبيشربوا، يوسف ابني بيحب واحدة بس للأسف..
بغيرة= بيحب واحدة كيف يعني، وللأسف إيه.
بكتمان ضحك- هو بيحب واحدة جميلة أوي كان عايز يتجوزها بس هي مرضيتش.
=وه يعني هو كان خاطب ولا إيه عاد.
-هو كان عايز يخطب ويتجوز مرة واحدة بس هي مرضيتش.
بغيرة واضحة= طيب يامرات عمي أنا طالعة فوق لو عايزة حاجة نادي عليا.
'في غرفة إسراء'
بعصبية= يعني هو بيحب واحدة وكمان كان هيتجوزها وهي مرضيتش، طب وأنا مالي أنا أصلا مش بحبه، بس محمد يادي النيلة إما أتصل عليه اكده.
= آلو.
- عايزة إيه، فكك مني بقي مش خلاص لبستِ الشبكة وقرئتوا الفتحة وهتتجوزوا، بتتصلي عليا ليه، كنت عايز آخد منك اللي عاوزه وأكسب الرهان بس للأسف خسرته وهدفع ألف چنية ودا كله علشان واحدة شبهك، منكرش إنك جميلة وبيضة وجسمك مشدود وحلوة وعجبتيني بس للأسف خسرت الرهان بسببك، غوري من وشي وانسي إن أنا موجود في الدنيا.
ببكاء حاد= ياحقير يا ندل، بكرهك ولو تراجع حساباتك إكده مش هتلاقيني قولتلك قبل سابق إن بحبك بالعكس وأكملت بشجاعةواضحة= دا أنا كنت بتسلى، لو يوسف عرف حكايتك دي هيدفنك حي، فأحسن لك تيجي دلوق عندنا وتقعد شوي وتمشي عشان محدش يحس بحاجة.
بخوف- طيب هاجي خمسة وهمشي علي طول.
=بالسلامة يا واطي.
" إسراء انهارت من البكاء، ربنا سترها معاها ومسمعتش كلام الزفت دا الحمدلله"
- مين.
= أنا يا يوسف افتحلي.
- عايزة ايه، وماله وشك اكده حد عملك حاجة ولا إيه، لو حد مس شعراية منك هقتله.
إسراء في نفسها= ياااه دانت ملهوف عليا وخايف عليا، أومال محمد اللي كان...
- طيب تعالي في الچنينة عشان مينفعش تدخلي أوضتي ومينفعش نقعد لوحدنا.
= طيب تمام.
-امسحي دموعك عشان خاطري، دموعك دي غالية عندي ومش عايزها تنزل بعد إكده.
=حاضر.
إسراء في نفسها يااااه للدرجادي أنا مهمة بالنسبالك يا يوسف، للدرجادي إنت شخص حنين، مكنتش عارفاك يا يوسف كويس، عارف لو كنت عارفاك كنت هتهوّن عليا الدنيا دي وكمان كنت حبيتك ومستنزفش مشاعري لواحد كان بيتسلى بيا، إنت شخص محترم ومؤدب وكمان بتصون اللي بتحبه مش زي المحروق التاني، الحمدلله أنا مكنتش بحبه "
- وادي وصلنا الچنينة يلا قوليلي بقي بتعيطي ليه.
= يوسف أنا آسفة على الكلام اللي هقولوا بس عايزاك تساعدني.
- خير... قلقتيني.
= كل الحكاية وما فيها............................ وبس وعايزاك تسامحني وكمان تساعدني.
- يعني ابن ال** كان عايز....، دا أنا إن ما قتلته يبقي مش يوسف.
= يوسف إهدى واحمد ربنا إن أنا مسمعتش كلامه والحمدلله محبتوش أنا أه اتعلقت بيه شوية بس مش معنى كدا إن حبيته، بص ياسيدي هنحط خطة مع بعض ألا وهي......................
- بس.
= مبسش يايوسف خطة مناسبة وكمان مفيهاش قتل ولا حاجة.
بحزن- طيب يا إسراء.
= مالك زعلت إكده.
-....
بغيرة واضحة= ألا قولي يا يوسف إنت بتحب واحدة وكنت رايد تتجوزها على طول بس هي موافقتش؟
- لأ محصلش.
= أومال مرات عمي قالت إكده ليه.
بتفكير ليأخذ مايريدها نطقه- معرفش، ياااه افتكرت الحكاية دي كانت من ساعة متخرجت من الجامعة بس للأسف عروستي موافقتش أقصد البنت.
بغيرة أشد= لا والنبي قول عروستك، ولا أقولك قولها يا مرتي أحسن.
- ههههههههه.
= وبعدين بقي في ضحكتك دي.
- ههههه مالها.
= يوسف متضحكش لو سمحت.
- حاصر.
= هو إنت بتضحك على إيه صحيح!
- على البنت اللي كانت هتبقي عروستي أقصد مرتي... أقصد إنتِ.... أقصد البنت.
بتفحص=ومالك اتلجلجت إكده.
- إسراء ممكن متبصيش في عيني.
=ههههههههههه.
- ولا تضحكي.
=أنا مش هعمل حاجة خالص، أنا قايمة وأكملت= الزفت جاي بعد شوي الخطة متبوظش ياسيادة المستشار يوسف.
بمرح- حاضر يافندم.
= ههههههه.
- متضحكيش.
بحزن= حاضر.
"عدى وقت ليس بكثير وجاء ذلك المدعو محمد"
- أهلا أهلا يابو حميد.
- حبيبي عامل ايه يابطل.
- الحمدلله بخير.
- الحمدلله.
يوسف يريد أن يوقع محمد في الكلام - ألا قولي يا محمد كنت بتتسلى ببنات زيي ولا إيه، بصراحة أنا كنت بتسلى ببنات كتير.
- مش أكتر مني ياعم، أنا اتسليت وراهنت على بنات يلهوي عليهم يايوسف بنات مكنة وآخر واحدة بقي كانت فرسة لكن معرفتش آخد منها حاچة البت ابن عمها خطبها بس عادي متفرقش معايا هتسلى بغيرها تاني وتالت ورابع.
بعصبية ليست ظاهرة- يا عم هو في حد قدك.
- هههههه.
- خد اشرب الشاي.
- حبيبي طول عمرك أصيل.
- طيب قولي اسم البت الأخيرة دي يمكن أعرف معاها أنا.
بخوف- هتحاول معاها إزاي.
- كدا أهو.
" وبدأ يوسف يتشاجر مع محمد حتى كاد محمد أن يمت، نزف محمد كثير وأصبحت ملابسه عبارة عن لون أحمر"
- بتتسلى ببنت عمي يابن***
- آسف والله مش هعمل كدا تاني.
- آسفك مش مقبول، رجالة خدوه علي المخزن ظبطوه.
-أمرك يا بيه.
" كل دا وإسراء شايفة المنظر قدامها وفرحت جدا وحست إن يوسف سند عمره ما يميل، أما يوسف فطلع يستريح شوية ويلبس هدوم نضيفة بدل اللي مليانة دم دي"
= يوسف، افتح أنا إسراء.
بنوم- اممم، عايزة إيه.
= طب افتح الباب طيب.
-ها عايزة إيه.
= فاضي ولا.
- لو مش فاضي أفضالك.
= تسلملى.
- كنتِ عايزة إيه بقى.
= كنت هقولك إن أنا حبيت بجد.
بغيرة- حبيتي مين ياختي.
= حبيت شخص غيور، شخص تحس معاه بالأمان، شخص يخليك تحبه، شخص يخليك تحب الحياة.
باشمئزاز- جتكم البلا انتوا الاتنين، لاحظي إن أنا خطيبك وبإذن الله هبقى جوزك وإياك أسمعك تقولي حبيت حد ولا نيلة
= هههههه حاضر، ادخل كمل نومك.
"خلال وقت قصير عرفت يوسف وكمان حبيته جدا، حبيت غيرته، اهتمامه بيا، خوفه عليا، حبيت كل تفاصيله حرفيا، اتعلقت بيه بجد وحبيته، خدنا على بعض أكتر وعرفنا بعض أكتر"
= يوسف هو بجد الكلام اللي بيقولوا جدي صوح.
- أه بيقول الاسبوع الجاي هنتجوز، ياااه على جمال جدي ودلال جدي، جدي دا عسل أوي.
= يوسف اتلم.
- حاضر، هانت كلها أسبوع.
= يوساااف.
- خلاص والله هسكت أهو.
" قلبي عمال يدق من دلوقتي، يارب استرها معايا"

'عدى الأسبوع'
- افرحي يا عروسة، أنا العريس، مش عايز كسوف مني، متخجليش مني عاد يا إسراء يا آسرة قلبي الضعيف الذي لا يتحمل.
= حاضر مش هخجل منك.
- بحبك أيوا بحبك ومن زمااان والبنت اللي حكتها ليك هو أنتِ، إنتِ مكنتيش قابلاني في الأول ولا كنتي عارفة إن ليكِ ابن عم اسمه يوسف هههه، بصراحة كنت عايز نتجوز على طول بس جدي مرضيش، فاكرة ساعة ماقولتي وريني كدا هتعمل إيه كنت هعمل حاجة أندم عليها بعدين ههه، بحبك وخلاص حلمي اتحقق إنك بقيتي ملكي، بحبك وعايزك تحبيني.
بخجل واضح= مكنتش أتخيل إني أحبك في يوم، حبيتك وحبيت احترامك والتزامك في الصلاة، حبيت فيك كل تفصيلة، عارف ساعت ما قولتلك متضحكش مكنتش عايزاك تضحك وتخطف قلبي على طول، وكمان أنا محبتش غيرك، حبيت غيرتك عليا و...
بترقب- وإيه تاني.
= خلاص والله أنا بحبك بس.
- هههههه.
= مش هتزعلني في يوم صح.
- لو زعلتك يبقى مضغوط فتستحمليني، بس أنا عمري ماهزعلك لإنك كنتِ حلم بالنسبالي وكنت بدعي في كل سجدة إنك تكونِ من نصيبي والحمدلله ربنا استجاب، أوعدك هنعيش مع بعض حياة جميلة وهنعيش مع بعض في نبات ونبات ونخلف داستة صبيان ودستة بنات ههههه.
بخجل= يوسف بطل بقي.
- ههههه حاضر.

"تمسك بقلبي فانه يُحبك" ♥️
#إســــراء_بــدوي"وَرد"