*ကိုကို့ ရင်ဘတ်မှာ အမွှေးတွေအများကြီးပဲ သိလား ယွီပင်း*
*သိရအောင် ငါကရှောင်းကျန့်ကောနဲ့ အတူတူအိပ်လို့လား*
ယွီပင်းက ခပ်ချဉ်ချဉ် ပြန်ဖြေပေမယ့် အူမြူးနေသည့် ရိပေါ်အတွတ်ကတော့ အပြစ်လို့ကို မမြင်ပါလေ။ video callပြောနေလို့သာ ယွီပင်းက မရိုက်တာ။ မဟုတ်လျှင် ဝမ်ရိပေါ် ခေါင်းကို နှစ်ချက်လောက် တီးပေးလိုက်ချင်သည်။
တော်တော် စောက်ကြွားသန်တဲ့ကောင်။ ကျောင်းမှာလဲ ရှောင်းကျန့်ကော၏ ခန္ဓာကိုယ်အကြောင်း ရေပက်မဝင်အောင် ကြွားသွားသည်။ ဒါတောင် အားမရလို့ ဖုန်းဆက်လှမ်းကြွားတဲ့ကောင်။
*ညကကွာ ကိုကိုက ဂိမ်းဆော့မယ်လုပ်တော့ ငါကစိတ်ဆိုးပြီး အိပ်ယာထဲဝင်သွားတာလေ မင်းကို ကျောင်းမှာ ငါပြောခဲ့တာလေ သိတယ်မလား။ ကိုကိုက ငါစိတ်ဆိုးမှာ ကြောက်နေတာကွ..အဟီး*
*သောက်ချီး ဝမ်ရိပေါ်ရေ*
စိတ်မထိန်းနိုင်သည့်အဆုံး ယွီပင်းက ဆဲတော့သည်။ ဒီအကြောင်းကို ပြောနေတာ ကျောင်းမှာ နေ့လည်စာ စားကထဲက။
ဖုန်းထဲက ဝမ်ရိပေါ်ကတော့ ဘာမထီမျက်နှာပေးနှင့်။ ရှောင်းကျန့်ကော အကြောင်းသာ ပြောရမယ်ဆို ထမင်းမစားဟင်းမစားရလဲ ဖြစ်သည်ဆိုသည့်ကောင်။
*Jလာပြီ ကော*
ယွီပင်းအနောက်ကနေ ဖန်ရှင်းက လှမ်းအော်လိုက်လေသည်။ ယွီပင်းကလဲ ဖန်ရှင်းအသံကြားသည်နှင့် ရိပေါ်ကို နှုတ်ဆက်တော့သည်။
*Jလာပြီတဲ့..တာ့တာနော် ရိပေါ်။ ငါ Jကို ကြည့်လိုက်အုံးမယ်*
*Jက ဘယ်သူ..*
ရိပေါ် စကားမဆုံးသေး ဖုန်းချသွားသည့် ယွီပင်းကို စိတ်ထဲက ကျိန်ဆဲလိုက်သည်။ ပြောတာလေးတောင် ပြီးအောင်နားထောင်မသွားဘူး။
*J*
ရိပေါ် ခပ်တိုးတိုး ရေရွတ်ကြည့်သည်။ Jဆိုတာကို သူ တစ်နေရာမှာ ရင်းရင်းနှီးနှီးကြာဖူးနေသည်။ မျက်မှောင်ကြုတ်ကာ စဉ်းစားနေပေမယ့် ဘယ်လိုမှ စဉ်းစားမရ။
စဉ်းစားလို့မရမယ့် အတူတူ အောက်ထပ်ဆင်းကာ တီဗွီကြည့်ပြီး ဂိမ်းဆော့ရန်ပြင်လိုက်သည်။ ရှောင်းကျန့်ကောကတော့ trainingသွား၍ အိမ်မှာမရှိပေ။