(Unicode Version)
အခန်းထဲ ဝင်သွားစဉ်က သိင်္ဂါရရဲ့စိတ်ပျက်အားလျော့နေတဲ့ပုံစံကြောင့် စိုင်းရသဦးလည်း ကြားထဲကနေ ဘယ်လိုပုံစံမျိုးနဲ့ ဝင်ကူညီပေးရမယ်မှန်း မသိနိုင်တော့ပေ။
"📱...📱...📱"
ရုတ်တရက် ဖုန်းသံမြည်လာတာမို့ ခေါ်ဆိုသူကို ကြည့်မိချိန်မှာ လင်္ကာမျိုး ဖြစ်နေခဲ့လေသည်။
"ဟယ်လို...ကိုမျိုး..."
"ရသရေ...အစ်ကို မင်းကို မေးစရာလေးရှိလို့။"
"ဟုတ်ကဲ့...မေးပါ။"
"Theoဆိုတဲ့တစ်ယောက်က သိင်္ဂါရနဲ့ ပြတ်သွားပြီလား!?"
ထိုသတင်းက မျိုးအောင်ကနေတစ်ဆင့် လင်္ကာမျိုးရဲ့နားထဲသို့ ရောက်ရှိသွားမှန်း သိသာလှပေသည်။
"ဪ...ဟုတ်တယ်...ကိုမျိုး။ သူက အခု အသစ်တစ်ယောက်နဲ့ တွေ့နေပြီ။ ဒီတစ်ခါတော့ မိန်းကလေးပဲ။"
"သူ အခု ဘယ်မှာရှိသလဲဆိုတာကို မင်း သိလား!?"
"သူက ---ဟိုတယ်ကို နေ့တိုင်းနီးပါး သွားတတ်တယ်။ ကြည့်ရတာ ဟိုကောင်မလေးကလည်း အဲဒီမှာ နေလို့ ထင်တယ်။"
ထိုဟိုတယ်က ကေသရီ ရှိနေတဲ့ ဟိုတယ်မို့ လင်္ကာမျိုးရဲ့စိတ်ထဲမှာ ထင့်သွားမိသည်။
"ကျေးဇူးပါပဲကွာ။ အစ်ကိုလည်း အစီအစဉ်တွေ ချထားရမှာမို့လို့ မေးကြည့်တာပါ။"
"Theoက ဒီကောင်မလေးကိုတော့ အတည်လို့ ကျွန်တော် ထင်တယ်။ သူ လက်ထပ်တော့မယ်ဆိုပြီး ကျွန်တော့်ကို စသလိုနောက်သလိုနဲ့ ပြောသွားတာ။"
"ရသ ရှိနေတော့ အစ်ကိုလည်း တော်တော်အားတက်ရပါတယ်။ နောက်မှ လူချင်းထပ်တွေ့ကြတာပေါ့။ အခုက အစ်ကို့မှာ အလုပ်လေးတွေ ရှိနေသေးလို့။"
"ဟုတ်ကဲ့...ကိုမျိုး။"
လင်္ကာမျိုးရဲ့ဖုန်းကို ချပြီးပြီးချင်းမှာ စိုင်းရသဦးက Theoဆီသို့ လှမ်းဆက်သွယ်ခဲ့ရပြန်သည်။
"Theo...အရေးကြီးလို့ ငါ ပြောတာကို သေချာနားထောင်ပါ။"
ကေသရီ့ကို တစ်ခုခုလုပ်ပစ်ဖို့အထိ တွေးနေမိတဲ့ Theoက စိုင်းရသဦးရဲ့တားမြစ်မှုကြောင့် စိတ်ထိန်းပြီး ထပ်မေးလိုက်မိသည်။
YOU ARE READING
နှလုံးသွေးဖြင့် ရေးထိုးအပ်သော (Written In the Heart's Blood)
Mystery / Thriller𝐁𝐋 (𝐂𝐨𝐦𝐩𝐥𝐞𝐭𝐞𝐝) 🔞🔞🔞 ရန်ငြိုးနဲ့လက်စားချေမှုကြားကနေ အချစ်စစ်တစ်ခု ပေါက်ဖွားလာသောအခါ... ရန္ၿငိဳးနဲ႔လက္စားေခ်မႈၾကားကေန အခ်စ္စစ္တစ္ခု ေပါက္ဖြားလာေသာအခါ... 𝑾𝒉𝒆𝒏 𝒕𝒓𝒖𝒆 𝒍𝒐𝒗𝒆 𝒊𝒔 𝒃𝒐𝒓𝒏 𝒊𝒏 𝒕𝒉𝒆 𝒎𝒊𝒅𝒔𝒕 𝒐𝒇 𝒉𝒂𝒕𝒓𝒆𝒅 𝒂�...
