[Unicode]
💞💞💞💞💞💞💞💞💞💞💞💞💞💞
နောက်တစ်နေ့မနက်ရောက်တော့ ဦးနဲ့နွေး ဆေးရုံကိုထွက်လာခဲ့လိုက်သည်။ဖြူဖွေးကိုတော့ အဖော်အဖြစ်ခေါ်လာခဲ့၏။ဦးက နီထွေးကို နွေး စိတ်တိုင်းကျ တောင်းပန်ပေးမည်တဲ့လေ။
'ဒေါက်...ဒေါက်...ဒေါက်...´
ဆေးရုံအခန်းတံခါးကိုခေါက်လိုက်တော့ တံခါးလာဖွင့်ပေးသူက ဒေါ်ငယ်။
နွေးတို့လည်း ဆေးရုံခန်းထဲလှမ်းဝင်လာခဲ့သည်။
"နီထွေး သက်သာရဲ့လား၊"
နီထွေးက ဦးကိုမြင်တော့ ကြောက်လန့်သွားဟန်ပင်။နွေး မေးနေတာကိုလည်း ဂရုမစိုက်။
"သခင်ကြီး ကိုယ်တိုင်လိုက်လာတော့ အားနာလိုက်တာ၊အလုပ်ရှုပ်နေမှာပေါ့၊"
"ရတယ် ဒေါ်ငယ်၊နီထွေး သက်သာရဲ့လား၊ဘယ်လိုနေသေးလဲ၊"
"ဟုတ် သက်...သက်သာပါတယ် သခင်ကြီး၊"
ဦးကမေးတော့ တုန်တုန်ရီရီနဲ့ဖြေလေသည်။နီထွေးရဲ့ရင်ထဲမှာ ဦးကို ဘယ်လောက်ကြောက်နေမလဲဆိုတာ နွေး တွေးကြည့်ရုံနဲ့ကိုယ်ချင်းစာသည်။
"မနေ့ကကိစ္စအတွက် ငါစိတ်မကောင်းပါဘူး နီထွေး၊ငါလည်း ကလေးကိုထိခိုက်မိတော့ သွေးဆူသွားလို့၊ငါ့ကိုနားလည်မယ်လို့ထင်ပါတယ်၊မင်းသက်သာလာတဲ့အထိ ဆေးကုပေးမယ်၊လခလည်းမဖြတ်မှာမို့ အေးဆေးအနားယူပါ၊"
"ဟုတ်...ဟုတ်ကဲ့ သခင်ကြီး၊"
"ငါ့ကိုလည်း ခွင့်လွှတ်ပေးပါ နီထွေး၊"
"ဟုတ်...ဟုတ်ကဲ့ သခင်လေး၊"
နီထွေးက မဝံ့မရဲဖြင့်ခေါင်းညိတ်ပြလေသည်။နွေးလည်း အခုမှစိတ်ချမ်းသာရလေသည်။
"ဒါပေမယ့် နီထွေး...နောက်တစ်ခါတော့ ကလေးကိုမထိခိုက်မိစေနဲ့၊အဲ့ဒီ့အခါကျ ငါမင်းရဲ့အသက်ကို ချမ်းသာမပေးဘူး၊"
"ဦး..."
နွေးလည်း ပြန်မာကျောလာသည့်ဦးရဲ့ပုံစံကြောင့် စိတ်ပူရပြန်သည်။
"အိုကေ...ပြန်ကြရအောင် ကလေး၊"
"ဒါဆို ငါပြန်တော့မယ်နော် နီထွေး၊ဖြူဖွေး ပြန်ရအောင်၊"
YOU ARE READING
💖အချစ်များစွာဦးဆီမှာ(အခ်စ္မ်ားစြာၪီးဆီမွာ)💖
Romance💖ဇမ္ဗူကျော်ဇော+ရင်ခွင်နွေး💖 💖ဇမၺူေက်ာ္ေဇာ+ရင္ခြင္ေနြး💖 [Unicode+Zawgyi] Cover Artist - Moe Thet Khin
