One Shots For The Heart

A Father's Letter To His Daughter!❤️....

This OS is gonna be slightly different and special than all the others. This is gonna be a letter by Bondita's Baba, Late Sri Prosonjit Das, after he left her.

Bondita is a young girl here, unmarried and still a child.

My Bondu here is... pragwithpen❤️🥺 Happy Birthday My Jaan!😍😘🥺 I love you the most!❤️🥺and I am again pehle se sorryy!🥺🥺❤️❤️
____________________________________

"Meri Pyaari Beti,

Janamdin ki dher saari shubhkaamnaayein meri bacchi!...Chalo ab jaldi se muskura do!...

Jaanta hu tum udaas ho! Tum roz mujhe yaad karti ho, mujhe aasmaan ke sitaaron mein khojti ho. Kabhi apni Maa ki godh mein meri godh ka sukoon dhundhti ho, toh kabhi uski baaton mein mera zikr paakar, vyaakul ho jaati ho!... Main sab jaanta hu, kyunki main toh kabhi gaya hi nahi tha apni Beti ko chhodkar. Main toh humesha uske saath hu. Paas nahi toh kya, magar uski har baat mein mera ehsaas hota hai, mera zikr hota hai.

Main bhi kahaan jana chaahta tha tumhe yu chhodkar! Par jab jaan pada ki jana hi hoga, toh bas ek hi khayal aaya tha... Ki mere baad meri beti kahin toot na jaaye. Haan! Ek aakhri baar tumhe gale se nahi laga paya tha par maine jee bharke dekh liya tha tumhe! Basa liya tha apni aankhon mein... Sada sada ke liye. Jaanta hu mere jaane se dil toot gya tha tumhara...... Jo maine nahi chaaha tha, vahi ho gya tha... Toot gyi thi meri bahaadur beti bhi uss din. Roz kitna roti hai, yeh kya chhupa hai mujhse?...

Main dekhta hu, sunta hu, sab jaanta bhi hu!... Bas kuch keh nhi pata, tumhaari aankhon mein aane wale ek bhi aansu ko bilkul seh nahi pata!.... Jab- jab mujhe yaad karke meri rajkumaari royi haina?... Tab- tab tere Baba ne chaaha hai tujhe kaske gale laga lene ko!... Tab tab chaaha hai ki kuch bhi karke bas vo aansu ponchh du.

Jab main nahi aa saka, toh maine kayi aur vikalp dhundhe!... Aise log, aisi baatein, aisi chizein bheji jo tumhaare aansu rok bhale hi na paaye, par ponchh zarur denge!.... Main jaanta hu na, ki meri kami toh duniya ki koi chiz puri nahi kar sakti!... Par main yeh bhi jaanta hu, ki meri bahaadur beti ne khudko samhaalna seekh liya hai!.... Apne aansuon ko khud bhi pochhna sikh liya hai!...

Dekha hai maine, tumhaari Maa na roye, isliye kitni hi baar tumne apne aansu chhupa liye... Apne dil mein baatein daba li!.... Mujhe garv hua har uss pal, jab maine apni beti ko samajhdaar hote dekha!.... Ye dekha ki har mushkil wakt mein bhi usne khudko samhaal liya!.... Aur apne saath saath apne pariwaar ke baare mein bhi socha!...

Yahaan, mere pas tumhaari Dugga Maa hain!... Maine bataya unhe, dikhaya unhe ki chaahe vo tumhe kitne hi dukh kyu na de dein, tum humesha unka saamna kar sakti ho!... Unhone kitni pareekshayein li na?... Aur sach kahu, toh har pareeksha ko meri apeksha se bahut behtar samhaala hai tumne!....

Aaj, main bas itna hi kehna chaahta hu, ki chaahe jo ho jaaye, main paas hu ya nahi, par humesha saath rahunga!... Jab bhi mujhe pukaaregi meri beti, toh kuch na kuch karke uska dukh kam karne ka har sambhav prayaas karunga!....

Agar dukh diye hain Dugga Maa ne toh sukh bhi vahi laayengi na?... Jaanta hu unpar bharosa nahi rakhna chaahti tum, par sach maano, keval vahi hain jo tumhe yeh saahas yeh taakat de rhi hain!...

Main toh bas yahi chaahta hu, ki meri beti humesha khoob khush rahe!... Kabhi ek bhi aansu na aaye uski aankhon mein. Par filhaal ise padhte hue aansu aa hi gye na?.... Inhe poch lo beta!...kyunki main inhe behta nahi dekh sakta na!....

Bas, ab aur nahi rona meri beti ko!... Main ab yeh chaahta hu ki vo khoob dil lagaake apna har sapna pura kare!.... Jo bhi chaahti hai jeevan mein, vo sab mile use!.... Aur main yeh bhi jaanta hu, ki koi ek din aake tumhe pankh de jaayega!... Bas unn pankho ko lekar unche aasmaan mein ud jana!... Bahut upar!... Bahut aage badhna hai tumhe!... Aur har uss pal mein, itna yaad rakhna, ki tumhaare Baba humesha tumhaare saath hi hain!.... har haal mein, har paristhiti mein!...

Ab bas!.. Aajke din, ek aur aansu nahi!... Thik hai?!... Aur haan!.. Tumhaare Baba tumse bahut bahut bahut pyaar karte hain!....Bas aise hi humesha muskuraati rehna!❤️😘

Tumhare
Baba!❤️"

____________________________________

I am so so soo sorry If I made you cry!... But its just a small thought that came into my mind!...

I just wanted to make my dearest Friend, My Jaan!... My bestiee and my Gadhedi feel the closeness of her favorite person on this special day of hers!❤️ I hope you won't hide your tears today!.... And as I said, you need to share what you feel!❤️❤️🥺🥺

Love, Anshika!❤️

.....