سُقُوطْ الْأَقْنِعَةْ || The Fall Of Masks

الرواية الجديدة

-تنفض الغبار عن الرواية وتختنق فيه لأنو من زمان ما حدثت فيها-

أول شي السلام عليكم حبيباتي متابعات سقوط الأقنعة، ان شاء الله تكونو بخير❤

-تحاول تمسك دموعها-
عنجد إشتقتلكم كتيييير😭😭

من زمان عن أجواء الرواية الحلوة وتعليقاتكم الأحلى، إشتقت للرواية وإلكم أكثر🥺😭

طبعا كنت مختفية طول هالفترة وتأخرت بنشر الرواية الجديدة نظراً لبعض الظروف يلي مريت فيها من بعد ما خلصت سقوط الأقنعة.

بالأول بلشت بإختبارات الباكالوريا بعد اسبوع بس من اخر بارت نشرته بسقوط الأقنعة، وكان الضغط كتير كبير علي.

وبعد ما خلصت اختباراتي على طول إنتقلت انا وعائلتي من مدينة لمدينة وإنشغلت كثير هديك الفترة بنقل الاغراض والكركبة كانت كبيرة كتير، غير إني أخذت وقت كبير لحتى إستقريت تعودت على بيتنا الجديد والاجواء الجديدة.

وبعدها بلشت الجامعة وطبعا هاي اول سنة إلي، ومجالي مو بالسهل أبداً، والضغط كان كبير بأول سنة دراسية بالجامعة وكان لازم أهتم بدراستي اكتر شي لحتى أحافظ على مستوى درجاتي، يعني بالزور كنت ألاقي وقت لأكتب.

ومثل ما بتعرفوا، انا نظامي بالكتابة يختلف عن كثير كاتبات، بحيث اني أفضل اكتب اكبر قدر من فصول روايتي كمسودات اول شي، وبعدين لما اوصل لعدد منيح من الفصول متل ما حكيت ببلش انشر مرة بالاسبوع، لهيك اخد مني الموضوع وقت طويل لحتى كتبت اكبر قدر من الفصول.

وهلا رجعت لأعوضكم رغم اني لسا عم بدرس ووقتي مليان، بس ما حبيت أتأخر عنكم اكتر من هيك.

ولهيك حبيت خبركم اني رح بلش بنشر روايتي الجديدة "تعويذة حظ" وأخيراً إبتداءً من يوم الجمعة القادم بإذن الله.

ومثل ما قلت من قبل الرواية بطولتها مشتركة ومليانة شخصيات مثل سقوط الاقنعة، الا انّ تصنيفها مختلف شوي هاي المرة.

تصنيفها رح بيكون: خيال، رومانسي، غموض، إثارة، كوميديا.

طبعا الكوميديا اهم شي😂

وحطوا خط ثاني تحت كلمة خيال.

طبعا هاد التصنيف اول مرة بجربوا، لهيك ما كانت التجربة سهلة ابدا، لهيك بتمنى تقدمولها الحب مثل ما تعودت تعملو بسقوط الاقنعة، وبتمنى تنال إعجابكم وكون عند حسن ظنكم💜

ترقبوا وكونو في الانتظار لاني متحمسة مثلكم لأنشرها😭

والحين...دمتم سالمين يا رب💋💓