الامل ...هي تلك النافذه الصغيرة
التي مهما صغر حجمها الا انها
تفتح افاقا واسعا في الحياه
الروايه للنساء فقط ولااحلل قراءه الرجال
.....................
بغداد-الاعضميه -الساعه 11ليلا
وئام..طلعت من الغرفه شفت عمر گاعد ومدنگ
راسه ..رفعلي راسه وابتسم بحزن وحجى
- ها نامو الجهال.....
- يي نامو حجيتها وتقربت
گعدت بصفه ولزمت ايده
-لتشيل هم ان شاءلله نروح ونقنعه لعمي يجي معانا ونعالجه هنا .....
ـ وئام ابوي سرطان وانتي تدرين هلمرض شگد خببث وفوك الفوگ بالنخاع..وانتي سمعتي بأذنج ابو رعد شگال مرضه بمرحله متطوره
ومودينو عل اكثر من دكتور ونفس الكلام مالو اي علاج
ـ خلي املك بلله جبير ..بغداد دكاترتها زينين. نجيبو ونشوف گمت وجريت ايده ..يلله خلي ننام باجر ورانا گعده من الفجر ..
هنا سكت وكتفى بهز راسه وكام وياي نام بس الليل كله كاعد كل ماافز اشوفه يتكلب تالي صارت الساعه 6 الصبح عاد گمت صليت وسويت ريوگ وكعدت الجهال ... شويه و خابر السايق وگال اني بلباب
- يالله وئام حاضرين ....
- يييلله حجيتها واخذر الجنطه بيدي وهو گاد الجهال
و قفل الباب وطلعنا طبعا شتا شهر الواحد تكتل برد والدنيا مجلده رحت ودگيت باب اهلي... احنه متعودين من نطلع لمكان بعيد نخلي المفتاح عدهم لاسامح الله خاف يصير شوت اوشي ..طلعت امي وعمار صار وراها يريد يروح للدوام ..ودعتهم وخليت المفتاح بيد امي ووصيتها ع البيت..طلعو ورانا
ت عمار.... سلملي ع الوالد والاهل هواي وانشالله جم يوم وتنحل شغله الحويجه ونجي نزوره ..
ـ يصل يالله مع السلامه
ـ الله وياكم
اتوجهنا للحويجه وللضهر تاوصلنا كل شويه موكفتنا سيطره ذيج الايام الامن جان حيل مشدد بوكتها الدواعش كل يوم مسقطين منطقه وچنه عايشين برعب ماندري بيالحضه يدخلون بغداد.... بس الحمدلله الساعدنا عمر لان بجيش وعنده هويه امن فامجانو يوگفونا هواي من يشوفون البطاقه گبل يمشونه.... بوقتها المنافذ للحويجه كلها مسدوده وبس منفذ واحد مفتوح وهو مكتب خالد.... وصلنا وهنا بقيت مصدومه من المنضر.... شفت ناس لاحوله ولاقوه جهال ونسوان وكبار بلعمر كلهم محجوزين ينتظرون يدخلون للقضاء.... جانت الاجراءات مشددده حيل لان الدواعش مجانو يبعدون الا امتار عن هالمعبر لهيج
مجانو يسمحون للناس بلفوته والطلعه من القضاء غير ساعتين بليوم ...بأختصار جانت مأساة..نزل السايق وعمر حتى يقدم الاجازه للضابط والمستمسكات وضلينا اني والجهال ننتضربسياره ....اباوع عليه يررح ويجي ويخابر طبعا طول لطريق المبايل ماسكت اهلي واهله بخابرون ويسألون اذا وصلنا او لا لان الوضع چان موزين ابد..بقيت على نفس الوضعيه ثلاث ساعات وسيف ويوسف ذبحوني.....كل شويه وگالو ماما يلله ايمت نصل ويتنعوصون ملو عبالك هسه بيدي ..ومنا بطني ذبحتني.....من الگعده واني حامل بشهر السادس احس الطفله صارت بمعدتي......شويه ورمشت لعمر وفتحت الباب ونزلت
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
