محطه شوك 🚷
بقلمي.... ايات احمد
جمعه مباركه🌸
ياطارق الباب رفقا حين تطرقه
فأنه لم بعد فلدار اصحاب.
تفرقو في دروب الارض ونتثرو
كانه لم يكن في الامس انس واحباب
ارحم يديك فما بدار من احد
لاترج ردا فأهل الود قد رحلوو
فلترحم الدار لاتوقض مواجعها
للدور ارواح ...كم لناس ارواحن 🖤
الكأبه واصله حدها جنت حيل ضايجه املي بطلعه تبخر هسه لو يتاخرون جم يوم اگدر الگي فرصه واخابر عمار بس اليوم بليل يمشون واني مامطيه خبر لعمار ومايقبل اطلع الا عندو علم لو طلعت معاهم بدون علمو راح يودوني للمخيم وينفتحلي باب جديد بغنى عنو فمابيدي غير اصبر وانتضر
دحگت عمتي نايمه وسناوه ملفلفه بلبطانيه من البارحه ماشفناها زعلانه ..وصباح طلع ماكو بس وحدي البيت يصفر ..نخنگت وگمت گعدت بلحوش بجيزاطلع من جوو الكأبه بس وين كلشي حواليا يخنگ
ادحگ الشمس حمره ونازله ...هدوء مو قريه تگول مدينه اشباح كل ناسها عابره بحيث البيوت البصفنه كلها فارغه نوب جت عيني على بيت سليمه وشفتو فارغ متت احس واحد لزمني من رگبتي وخنگني اقلها چنه متونسين ببهم ناس تروح لناس ...حييييييل وحشه
فگاعده ولازمه عود بأيدي ورسم بتراب ورد اخربطو ومدنگه الهي بروحي ماحسيت الابواحد واگف فوگ راسي وگال
كل يوم اعد النجم واليوم ضلمه وغيم يامن يگول لهلي مضيوم حد الضيم
من الصوت عرفتها ام اكرم ضليت مدنگه ومارفعت راسي وبدت دموعي الي تريدلها حجه تا تجري ..كلامها هزني فعلا وصف حالتي يوميه شلون الروش واليوم فارغ ...
وحسيت سجين ونبتت بگلبي من جابت طاري اهلي وين اليگللهم اني مضيومه واصله حدي بضيم ....گعدت ابچي من كل گلبي انهاريت من تراكم الضغوطات العايشتها...گابلتني وصارت بمستواي واخذتني بحضنها
بگد مامقهوره وگلبي طاگ گمت بس اشهگ واگللها
مشتاگتلهم حيل ام ام اكرم ماتدرين شگد مشتاكه الجهالي...احس راح اموت وراح ضل شوفتهم حسره هين وادگ على صدري ...تدرين شگد مشتاگتلهم لدرجه گلبي يوجعني يوجعني
ـ ام اكرم..دگولي يالله بنيتي وتحمدي ربج اهم شي هما بعافيه
-الف الحمدالله بس موبيدي مشتاگتلهم هما واهلي مابيا حيل واتحمل بعد ..اهجس بروحي بعد مالي طلعه منهينه راح اموت وراح يتيتمون الام والاب ..تعبت حيل اليوم جانتلي اخر ذره امل بطلعه وضاعت مني خلص بعد...
مادري ايمت وشلون اجن عمتي وسناوه وگفن يم راسي ويهدن بيا ..
لحضتها چنت حيل ضعيفا ومكسوره شگد حاولت اسكت وامسح دموعي بس موبيدي صبري خلص ..شويه وجو الجماعه واني بعدني على نفس حالتي ..
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
