محطه شوك(مكتمله)

part 20

بقلمي ...ايات احمد
محطه شوك 🚷
جمعه مباركه 🌸

تره فراگك صعب لصدگ يهون
واريد احجي سوالف حلوه عنك
خلها الناس عني تگول مجنون
اتباهئ بجنون لو صار منك

  

  چنه گاعدين الصبح تونه صبحنا بسمالله ..وجان نسمع صوت طلق وبعدها گبت العيطه ..طلعنا نتراكض ونشوف شكو وجان ع السريع الولد يعبرون لبيت سليمه چانت الهوسه يمهم

تلگتنا سليمه ادگ وتلطم وصيح يولن احمد ..احمد راح ببها بعدنا تونه نريد نعبر الحايط سناوه من سمعت هيج وگعت بلكاع وگامت تلطم وصيح

ـ  ابني موو ..والله عرفت گلبي حاسني جان

اني شفت هيج معد اعرف شسوي مدري ارجع لسناوه ومدري اعبر لسليمه ثنيهن يدگن ويتلاطمن ..

تاهت معد اعرف ابن من لان حفيد سليمه وابن صباح ثنينهم نفس الاعمار وثنينهم اسمهم احمد..عفتهن ثنينهن وطلعت اركض اشوف منو الانضرب ..احس الطريق شطولو صار ...

الحوش مليان زلم وكلهم محاوطين الوليد فمايبين شي ..ونسوان تباچي صايره ملحمه ..ويه ماوصلتهم صباح عاط بيهم

-ولكم هين شو واكفين نفس النسوان هيرو جيبو السياره بلعجل الوليد راح يموت...وشالو من الگاع وطلع يركض بي ادحگو احمد حفيد سليمه مو بن صباح ..

خطيه فاقد شايلو صباح ودي يتلولحن وماينشاف من الدم بحيث الدم يجري من صفحتو ع الگاع گبل تگول حنفيه ...ماتحملت غمضت عيوني وصديت بلعجل

طلعت سريع ابشر سناوه واگللها مو ابنج بس صارت بوجهي ام الوليد الانضرب ...ادحگها شلون گاعده بلگاع وتلطم ووجها مزلغ ..اذكرت نفسي بوكتها من جهالي ضاعو هيج صار بيا بوكتها احس نار وساعرا بصدري ..

حسيت بحساسها لان مريت بنفس موقفها واعرف شنو فقدان الضنا ..عفت سناوه وطلعت عليها حضنتها وگمت اصبر بيها

اخذو الوليد وراحو للمستشفى ..بس ابو ماراح وياه ..حالتو بوكتها تگططع الگلب ..گاعد مصدوم ماتحرك من مكانو ودموعو تجري..مااگول غير الله يساعد گلبهم موسهله يشوفون ضناهم بالمنضر هذه..

البيت مليان اهل الجريه كلها التمت ونوب جو خوال لوليد هم وصلهم الخبر قريتهم بصفنه ..جن اخواتها وامها ولتمن حواليها..

ادحگ بسناوه واگفه بلحوش وترزل ب جهالها رحت عليها

-هاشببج وياهم

-بلقرعان شالعين گلبي النهار ومايطول دايحين ..هسع لو غير جهال وشافو هشوفه جدامهم جان خافو وگعدو الا هما ولاعبالك...

بس من اليوم وغادي اني اعلمكم..اريد عجي بيكم يطلع ..بلله عليج عجل لو جايه الطلقه بواحد بيهم ..كلهم جانو يلعبون سويه ..بس ربج ستر ...حرام الحرم من گالو احمد گبل جه بالي ابني گلت اكيد هو جنت حلمانه بي حلم موزين ..بس وگعت بذاك المگرود خطيه